مومن از احسن عزیز ؒ

[ربیع م]

مومن


عقبہ کیلئے لرزاں ، پیشی کیلئے ترساں
آشفتہ وسرگرداں ، تامنزلِ جاویداں

موجود بہر میداں ، تیار بہرامکاں
یہ فخردل آویزاں ، جنت کیلئے خیزاں

دکھ درد کے ماروں پر رحمت کی برکھا
پریاس فضاؤں میں ، ایک نور بہار افزا

شبِ تاب رہِ رحماں اک رشکِ شفق ریزاں
یہ فخردل آویزاں ، جنت کیلئے خیزاں

اصلاح ہدف اس کا، نبضوں پہ ہے کف اس کا
ہاں سوزِمحبت ہی ، گہرصدف اس کا

ہر دل کا یہ مہماں ، ہر اک کا اقرار جاں
یہ فخردل آویزاں ، جنت کیلئے خیزاں

اخلاق میں یہ عالی، کینے سے جگر خالی
گلشن کا یہی والی ، چمپا کی کِھلی ڈالی

پت جھڑ میں یہ بہارستاں ، دم سازِ مسلماناں
یہ فخردل آویزاں ، جنت کیلئے خیزاں

ہر دل پہ ہے راج اس کا ، الفت جو ہے تاج اس کا
عالم کی ہے یہ رونقِ ایماں ، سراج اس کا

ہر صبح کو ضُو افشاں ، ہر شام مہِ تاباں
یہ فخردل آویزاں ، جنت کیلئے خیزاں
​

احسن عزیز ؒ