دیئے ہوئے لفظ پر شاعری۔۔

[شمشاد]

باجو کیا لفظ دیا ہے
---------------------------------------------

اب تم آغوشِ تصور میں بھی آیا نہ کرو
مجھ سے بکھرے ہوئے گیسو نہیں دیکھے جاتے

سرخ آنکھوں کی قسم، کانپتی پلکوں کی قسم
تھرتھراتے ہوئے آنسو نہیں دیکھے جاتے
(کیفی اعظمی)

اگلا لفظ “ گیسو “

 

[تیشہ]

گئی رتوں میں حسن ہمارا بس ایک ہی تو یہ مشغلہ تھا
کسی کے چہرے کو صبح کہنا ،کسی کے گیسو کو شام لکھنا ،


اگلا لفظ ‘ چہرہ ،

 

[سارہ خان]

ہجر کے دریا میںتم پڑھنا لہروں کی تحریریں بھی
پانی کی ہر سطر پہ میں کچھ دل کی باتیں لکھوں گا
وقت کے اِک کنکر نے جس کو عکسوں میں تقسیم کیا
آب ِ رواں میں کیسے امجد اب وہ چہرہ جوڑوں گا


اگلا لفظ ۔۔۔وقت۔۔۔۔

 

[تیشہ]

ہم نے علاج زحم دل تو ڈھونڈ لیا لیکن !
گہرے زحموں کو بھرنے میں وقت تو لگتا ہے ،



دل ،

 

[شمشاد]

چہرہ میرا تھا نگاہیں اس کی
خامشی میں بھی وہ باتیں اس کی

میرے چہرے پہ غزل لکھتی گئیں
شعر کہتی ہوئی آنکھیں اس کی
(پروین شاکر)

اگلا لفظ “ خاموشی“

 

[شمشاد]

لگتا ہے خاصی دیر ہو گئی پوسٹنگ کرتے کرتے :


دردِ دل میں کمی نہ ہو جائے
دوستی دشمنی نہ ہو جائے

تم میری دوستی کا دم نہ بھرو
آسماں مدعی نہ ہو جائے
(بیخود دہلوی)

“ آسماں“

 

[تیشہ]

میں آسمان کا تارہ نہیں ہوں میرے لیے
یہی بہت ہے میرے پاس سے گزر جاؤ

قدم قدم پہ ملیں گی سوالیہ آنکھیں
دلوں کا درد ملے گا جدھر جدھر جاؤ


تارہ ،

 

[تیشہ]

تاروں بھری راتوں میں تنہائی کے دُکھھ بخشے
پھولوں بھر موسم میں رنجور کیا مجھکو ، ۔


تنہائی ،

 

[شمشاد]

زندگی کے سفر میں راہی ملتے ہیں بچھڑ جانے کو
اور مل جاتے ہیں راہی تنہائی میں یاد آنے کو

اب “ راہی “

 

[الف عین]

شمشاد یہ تو گانا تھا نا تھوڑا آپ بھول گئے یا بدل دیا؟ جیون کے سفر میں راہی۔۔۔۔ اور دے جاتے ہیں یادیں تنہائ میں تڑپانے کو۔

 

[شمشاد]

آپ صحیح کہہ رہے ہیں اعجاز بھائی، یہ لیں میں دوسرا شعر لکھ دیتا ہوں :

تیرے خیال سے لو دے اُٹھی ہے تنہائی
شبِ فراق ہے یا تیری جلوہ آرائی
(ناصر کاظمی)

اگلا لفظ “ شب “

 

[تیشہ]

ہوائے شب سے کئی درد جاگ اٹھتے ہیں
اس ایک درد کو ہم آب و تاب کیا دیتے ۔ ۔


درد ‘

 

[شمشاد]

دردِ دل کے واسطے پیدا کیا ہے انساں کو
ورنہ طاعت کے لیے کچھ کم نہ تھے کرو و بیاں

اب “ انساں “

 

[تیشہ]

تیری دنیا میں یارب زیست کے سامان جلتے ہیں۔
فریب ِ زندگی کی آگ میں انسان جلتے ہیں ۔ ۔ ۔


زیست ‘

 

[شمشاد]

زیست آزار ہوئی جاتی ہے
سانس تلوار ہوئی جاتی ہے

جسم بیقرار ہوا جاتا ہے
روح بیدار ہوئی جاتی ہے
(احمد ندیم قاسمی)

اگلا لفظ “ سانس “

 

[تیشہ]

میں نے اس فکر میں کاٹیں ہیں کئی راتیں ، کئی دن
میرے شعروں میں تیرا نام نہ آئے لیکن ۔ ۔ ۔!
جب تیری سانس میری سانس میں رس گھولتی ہے
شاعری سچ بولتی ہے ۔



شاعری ،۔

 

[شمشاد]

شاعرِ فطرت ہوں میں جب فکر فرماتا ہوں میں
روح بن کر ذرے ذرے میں سما جاتا ہوں میں
(جگر مراد آبادی)

اگلا لفظ “ روح “

 

[تیشہ]

جس کے لیے یہ روح میری بے قرار ہے
میرے لبوں پہ نام وہ آیا نہیں کبھی ،۔



نام ،

 

[شمشاد]

آتے آتے میرا نام سا رہ گیا
اُس کے ہونٹوں پہ کچھ کانپتا رہ گیا

وہ میرے سامنے ہی گیا اور میں
راستے کی طرح دیکھتا رہ گیا


“ ہونٹ “

 

[الف عین]

ہونٹوں پہ کبھی ان کے مرا نام ہی آئے
آئے تو سہی بر سرِ الزام ہی آئے

نام