لام الف کے درمیان اعراب

[الف عین]

سوال اردو املا کا ہے لیکن کمپیوٹنگ کے حوالے سے اس لئے یہاں پوسٹ کر رہا ہوں۔
اس سے پہے یاہو اردو کمپیوٹنگ میں بھی جیسبادی نے یہ مسئلہ اٹھایا تھا کہ اگر "لا" پر شدّہ ہو تو کیا شکل درست ہے: لّا یا لاّ یعنی شدٗہ لام اور الف کے درمیان لگایا جائے یا الف کے بعد، اور میں نے لام الف کے بعد کا ہی مشورہ دیا تھا۔ املا کی رو سے ممکن ہے کہ لام اور الف کے درمیان شدّہ درست ہو لیکن یونی کوڈ اصولوں کے مطابق اور فانٹ کے لے آؤٹ ٹیبل کے مطابق اس صورت میں لام الف کی صورت مسخ ہو جاتی ہے۔
یہی صورت مجھے ابھی "بالآخر" میں پیش آئ اور میرا خیال یہی ہے کہ الف مدہ کی صورت میں یہ واحد کیریکٹر (0622)استعمال نہ کیا جائے۔ بلکہ الف استعمال کر کے اس کے اوپر 06E4عالا مد استعمال کیا جائے تو سورت درست نظر آتی ہے۔ یعنی بالاۤخر۔ اگرچہ کچھ فانٹس میں (خاص کر نفیس ویب نسخ) میں صحیح صورت نظر نہیں آتی۔

 

[دوست]

بالآخر لکھنا آسان ہے۔ اس لیے کہ دوسری صورت میں ایک کنجی زیادہ دبانی پڑتی ہے۔

 

[شارق مستقیم]

اردو میں کوئی قاعدہ؟

اعجاز صاحب کیا اس سلسلے میں اردو میں کوئی قاعدہ ڈیفائن ہے؟ کیونکہ صحیح تو اسی کو مانا جائے گا۔

 

[دوست]

آپ ٹائپنگ کی بات کررہے ہیں یا ہاتھ سے لکھی اردو کی۔ ویسے ہاتھ سے لکھی اردو میں تو کم از کم میرے علم میں کوئی قاعدہ نہیں۔

 

[فرضی]

بالاٰخر کو اگر کھڑی زبر کے ساتھ لکھا جائے بجائے مدہ کے تو زیادہ بہتر نہیں ہے؟

 

[الف عین]

نہیں فرضی۔ یہ تو غلط ہوگا۔ لیکن میرا مطلب یہ تھا کہ لام اور الف کے درمیان اعراب ہوں تو لام الف کی شکل اکثر فانٹس میں بگڑ جاتی ہے دیکھئے حاشا و کلّا میں لام الف اور حاشا و کلاّ لیکن ایشیا ٹائپ میں بلآخر اور بلآخر میں زیادہ فرق نہیں لگتا لیکن اس کو کاپی کر کے ویب نسخ لگا کر دیکھیں۔

 

[فرضی]

جی اختر صاحب آپکا کہنا درست ہے۔ نسخ ویب مین واقعی بلآخر کی شکل بگڑ جاتی ہے، آ ۔۔علیحدہ سے لکھا جاتا ہے