پاکستان کا بیلسٹک میزائل کا کامیاب تجربہ

[پاکستانی]

پاکستان کا بیلسٹک میزائل حتف iii غزنوی کا کامیاب تجربہ۔ میزائل 290 کلو میٹر دور تک مار کرنے اور ہر قسم کا وار ہیڈ لے جانے کی صلاحیت رکھتا ہے:


اسلام آباد ( اردوپوائنٹ اخبار تازہ ترین09دسمبر2006 ) پاکستان نے بیلسٹک میزائل حتف iii غزنوی کا کامیاب تجربہ کر لیا ہے۔ غزنوی میزائل 290 کلو میٹر تک وار ہیڈ لے جانے کی صلاحیت رکھتا ہے۔ تفصیلات کے مطابق پاکستان نے ہفتے کے روز زمین سے زمین پر مار کرنے والے بیلسٹک میزائل حتف iiiغزنوی میزائل کا کامیاب تجربہ کیا ہے۔ حتف iii غزنوی میزائل 290 کلو میٹر تک مار کر سکتا ہے اور ہر طرح کا وار ہیڈ لے جانے کی صلاحیت رکھتا ہے۔ پاک فوج کے ترجمان کے مطابق میزائل کا تجربہ کامیاب رہا اور اس تجربے سے مطلوبہ ڈیٹا حاصل کر لیا گیا ہے۔ انہوں نے کہا کہ میزائل 290 کلو میٹر دور تک مار کر سکتا ہے اور ہر قسم کا وار ہیڈ لے جانے کی صلاحیت رکھتا ہے۔ میزائل تجربے کے مہمان خصوصی چیف آف ایئر سٹاف ایئر چیف مارشل تنویر محمود تھے۔ میزائل کے کامیاب تجربے پر انہوں نے سائنسدانوں اور قوم کو مبارک باد دی ہے۔

بشکریہ اردو پوائینٹ

 

[عمر سیف]

کچھ عرصے میں شاید یہ تیسرا تجربہ ہے۔

 

[دوست]

جی یہ تو ہے۔
یہ تجربہ تو میرا خیال ہے متعلقہ لوگوں نے کیا ہے مشقوں کے دوران جو اسے جنگ میں بھی چلائیں گے۔۔۔

 

[عمر سیف]

مجھے قاسمی صاحب کا وہ شعر پھر یاد آگیا

خُدا کرے میری ارضِ پاک پر اُترے
وہ فصلِ گُل جسے اندیشہِ زوال نہ ہو
یہاں جو سبزہ اُگے وہ ہمیشہ سرسبز رہے
اور ایسا سبز کہ جس کی کوئی مثال نہ ہو

یہی میری دعا بھی ہے۔ آمین

 

[پاکستانی]

بہت خوب ضبط بھیا

 

[عمر سیف]

دعاگو رہا کریں وطنِ عزیز کے لیے۔ اللہ اسے سلامت رکھے۔آمین

 

[پاکستانی]

آمین