دیئے گئے لفظ پر شاعری

[شمشاد]

یہ غم بھی مجھے دوستوں سے ملا ہے
بصد فخر زخمِ جگر دیکھتا ہوں
(سرور)

دوست

 

[عمر سیف]

دوست کیا خوب وفاؤں کا صلہ دیتے ہیں
ہر نئے موڑ پہ اک زخم نیا دیتے ہیں

اب صلہ

 

[شمشاد]

کہاں تک بھلا میں نبھاؤں وفا
کبھی تو مجھے بھی صلہ چاہیے
(ناہید ورک)

نبھانا

 

[محمد وارث]

وفا کرئیں گے، نبھائیں گے، بات مانیں گے
تمھیں بھی یاد ہے کچھ یہ کلام کس کا تھا

(داغ)

وفا

 

[شمشاد]

تصویر محبت کی رنگینی و شوخی کیا!
یہ خونِ جگر ہو گا، یہ خونِ وفا ہوگا۔
(سرور)


تصویر

 

[محمد وارث]

تابِ نظارہ نہیں، آئینہ کیا دیکھنے دوں
اور بن جائیں گے تصویر جو حیراں ہوں گے

عمر ساری تو کٹی عشقِ بتاں میں مومن
آخری وقت میں کیا خاک مسلماں ہوں گے

آئینہ

 

[شمشاد]

ان کو ڈر ہے کہ یہ آئینہ بھرم کھول نہ دے
میرے آئینہ کو یوں دیدۂ نم کہتے ہیں
(سرور)


ڈر

 

[عمر سیف]

ایک مدت سے میری ماں نہیں سوئی تابش
میں نے اک بار کہا تھا مجھے ڈر لگتا ہے

اب مدت ۔۔۔

 

[محمد وارث]

اتنی مدت بعد ملے ہو
کن سوچوں میں گم رہتے ہو

کون سی بات ہے تم میں ایسی
اتنے اچھے کیوں لگتے ہو

(محسن نقوی)

سوچ

 

[شمشاد]

نہ سوچو کیا حقیقت ہے ہماری
یہ دیکھو تم ہمارے دل میں کیا ہو
(سرور)

 

[محمد وارث]

لفظ بھی دے دیں شمشاد بھائی۔

 

[شمشاد]

یہ لیجیئے جناب اگلا لفظ " حقیقت "

 

[محمد وارث]

حقیقت ابدی ہے مقامِ شبّیری
بدلتے رہتے ہیں اندازِ کوفی و شامی

(اقبال)

مقام

 

[الف عین]

لو کیا گھسا پٹا شعر یاد آیا ہے، لیکن ہے تو درست:

حقیقت چھپ نہیں سکتی بناوٹ کے اصولوں سے
کہ خوشبو آ نہیں سکتی کبھی کاغذ کے پھولوں سے۔
(آور اب گانا بھی یاد آ گیا، وعدہ ترا وعدہ۔۔۔ اس گیت میں شروع میں یہی شعر ہے!!)

خوشبو

 

[شمشاد]

کیوں ٹھہر گئی دل میں اُس قیام کی آہٹ
کیوں گزر نہیں جاتی اُس مقام کی آہٹ
(ناہید ورک)

اگلا لفظ " آہٹ "

 

[عمر سیف]

کوئی آہٹ کوئی آواز کوئی چاپ نہیں
دل کی گلیاں سنسان ہیں آئے کوئی

اب سنسان ۔۔۔

 

[شمشاد]

شہر سنسان کر دیا کس نے
کس نے لوگوں سے زندگی چھینی؟
(فاخرہ بتول)

 

[عمر سیف]

اگلا حرف بھی تو دینا تھا ۔۔۔

 

[شمشاد]

یہ ہر دفعہ کیوں رہ جاتا ہے؟

اگلا لفظ "لوگ"

 

[عمر سیف]

خوشبو جیسے لوگ ملے افسانے میں
ایک پرانا خط کھولا انجانے میں

اب انجان، انجانے ۔۔۔