کاہلی پر چند اشعار

[سیما علی]

ہماری سوچ ؀
ہے مختصر سی زندگی
نہیں ہے اچھی کاہلی

عادل اسیر دہلوی

 

[سیما علی]

جز خط کے خیال اس کے کچھ کام نہیں ہم کو
سبزی پیے ہم اکثر رہتے ہیں مگن بیٹھے!!!!!!!!؟؟
میر تقی میر

”سبزی“ کے ایک معنی ایسی خمارآور شے کے ہیں جس کا ذکر اوپر کیاگیا ہے اور جسے گھوٹ کر پیالوں میں پیا جاتا ہے۔یقین نہ آئے تو دیکھ لیجیے”فرہنگِ آصفیہ“(جلد دوم)صفحہ نمبر24۔

 

[سیما علی]

عشق بھی کیا چیز ہے سہل بھی دشوار ہے
ان کو ادھر دیکھنا مجھ کو ادھر دیکھنا!!!!!؟؟؟

مرزا مائل دہلوی

 

[سیما علی]

وہ لوگ پاتے ہیں عزت زیادہ
جو کرتے ہیں دنیا میں محنت زیادہ

اسی میں ہے عزت خبردار رہنا
بڑا دکھ ہے دنیا میں بےکار رہنا

 

[سیما علی]

کہاں تک کاہلی کے طعن سنتا!!!
تھکن سے چور ہو کر گر پڑا ہوں

انور شعور

 

[سیما علی]

کچھ کرنے نہیں دیتی مری کاہلی مجھ کو
بیکار پڑی رہتی ہے فرصت مرے آگے

شکیل گوالیاری

 

[سیما علی]

روایات کساد و کاہلی چمکائی جائیں گی!!!!!!؟؟؟؟
جواں مردوں کی زلفیں پاؤں تک لٹکائی جائیں گی

ظمیر جعفری

 

[سیما علی]

وہ کاہلی ہے کہ دل کی طرف سے غافل ہیں
خود اپنے گھر کا بھی ہم سے نہ انتظام ہوا

احمد جاوید

 

[سید عاطف علی]

دل ہمارا بھی یہ چاہا کاہلی پر کچھ کہیں
کاہلی کے ہی سبب کچھ کہہ نہ پائے ہم مگر
فی البدیہہ ۔

 

[نیرنگ خیال]

دل ہمارا بھی یہ چاہا کاہلی پر کچھ کہیں
کاہلی کے ہی سبب کچھ کہہ نہ پائے ہم مگر
فی البدیہہ ۔

آپ جیسے چست لوگ خود کو کاہل کہہ کر ہم ایسے آلسیوں کو عبث بدنام کرنے کا باعث ہیں۔

 

[محمد تابش صدیقی]

سخت گیر آقا
٭
آج بستر ہی میں ہُوں
کر دِیا ہے آج
میرے مضمحل اعضا نے اِظہارِ بغاوت برملا
واقعی معلوم ہوتا ہے تھکا ہارا ہُوا
اور میں
ایک سخت گیر آقا (زمانے کا غلام)
کِس قدر مجبُور ہُوں
پیٹ پُوجا کے لیے
دو قدم بھی، اُٹھ کے جا سکتا نہیں
میرے چاکر پاؤں شل ہیں
جُھک گیا ہُوں اِن کمینوں کی رضا کے سامنے
سر اُٹھا سکتا نہیں
آج بستر ہی میں ہُوں
٭٭٭
ابو الاثر حفیظؔ جالندھری

 

[گُلِ یاسمیں]

ٹلنا تھا میرے پاس سے اے کاہلی تجھے
کمبخت تو تو آ کے یہیں ڈھیر ہو گئی

مرزا ہادی رسوا

 

[سیما علی]

