کونسی لینکس ڈسٹرو؟

الف نظامی نے 'لینکس کارنر' کی ذیل میں اس موضوع کا آغاز کیا، ‏ستمبر 2, 2009

ٹیگ:
  1. الف نظامی

    الف نظامی لائبریرین

    مراسلے:
    11,662
    موڈ:
    Brooding
    لینکس ڈسڑو گردی کا سفر کہاں‌سے شروع ہوا اور اب آپ کونسی لینکس ڈسٹرو استعمال کر رہے ہیں اور اس کے استعمال کی کیا وجہ ہے؟
     
    • پسندیدہ پسندیدہ × 3
  2. ابن سعید

    ابن سعید خادم

    مراسلے:
    59,547
    شاید ریڈ ہیٹ 3 یا 4 سے شروعات کی تھی 2004 میں۔ پھر مینڈریوا کے ساتھ کافی دنوں تک کھیلتا رہا، اس کے بعد باس لینکس، سوسے، ڈیبین، جینٹو، سینٹ او ایس، سیبین اور ابنٹو وغیرہ کو آزماتے ہوئے فیڈورا پر آ کر میری سوئی رک گئی۔

    اس میں شک نہیں کہ ڈیبین کی ریپازیٹری لینکس کی سب سے زبردست ریپازیٹری ہے جس میں ہر چھوٹے بڑے حتیٰ کہ بچوں کے تجرباتی ایپلیکیشن بھی دستیاب ہوتے ہیں۔ اس لحاظ سے ابنٹو ایک اچھا انتخاب ہے۔ پر فیڈورا کی خوبی یہ ہے کہ یہ بے شمار ٹولز اور یوٹلیٹیز سے پری پیکیجڈ ہوتا ہے۔ اور یوں میرے لئے درج ذیل محاورے پر لعنت بھیجنا آسان ہو گیا ہے۔

    “Why spend time getting actual work done when you can use all of it just to set up the computer?”
     
    • پسندیدہ پسندیدہ × 3
  3. جہانزیب

    جہانزیب محفلین

    مراسلے:
    2,442
    جھنڈا:
    UnitedStates
    موڈ:
    Brooding
    اوبنٹو سے شروع ہوا اور اوبنٹو پر ہی رکا ہوا ہے فی الحال ۔
    وجہ میری ضرورت کے تمام اطلاقیہ جات یا تو میسر ہیں‌ نہیں‌ تو آسانی سے دستیاب ہو جاتے ہیں، مدد درکار ہو تو انتہائی فعال فورم موجود ہے ۔
     
    • پسندیدہ پسندیدہ × 3
  4. فاتح

    فاتح لائبریرین

    مراسلے:
    14,969
    جھنڈا:
    Pakistan
    موڈ:
    Hungover
    آغاز میں سکو یونیکس کے ساتھ دماغ سوزی کی لیکن بے سود اس کے بعد دراصل ریڈ ہیٹ 3 سے ہی آغاز ہوا تھا اور پھر فیڈورا، جب کہ درمیان میں کچھ وقت سوزے پر لگایا جو کہ ہمارے دفتر کے کمپیوٹرز پر چلتی تھی۔ اس دوران منہ کا ذائقہ تبدیل کرنے کی غرض سے مختلف ذائقے چکھتا رہا۔
    اپنے کام کے حوالے سے ہیلکس کی لائیو سی ڈی سے تو چولی دامن کا ساتھ اور جب دیکھا کہ ہیلکس کا جدید ورژن اوبنٹو پر بنایا گیا ہے تو اوبنٹو کو آزمایا اور اب ڈیسک ٹاپ ضروریات کے لیے اوبنٹو ہی استعمال کرتا ہوں لیکن بہرحال ونڈوز سے گلو خلاصی نہیں ہوئی۔
     
    • پسندیدہ پسندیدہ × 2
  5. دوست

    دوست محفلین

    مراسلے:
    12,618
    جھنڈا:
    Germany
    موڈ:
    Fine
    اوبنٹو سے شروع کیا تھا اور آج تک وہی استعمال کرتا ہوں جب بھی کرنا ہو۔
     
