اصغر گونڈوی عشوؤں کی ہے نہ اس نگہ فتنہ زا کی ہے - اصغر حسین اصغر گونڈوی

[کاشفی]

غزل​

(اصغر حُسین اصغر گونڈوی) ​

​

عشوؤں کی ہے نہ اس نگہ فتنہ زا کی ہے​

ساری خطا مرے دلِ شورش ادا کی ہے​

​

مستانہ کررہا ہوں رہِ عاشقی کو طے​

کچھ ابتداء کی ہے نہ خبر انتہا کی ہے​

​

کھِلتے ہی پھول باغ میں پژمردہ ہو چلے​

جنبشِ رگ بہار میں موجِ فنا کی ہے​

​

ہم خستگانِ راہ کو راحت کہاں نصیب​

آواز کاں میں ابھی بانگِ درا کی ہے​

​

ڈوبا ہوا سکوت میں ہے جوشِ آرزو ​

اب تو یہی زبان مرے مدّعا کی ہے​

​

لطفِ نہانِ یار کا مشکل ہے امتیاز​

رنگت چڑھی ہوئی ستمِ برملا کی ہے​

 

[فاتح]

کھِلتے ہی پھول باغ میں پژمردہ ہو چلے
جنبش رگِ بہار میں موجِ فنا کی ہے

واہ واہ واہ کیا خوبصورت انتخاب ہے۔ شکریہ

 

[محمد وارث]

لاجواب، کیا خوبصورت غزل ہے۔

بہت شکریہ جناب شیئر کرنے کیلیے۔

 

[کاشفی]

فاتح صاحب، محمد وارث صاحب، الف عین صاحب اور سخنور صاحب آپ سب کا بیحد شکریہ۔ خوش رہیں۔