نبیل
تکنیکی معاون
اپنی پرانی عادت ہے کہ پرانے کام ختم کیے بغیر نئے پھڈے شروع کر دیتا ہوں۔ بس اس مرتبہ بھی ایک نیا پنگا شروع کر دیا ہے۔ میں نے کئی مرتبہ ذکر کیا تھا کہ اردو ویب پر ایک بہتر وکی پیڈیا سسٹم جیسے کہ وکی میڈیا کی ضرورت ہے تاکہ لائبریری پراجیکٹ کا کام بہتر انداز میں چل سکے اور تدریسی مواد بھی بہتر انداز میں ترتیب دیا جا سکے۔ اسی لیے میں نے وکی میڈیا میں اردو سپورٹ شامل کرنے پر کچھ تحقیق شروع کی۔
کسی بھی ویب اپلیکیشن میں اردو کی سپورٹ شامل کرنے سے پہلے ہمیں یہ دیکھنا پڑتا ہے کہ اس میں utf-8 اینکوڈنگ کی کتنی سپورٹ موجود ہے۔ خوش قسمتی سے وکی میڈیا کے حالیہ ورژن میں یونیکوڈ کی سپورٹ built in ہے لہٰذا اس مقصد کے لیے اسے ہیک نہیں کرنا پڑے گا۔
وکی میڈیا کی انسٹالیشن کے دوران مجھے کچھ مسائل در پیش آئے لیکن میں نے گوگل کے ذریعے انفارمیشن ڈھونڈھ کر اس کا workaround بھی پا لیا۔ اس کے بعد پہلا مرحلہ وکی میڈیا کی ڈیفالٹ تھیم کی سمت اور اس کی سٹائل شیٹ کو بدلنا تھا جو کہ نہایت معمولی کام ثابت ہوا۔ ذیل کی تصویر میں وکی میڈیا میں اردو ٹیکسٹ ڈسپلے نظر آ رہا ہے:
اس کے بعد مرحلہ تھا وکی میڈیا کے ایڈٹ ایریا میں اردو ویب پیڈ کی انٹگریشن کا۔ اگرچہ اس مرحلے میں مجھے قدرے دقت پیش آئی لیکن تھوڑی دیر کوشش کرنے کے بعد میں اسے ہیک کرنے میں کامیاب ہو گیا۔ ذیل کے سکرین شاٹ میں وکی میڈیا کے ایڈٹ ایریا میں ویب پیڈ فعال نظر آ رہا ہے۔
بالا کی تصویر میں ایک مسئلہ بھی نظر آ رہا ہے کہ سائیڈ بار نے ایڈٹ ایریا کا کچھ حصہ چھپایا ہوا ہے۔ شاید سٹائل شیٹ کو کچھ tweak کرنے سے اس کا کوئی حل نکل آئے۔
ابھی یہ کام کی ابتداء ہے۔ وکی میڈیا کو اردو سپورٹ کے ساتھ باقاعدہ استعمال میں لانے میں کچھ وقت لگ سکتا ہے۔ اس اثناء میں اگر اس کی لینگویج فائل کا اردو ترجمہ ہو جائے تو سونے پر سہاگہ ہو جائے گا۔
کسی بھی ویب اپلیکیشن میں اردو کی سپورٹ شامل کرنے سے پہلے ہمیں یہ دیکھنا پڑتا ہے کہ اس میں utf-8 اینکوڈنگ کی کتنی سپورٹ موجود ہے۔ خوش قسمتی سے وکی میڈیا کے حالیہ ورژن میں یونیکوڈ کی سپورٹ built in ہے لہٰذا اس مقصد کے لیے اسے ہیک نہیں کرنا پڑے گا۔
وکی میڈیا کی انسٹالیشن کے دوران مجھے کچھ مسائل در پیش آئے لیکن میں نے گوگل کے ذریعے انفارمیشن ڈھونڈھ کر اس کا workaround بھی پا لیا۔ اس کے بعد پہلا مرحلہ وکی میڈیا کی ڈیفالٹ تھیم کی سمت اور اس کی سٹائل شیٹ کو بدلنا تھا جو کہ نہایت معمولی کام ثابت ہوا۔ ذیل کی تصویر میں وکی میڈیا میں اردو ٹیکسٹ ڈسپلے نظر آ رہا ہے:
اس کے بعد مرحلہ تھا وکی میڈیا کے ایڈٹ ایریا میں اردو ویب پیڈ کی انٹگریشن کا۔ اگرچہ اس مرحلے میں مجھے قدرے دقت پیش آئی لیکن تھوڑی دیر کوشش کرنے کے بعد میں اسے ہیک کرنے میں کامیاب ہو گیا۔ ذیل کے سکرین شاٹ میں وکی میڈیا کے ایڈٹ ایریا میں ویب پیڈ فعال نظر آ رہا ہے۔
بالا کی تصویر میں ایک مسئلہ بھی نظر آ رہا ہے کہ سائیڈ بار نے ایڈٹ ایریا کا کچھ حصہ چھپایا ہوا ہے۔ شاید سٹائل شیٹ کو کچھ tweak کرنے سے اس کا کوئی حل نکل آئے۔
ابھی یہ کام کی ابتداء ہے۔ وکی میڈیا کو اردو سپورٹ کے ساتھ باقاعدہ استعمال میں لانے میں کچھ وقت لگ سکتا ہے۔ اس اثناء میں اگر اس کی لینگویج فائل کا اردو ترجمہ ہو جائے تو سونے پر سہاگہ ہو جائے گا۔
میں اردوویب کا سکوپ کم کرنے کی کوشش کر رہا ہوں اور آپ بڑھائے چلے جا رہے ہیں۔