    • پسندیدہ پسندیدہ × 2
  6. ابوشامل

    ابوشامل محفلین

    مراسلے:
    3,253
    جھنڈا:
    Pakistan
    موڈ:
    Cheerful
    غالباً آغاز ہوا تھا کے اوبنٹو سے، جو ایک ساتھی کے ذریعے لینکس پاکستان کے دفتر سے منگوائی تھی۔ پھر اوبنٹو کی ویب سائٹ سے ناطہ جڑا تو ہر نیا ورژن منگوا لیتے ہیں۔
    ویسے تو فیڈورا 8، سوزی 10، پی سی لینکس، عربین لینکس اور اردو سلیکس کو بھی چکھا ہے لیکن مستقلاً یا یوں کہیے کہ جب بھی لینکس استعمال کیا اوبنٹو ہی انتخاب رہا۔
     
    • پسندیدہ پسندیدہ × 2
  7. محمد سعد

    محمد سعد محفلین

    مراسلے:
    1,369
    جھنڈا:
    Pakistan
    موڈ:
    Bored
    ابتداء ریڈ ہیٹ لینکس 9 سے ہوئی تھی۔ غالباً اکتوبر یا نومبر 2006ء میں (گھر میں کمپیوٹر جنوری 2006ء میں آیا تھا)۔ شروع میں چونکہ اس میں میں کچھ خاص کام نہیں کر پاتا تھا، اس لیے زیادہ تر وقت ونڈوز میں ہی گزرتا۔ پھر جب میں نے اپنا موڈیم اس میں چلانے کا طریقہ ڈھونڈ لیا تو اس کے استعمال کی شرح ونڈوز کے مقابلے میں بڑھنے لگی۔
    اس کے بعد جب معلوم ہوا کہ ریڈ ہیٹ لینکس 9 کا زمانہ تو کب کا گزر چکا، تو فیڈورا 5 لے آیا۔ ابنٹو سے میرا تعارف تب ہوا جب میں (غالباً 2007ء میں) اسلام آباد میں اپنے کچھ رشتہ داروں کے گھر گیا ہوا تھا۔ وہاں ایک گھر حال ہی میں خالی ہوا تھا اور وہاں ابنٹو کی سی ڈیز کے انبار لگے ہوئے تھے۔ آس پاس کے لڑکے انہیں خالی سی ڈیز سمجھ کر خوش ہوتے رہے اور مختلف منصوبے بناتے رہے جب تک کہ میں نے ایک کے اوپر اس کا تعارف نہیں پڑھ لیا۔ :rollingonthefloor:
    دو تین درجن دیگر ڈسٹربیوشنز بھی استعمال کی ہیں لیکن صرف لائیو چلانے کی حد تک۔ باقاعدہ تنصیب صرف (ریڈ ہیٹ لینکس 9 کے بعد) فیڈورا یا ابنٹو کی کی ہے۔ ان میں سے بھی ابنٹو کا دورانیہ بہت ہی مختصر ہے۔

    فیڈورا مجھے باقیوں کی نسبت زیادہ پسند کیوں ہے، اس کی سب سے اہم وجہ تو یہ ہے کہ اس میں پہلے ہی سے نظام کو سنبھالنے کے درجنوں اوزار ہوتے ہیں جن کی بدولت بندہ "کمانڈو" بننے سے بچ جاتا ہے۔
    اس کے علاوہ اس میں اردو متن کے حوالے سے بھی کبھی پریشانی نہیں ہوئی۔ باقیوں میں کبھی کبھار کچھ چھوٹے موٹے مسئلے سامنے آتے رہے ہیں۔ مثلاً کسی زمانے میں ابنٹو میں فائرفاکس پر اردو خطوط درست نظر نہیں آتے تھے وغیرہ۔
    ایک اور بڑی خوبی جو کہ ڈی ایس ایل کنکشن لگنے کے بعد میرے لیے اچھی خاصی اہمیت اختیار کر گئی ہے، یہ ہے کہ اس میں ترقی بہت تیزی سے ہوتی ہے۔ ہر نئے نسخے میں اچھے خاصے اضافے موجود ہوتے ہیں اور تقریباً تمام اطلاقیوں کے جدید ترین نسخے شامل کیے جاتے ہیں۔ صرف یہی نہیں بلکہ جب تک کسی نسخے کو سپورٹ مہیا کی جاتی رہے، تب تک بیشتر اطلاقیے تازہ ترین ہی رہتے ہیں۔ ابنٹو میں ایک بار کوئی اطلاقیے شامل ہو جائیں تو ان کے لیے کوئی بڑا اپڈیٹ نہیں آتا۔ صرف چھوٹے درجے کے اپڈیٹ آتے ہیں جو کہ خرابیوں کو درست کرنے کے لیے ہوتے ہیں۔ مثلاً آپ فائرفاکس 3.0.8 سے 3.0.9 پر تو جا سکتے ہیں لیکن 3.5 پر نہیں۔ جبکہ فیڈورا میں بڑے درجے کے اپڈیٹ بھی اکثر ٹپکتے رہتے ہیں۔
     
