مسئلہ پھول کا ہے پھول کدھر جائے گا ؟

[گُلِ یاسمیں]

بھائی! مزید گہرائی میں جانا میرے لیے ممکن نہیں۔

آپ کے حصے کا کام ہم نے کر دیا علی وقار بھیا۔

 

[محمد عبدالرؤوف]

اس میں شاعرہ نے وہ کو جو خوشبو کی طرح ہوا میں بکھر جانے کا کہا ہے۔ تو اس سے مراد یہ ہے کہ اس میں وفا نہیں ۔ ہوا کے ساتھ ادھر سے اُدھر بکھرتا جائے گا۔ شاید یہ سن رکھا ہو گا کہ
چلو تم اُدھر کو ہوا ہو جدھر کی
اور خود کو پھول سے تشبیہ دی ہے جس کی وہ خوشبو ہے۔ اور خوشبو کے چلے جانے کے بعد پھول چونکہ بے خوشبو رہ جائے گا تو اس فکر میں ہیں کہ ہائے اب میرا کیا ہو گا۔ دہائی دیتے ہوئے غم کی کیفیت میں کہا ہے
وہ تو خوشبو ہے ہواؤں میں بکھر جائے گا
مسئلہ پھول کا ہے پھول کدھر جائے گا

سرگوشی

بھائیو ہمیں اشعار کی کوئی سمجھ نہیں مگر پھر بھی ہم نے کوشش کی ہے۔ اور بھرپور کوشش کی ہے آپ سب کو سمجھانے کی کہ آخر پروین شاکر کیا کہنا چاہتی ہیں۔
محمد عبدالرؤوف بھیا علی وقار بھیا بچا لیجئیے گا ہمیں۔ فی میل کی نگاہ سے ہم نے شعر کا مطلب بیان کیا ہے بس۔

اس سرتوڑ کوشش پر ہم آپ کو اکیس توپوں کی سلامی پیش کرتے ہیں ۔

 

[گُلِ یاسمیں]

اس سرتوڑ کوشش پر ہم آپ کو اکیس توپوں کی سلامی پیش کرتے ہیں ۔

محفلین کو کان تو بند کر لینے دیجئے پہلے۔ ہم بھی اپنے مورچے میں پناہ لے لیں پہلے۔

 

[محمد عبدالرؤوف]

محفلین کو جان تو بند کر لینے دیجئے پہلے۔ ہم بھی اپنے مورچے میں پناہ لے لیں پہلے۔

مورچے میں کیوں چھپنے لگی ہو، جس کی تکریم کی جا رہی ہوتی ہے اس پر توپیں نہیں چلائی جاتیں۔

 

[گُلِ یاسمیں]

مورچے میں کیوں چھپنے لگی ہو، جس کی تکریم کی جا رہی ہوتی ہے اس پر توپیں نہیں چلائی جاتیں۔

یعنی کہ ہم نے صحیح تشریح کی شعر کی؟
اور بھی گواہیاں چاہئں تکریم کی۔ ایسا نہ ہو کہ صنف کرخت بارے منفی بات کرنے کے جرم میں اکیس توپوں کی سلامی کی بجائے اڑانے کی بات کی جا رہی ہو۔ ایک ہی کافی ہمیں اڑانے کو۔ باقی بیس کسی اور وقت بھی کام آ سکتی ہیں

 

[محمد عبدالرؤوف]

صنف کرخت

ہم اس لفظ کی شدید مذمت کرتے ہیں۔ ہمیں صنفِ آہن کہا جائے نہ کہ کرخت۔۔۔۔۔ ورنہ

 

[گُلِ یاسمیں]

ہم اس لفظ کی شدید مذمت کرتے ہیں۔ ہمیں صنفِ آہن کہا جائے نہ کہ کرخت۔۔۔۔۔ ورنہ

اور تو کسی نے اعتراض نہیں کیا۔ اکیلے آپ کےدھرنا دینے سے نہیں آنی تبدیلی۔ جو کہہ دیا سو کہہ دیا۔

 

[محمد عبدالرؤوف]

اور تو کسی نے اعتراض نہیں کیا۔ اکیلے آپ کےدھرنا دینے سے نہیں آنی تبدیلی۔ جو کہہ دیا سو کہہ دیا۔

اور جنہوں نے ہجوم کے ساتھ دھرنے دیئے کیا وہ تبدیلی لا سکے؟ 😜😂😂

 

[ابو ہاشم]

ابو ہاشم صاحب، "فرماتی" بھی تو صنف کو ظاہر کرنے کے لیے ہے۔ اور شاعر کے ساتھ فرماتی تو اٹ پٹا سا لفظ بن جائے گا۔ اگر شاعر ہی کہنا ہے تو پھر کہنا پڑے گا کہ "شاعر کا یہ فرمانا ہے"

شاعری جو بھی کر رہا ہے وہ شاعر ہے چاہے مرد ہو یا عورت ۔ اسے شاعر ہی کہنا چاہیے ۔ اسی طرح کے الفاظ ہیں استاد اور دوست۔ 'یونیورسٹیوں کی استادیں' اور 'میری دوست' وغیرہ جیسی تراکیب آپ نے پڑھی یا سنی ہوں گی ۔ اور ڈاکٹر عافیہ وغیرہ
باقی ' فرماتی 'یا 'میری' جیسے الفاظ کا استعمال اردو کے موجودہ ڈھانچے کی وجہ سے ہے ۔ ہو سکتا ہے مستقبل میں ایسے الفاظ کا استعمال بھی کم ہو جائے