عشق

[عمر سیف]

پی لیا زہر اصولوں کو نیا رنگ دیا
کس قدر عشق کا سقراط کو سچائی سے

 

[شمشاد]

عرضِ نیازِ عشق کے قابل نہیں رہا
جس دل پہ ناز تھا مجھے وہ دل نہیں رہا
(غالب)

 

[عمر سیف]

ذرا سا عشق کا بھی اس میں دخل ہوتا ہے
کوئی حسین مکمل حسین نہیں ہوتا

 

[شمشاد]

بنایا عشق نے دریائے ناپیدا کراں مجھکو
یہ میری خود نگہداری مرا ساحل نہ بن جائے
(علامہ)

 

[qaral]

بےخطر کود پڑا آتش نمرود میں عشق

عقل ہے محو تماشا لب بام ابھی

 

[شمشاد]

صحرا جو عشق جنوں پیشہ نے دکھائے دیکھ چکا
مدوجرز کی لہریں گھٹتے بڑھتے سائے دیکھ چکا
(ابن انشاء)

 

[عمر سیف]

اظہار سے بُلند، میں نے بتایا عشق
بولا، مزے ہیں اس کو جتانے کے اور بھی

 

[شمشاد]

ڈس ہی لیتا ہے سب کو عشق کبھی
سانپ موقع شناس ہوتا ہے
(گلزار)

 

[عمر سیف]

کچھ بھی نظر نہ آیا سوائے اس کے اے صدف
کچھ ایسے اس عشق میں مجزوب ہم ہوئے

 

[شمشاد]

گُم عشق کی کتاب میں آنکھیں ہوئیں بتول
دل کربلا کے باب سے آگے نہیں گیا
(فاخرہ بتول)

 

[عمر سیف]

چلو نہ عشق یہ جیتا نہ عقل ہار سکی
تمام وقت مزے کا مقابلہ تو رہا

 

[شمشاد]

آگے نئے عذاب کے آثار مل گئے
جب عشق اِک عذاب سے آگے نکل گیا
(فاخرہ بتول)

 

[عمر سیف]

عشقِ رسوا تیرے پر زخمِ فروزاں کی قسم
میرے سینے میں کئی زخم ہرے اور بھی ہیں

 

[شمشاد]

مجھ کو تم سے عشق تھا مدت ہوئی
ان دنوں تم کو بھی الفت مجھ سے تھی
(ابن انشاء)

 

[سارہ خان]

یہ فسانہِ غمِ عشق ہے،کوئی راحتوں کا بیاں نہیں
یہ تو سرِگزشتِ چراغاں ہے،یہاں صبحِ نو کا ذکر نہیں

 

[محمد وارث]

خبرِ تحیرِ عشق سن، نہ جنوں رہا، نہ پری رہی
نہ تو تُو رہا، نہ تو میں رہا ، جو رہی سو بے خبری رہی

وہ عجب گھڑی تھی کہ جس گھڑی لیا درس نسخہء عشق کا
کہ کتاب عقل کی طاق پر جو دھری تھی سو وہ دھری رہی

کیا خاک آتسِ عشق نے دلِ بے نوائے سراج کو
نہ خطر رہا، نہ حذر رہا، جو رہی سو بے خطری رہی

سراج اورنگ آبادی

 

[شمشاد]

کبھی تقدیر کا ماتم کبھی دنیا کا گلہ
منزلِ عشق میں ہر گام پے رونا آیا
(شکیل بدایونی)

 

[عمر سیف]

عشق تنہا ہے سرِ منزلِ غم
کون یہ بوجھ اُٹھانے آئے

 

[شمشاد]

رفتہ رفتہ رنگ لایا جذبہِ خاموشیِ عشق
وہ تغافل کرتے کرتے امتحاں تک آ گئے
(قابل اجمیری)

 

[عمر سیف]

ہر بات پہ اب تو ہنسنا اچھا نہیں لگتا
غمِ عشق سے ہٹنا اچھا نہیں لگتا