    • پسندیدہ پسندیدہ × 1
  8. arifkarim

    arifkarim معطل

    مراسلے:
    29,833
    جھنڈا:
    Norway
    موڈ:
    Happy
    لینکس سے وابستگی تو مہربان اردو محفل "مکی" بھائی کے اردو لینکس ڈسٹروز سے ہی ہوئی تھی۔ شروع شروع میں ونڈوز پر اوبنٹو اور اسلیکس ورچؤلی چلاتا رہا ۔ بعد میں کچھ شوق پیدا ہوا تو الگ پارٹیشن کو تختہ مشق بنایا۔ ابتک کا تجربہ یہی ہے لینکس اوپن مائنڈڈ لوگوں کی دنیا ہے جبکہ ونڈوز اور میک مین اسٹریم پروفیشنل فیلڈز سے تعلق رکھنے والے زیادہ استعمال کرتے ہیں۔ باقی بڑے سرورز کیلئے بھی لینکس اور یونیکس زیادہ موذوں ہیں۔ ہمارے کالج میں جلد ہی 64bit کے DELL کمپیوٹرز آنے والے ہیں جنپر انشاءاللہ 8GB ریم کیساتھ مزید تجربات کر سکیں گے!
     
  9. asakpke

    asakpke محفلین

    مراسلے:
    254
    جھنڈا:
    Pakistan
    موڈ:
    Busy
    شروع ریڈ ہیٹ 2۔7 سے ہوا، غالباً 2001 یا 2002 میں، تھوڑے عرصے کے لیے، وہ بھی پارٹیشن اڑانے کے نقصان پر۔ پھر اوبنٹو 04۔7 یا 10۔7 اور اسکے مختلف ذائقے، زورین او ایس 1، 2، ویکٹر لینکس، پیپی لینکس، ایکس پی یو ڈی، اردو اوبنٹو، اردو سلیکس، لینکس مینٹ اور تجربات جاری ہیں۔

    زیادہ تر استعمال میں زورین او ایس 2 رہتی ہے، کیونکہ آسان ہے، وینڈوز کے ساتھ ملتی جلتی ہے (زورین او ایس 2 وینڈوز 7 کے ساتھ)، اوبنٹو کی بنیاد پر بنی ہے، فلیش پلیئر وغیرہ پہلے سے انسٹال ہوتے ہیں، وغیرہ وغیرہ۔

    نظامی صاحب، آپ نے اپنے بارے میں تو لکھا ہی نہیں (ڈسڑو گردی، کونسی ڈسٹرو استعمال میں، وجہ استعمال وغیرہ)؟
     
  10. شازل

    شازل محفلین

    مراسلے:
    228
    ابتداء ریڈہیٹ 7 (شاید) سے کی پھر 9 پر کافی عرصہ اٹکا رہا،اس دور میں ڈائل اپ انٹرنیٹ تھا اس لیے لینکس سے دوستی پکی نہ ہو سکی۔
    اوبنٹو نے سچ مچ لینکس سے یاری پکی کرادی
    مگر جب سے نیا ورژن آیا ہے اس دوستی میں دراڑ آگئی ہے ،اس نئے ورژن نے مجھے پھر سے ونڈوز کی اہمیت جتا دی، اب جب کبھی بوریت ہوتی ہے تو اوبنٹو چڑھا کر دل خوش کرلیتا ہوں ورنہ ونڈوز تو ہے ہی، اسے سے بھاگ کر کہاں جائیں گے
     

اس صفحے کی تشہیر