کیا ہے ترک دنیا کاہلی سے
ہمیں حاصل نہیں بے حاصلی سے

خراج دیہہ ویراں یک کف خاک
بیاباں خوش ہوں تیری عاملی سے

پر افشاں ہو گئے شعلے ہزاروں
رہے ہم داغ اپنی کاہلی سے

خدا یعنی پدر سے مہرباں تر
پھرے ہم در بدر ناقابلی سے

اسدؔ قربان لطف جور بیدل
خبر لیتے ہیں لیکن بیدلی سے

اسد اللّہ خاں غالب

 

[سیما علی]

عیاشیاں جو کیجیئے تو آپ ہیں عزیز
اے قوم کاہلی ہے تری گھر کی اب کنیز

اچھی بری کا جب تو نہیں امتیاز ہے
بے مائیگی پر اپنی فقط تجھ کو ناز ہے

ہشیار کوئی لاکھ کرے تو ہے بے خبر
اس درجہ بے حیا کہ نہیں دل پہ کچھ اثر

نازاں ہیں صرف باپ کے دادا کے نام پر
قرضے میں ہو رہی ہے مگر زندگی بسر

دیکھو تو غیر ہنستے ہیں ہشیار ہو ذرا

للہ اب تو خواب سے بیدار ہو ذرا
پھولو پھلو الٰہی رہو شاد سر بسر

ہو نخل اتحاد ہمیشہ یہ بارور
وہ دن خدا دکھائے کہ لے آئے یہ ثمر

آنا ہے تم کو منزل مقصود تک اگر
ڈالی ہے اتحاد کی تم نے جو داغ بیل

ہمت نہ ہارو جان کے بچوں کا ایک کھیل
دیکھو تو اور قوموں میں کیا اتحاد ہے

دولت سے اور علم سے ہر ایک شاد ہے
تم میں بھی آج ایسا کوئی خوش نہاد ہے

محمود کا یہ قول ہمیں اب تو یاد ہے
دو دن رہے جو آ کے جہاں میں تو کھل گئے

آخر کو مثل خار چمن سے نکل گئے
اے ساکنان موضع جگور السلام

دنیا ہے آج تم کو ہر اک بات کا پیام
اب تو نکالو اپنی دلوں سے خیال خام

اچھا نہیں جو غیر کے بن جاؤ تم غلام

اچھی نصیحتوں پہ عمل پھر ضرور ہے
کوئی نہ یہ کہے کہ سراسر قصور ہے

اپنے امور میں نہ کرو غیر کو شریک
شر کو نہ ڈھونڈھو اور کرو خیر کو شریک

اچھے نہیں سفر جو کریں سیر کو شریک
کعبہ کے ذکر میں نہ کرو دیر کو شریک

تم خود رہے ہو صاحب اقبال دہر میں
کیوں ڈھونڈتے ہو ذائقہ شہد زہر میں

اخلاق کا چراغ بجھانا نہ چاہئے
ظلمت کدہ میں غیر کے جانا نہ چاہئے

سچی نصیحتوں کو بھلانا نہ چاہئے
تم کو کسی فریب میں آنا نہ چاہئے

اللہ کے بھروسہ پہ ہر کام تم کرو
دشمن بھی جس کو مان لیں وہ نام تم کر

مرزا الطاف حسین عالم لکھنوی

 

[گُلِ یاسمیں]

میں جو مل جاتا ہوں آسانی سے
لوگ سمجھتے ہیں بیکار ہوں میں

 

[اے خان]

جم جما جم جم جما

 

[نیرنگ خیال]

میں جو مل جاتا ہوں آسانی سے
لوگ سمجھتے ہیں بیکار ہوں میں

سچ بات ہے یہ

 

[گُلِ یاسمیں]

اپنا زیادہ وقت ہوا نوکری کی نذر
فرصت اگر ملی تو ہوئی کاہلی کی نذر

 

[جاسمن]

ہم سہل پسندوں نے آنکھیں ہی نہیں کھولیں
دھرتی تو ازل سے ہے گنجینہء زر کھولے
سید صبط علی صبا

 

[جاسمن]

جیب کاٹو کہ ریس کھیلو رحیمؔ
دیکھو بے کاریاں نہیں اچھی
رؤف رحیم