مسئلہ پھول کا ہے پھول کدھر جائے گا ؟

[ابو ہاشم]

وہ تو خوشبو ہے ہواؤں میں بکھر جائے گا
مسئلہ پھول کا ہے پھول کدھر جائے گا

پروین شاکر کا مشہور شعر ۔ لیکن اس شعر کا مطلب کیا بنتا ہے ؟

 

[ابو ہاشم]

بوجھو تو جانیں

 

[علی وقار]

وہ تو خوشبو ہے ہواؤں میں بکھر جائے گا
مسئلہ پھول کا ہے پھول کدھر جائے گا

پروین شاکر کا مشہور شعر ۔ لیکن اس شعر کا مطلب کیا بنتا ہے ؟

بظاہر سادہ سا شعر ہے۔ شاعر خود کو ایک پھول تصور کرتا ہےاور اس کی خوشبو اس کے محبوب کے دم سے ہے۔ اندیشہ یہی ہے کہ اگر کہیں خوشبو رخصت ہو جائے گی تو پھول کی مہک بھی جاتی رہے گی اور اس بے خوشبو پھول کی کوئی خاص وقعت نہ رہ جائے گی، بس زیبِ نگاہ ہی بنا رہ جائے گا۔ میرے خیال میں، اس کیفیت کی عکاسی اس شعر میں کی گئی ہے۔

 

[ابو ہاشم]

میرے خیال میں یہ ایک فلسفیانہ شعر ہے ۔ ذرا گہرائی سے سوچیں۔

 

[علی وقار]

میرے خیال میں یہ ایک فلسفیانہ شعر ہے ۔ ذرا گہرائی سے سوچیں۔

بھائی! مزید گہرائی میں جانا میرے لیے ممکن نہیں۔

 

[ابو ہاشم]

چلیں میں اپنے خیال کا اظہار کر دیتا ہوں

میرے خیال میں یہاں روح اور بدن کی بات کی گئی ہے

 

[علی وقار]

چلیں میں اپنے خیال کا اظہار کر دیتا ہوں

میرے خیال میں یہاں روح اور بدن کی بات کی گئی ہے

ابو ہاشم بھائی! میرے ذہن میں یہ بات آئی تھی مگر پہلے مصرع سے توجہ خواہ مخواہ ہی ٰمحبوب صاحب ٰ کی طرف چلی جاتی ہے۔

 

[فرخ منظور]

پروین شاکر کا شعر ہے اور اس نے زیادہ تر عورت کے بلکہ اپنے جذبات کی ہی ترجمانی کی ہے۔ لہٰذا اس شعر کو ایک عورت کی نگاہ و جذبات سے ہی دیکھنا چاہیے۔ خواہ مخواہ کی فلسفیانہ موشگافیوں کی میرے خیال میں کوئی ضرورت نہیں۔

 

[محمد عبدالرؤوف]

بظاہر سادہ سا شعر ہے۔ شاعر خود کو ایک پھول تصور کرتا ہےاور اس کی خوشبو اس کے محبوب کے دم سے ہے۔ اندیشہ یہی ہے کہ اگر کہیں خوشبو رخصت ہو جائے گی تو پھول کی مہک بھی جاتی رہے گی اور اس بے خوشبو پھول کی کوئی خاص وقعت نہ رہ جائے گی، بس زیبِ نگاہ ہی بنا رہ جائے گا۔ میرے خیال میں، اس کیفیت کی عکاسی اس شعر میں کی گئی ہے۔

خوشبو اور مہک میں کیا فرق ہے؟

 

[محمد عبدالرؤوف]

پروین شاکر کا شعر ہے اور اس نے زیادہ تر عورت کے بلکہ اپنے جذبات کی ہی ترجمانی کی ہے۔ لہٰذا اس شعر کو ایک عورت کی نگاہ و جذبات سے ہی دیکھنا چاہیے۔ خواہ مخواہ کی فلسفیانہ موشگافیوں کی میرے خیال میں کوئی ضرورت نہیں۔

شعر کی عبارت جہاں تک ساتھ دے، اس کے معنی اور مفاہیم مختلف بھی ہو سکتے ہیں۔ بعض اوقات دو ایک دوسرے سے مختلف بلکہ متضاد مفاہیم بھی نکالے جا سکتے ہیں۔
اور اگر محض شاعر کے تخیل کو ہی کھوجنا لازم ہو تو پھر شاعر کی زندگی کو سامنے رکھا جا سکتا ہے۔

 

[فرخ منظور]

شعر کی عبارت جہاں تک ساتھ دے، اس کے معنی اور مفاہیم مختلف بھی ہو سکتے ہیں۔ بعض اوقات دو ایک دوسرے سے مختلف بلکہ متضاد مفاہیم بھی نکالے جا سکتے ہیں۔
اور اگر محض شاعر کے تخیل کو ہی کھوجنا لازم ہو تو پھر شاعر کی زندگی کو سامنے رکھا جا سکتا ہے۔

آپ تو مجھے جہالت کے اندھریروں سے کھینچ کر علم کی روشنیوں میں لے آئے۔

 

[محمد عبدالرؤوف]

آپ تو مجھے جہالت کے اندھریروں سے کھینچ کر علم کی روشنیوں میں لے آئے۔

فرخ بھائی، آپ سے بات کرنا یعنی موت کو دعوت دینے کے مترادف ہے 😜
آپ تو گنڈاسوں سے بات کرتے ہیں۔ 🙈

 

[فرخ منظور]

فرخ بھائی، آپ سے بات کرنا یعنی موت کو دعوت دینے کے مترادف ہے 😜
آپ تو گنڈاسوں سے بات کرتے ہیں۔ 🙈

ارے نہیں نہیں۔ میں آخر میں قہقہہ سمائلی لگانا بھول گیا۔ خوش رہیے۔

 

[علی وقار]

خوشبو اور مہک میں کیا فرق ہے؟

شاید کوئی فرق ہو، مگر اس شعر کے تناظر میں پھول کی خوشبو ہو یا مہک ہو، اس میں مجھے کو ئی خاص فرق محسوس نہیں ہوتا۔ کہا جاتا ہے کہ ایسی خوشبو ہوتی ہے جس میں مہک نہ ہو تاہم میری نظر میں شعری تناظر میں یہ ہم معنی الفاظ ہی ہیں۔

 

[خورشیداحمدخورشید]

بظاہر سادہ سا شعر ہے۔ شاعر خود کو ایک پھول تصور کرتا ہےاور اس کی خوشبو اس کے محبوب کے دم سے ہے۔ اندیشہ یہی ہے کہ اگر کہیں خوشبو رخصت ہو جائے گی تو پھول کی مہک بھی جاتی رہے گی اور اس بے خوشبو پھول کی کوئی خاص وقعت نہ رہ جائے گی، بس زیبِ نگاہ ہی بنا رہ جائے گا۔ میرے خیال میں، اس کیفیت کی عکاسی اس شعر میں کی گئی ہے۔

چلیں میں اپنے خیال کا اظہار کر دیتا ہوں

میرے خیال میں یہاں روح اور بدن کی بات کی گئی ہے

اگر درج بالا دونوں خیالوں کو ملا دیا جائے تو یہ خیال بنتا ہے جو کہ میرا بھی خیال ہے
شاعرہ فرماتی ہیں کہ اے محبوب تو میرے جسم میں روح کی طرح ہے۔اور جسم سے روح تحلیل ہوگئی تو روح سے خالی جسم کس کام کا۔

 

[ابو ہاشم]

پروین شاکر کا شعر ہے اور اس نے زیادہ تر عورت کے بلکہ اپنے جذبات کی ہی ترجمانی کی ہے۔ لہٰذا اس شعر کو ایک عورت کی نگاہ و جذبات سے ہی دیکھنا چاہیے۔ خواہ مخواہ کی فلسفیانہ موشگافیوں کی میرے خیال میں کوئی ضرورت نہیں۔

ساری شاعری پر ایک ہی حکم لگا دینا ،میرے خیال میں ، شاعر کے ساتھ زیادتی ہے ۔ اس زاویے سے ہٹ کر بھی دیکھنا چاہیے

 

[ابو ہاشم]

شاعرہ فرماتی ہیں

'شاعر فرماتی ہیں ' کہنا چاہیے 'شاعرہ 'خواہ مخواہ صنف کو ظاہر کرتا ہے

 

[خورشیداحمدخورشید]

'شاعر فرماتی ہیں ' کہنا چاہیے 'شاعرہ 'خواہ مخواہ صنف کو ظاہر کرتا ہے

اس پر لگنا ہے یا

 

[محمد عبدالرؤوف]

'شاعر فرماتی ہیں ' کہنا چاہیے 'شاعرہ 'خواہ مخواہ صنف کو ظاہر کرتا ہے

ابو ہاشم صاحب، "فرماتی" بھی تو صنف کو ظاہر کرنے کے لیے ہے۔ اور شاعر کے ساتھ فرماتی تو اٹ پٹا سا لفظ بن جائے گا۔ اگر شاعر ہی کہنا ہے تو پھر کہنا پڑے گا کہ "شاعر کا یہ فرمانا ہے"

 

[گُلِ یاسمیں]

وہ تو خوشبو ہے ہواؤں میں بکھر جائے گا
مسئلہ پھول کا ہے پھول کدھر جائے گا

پروین شاکر کا مشہور شعر ۔ لیکن اس شعر کا مطلب کیا بنتا ہے ؟

اس میں شاعرہ نے وہ کو جو خوشبو کی طرح ہوا میں بکھر جانے کا کہا ہے۔ تو اس سے مراد یہ ہے کہ اس میں وفا نہیں ۔ ہوا کے ساتھ ادھر سے اُدھر بکھرتا جائے گا۔ شاید یہ سن رکھا ہو گا کہ
چلو تم اُدھر کو ہوا ہو جدھر کی
اور خود کو پھول سے تشبیہ دی ہے جس کی وہ خوشبو ہے۔ اور خوشبو کے چلے جانے کے بعد پھول چونکہ بے خوشبو رہ جائے گا تو اس فکر میں ہیں کہ ہائے اب میرا کیا ہو گا۔ دہائی دیتے ہوئے غم کی کیفیت میں کہا ہے
وہ تو خوشبو ہے ہواؤں میں بکھر جائے گا
مسئلہ پھول کا ہے پھول کدھر جائے گا

سرگوشی

بھائیو ہمیں اشعار کی کوئی سمجھ نہیں مگر پھر بھی ہم نے کوشش کی ہے۔ اور بھرپور کوشش کی ہے آپ سب کو سمجھانے کی کہ آخر پروین شاکر کیا کہنا چاہتی ہیں۔
محمد عبدالرؤوف بھیا علی وقار بھیا بچا لیجئیے گا ہمیں۔ فی میل کی نگاہ سے ہم نے شعر کا مطلب بیان کیا ہے بس۔