بلجیم، جرمنی اور فرانس کی سیر

عرفان سعید

عرفان سعید

محفلین
قلعے سے مزید بلندی کی طرف کاننگ سٹوہل کا ایک ہل سٹیشن ہے جو سطح سمندر سے 1800 فٹ کی بلندی پر واقع ہے۔

ٹرین بلندی کی جانب جانے والی پٹری پر رواں دواں

 
عرفان سعید

عرفان سعید

محفلین
سورج اب آہستہ آہستہ افق سے اترتے ہوئے دھرتی سے بوس و کنار ہونے کے لیے بے چین تھا، اور جاتے ہوئے اپنی زریں شعاعوں سے ہر شے کے حسن کو افزوں کر رہا تھا۔

مہرِ زوال کی کرنوں میں ہائیڈل برگ کا قلعہ

 
عرفان سعید

عرفان سعید

محفلین
کھانے سے فارغ ہوتے رات کے ساڑھے نو بج چکے تھے۔ اگلی منزل جنوب میں بلیک فارسٹ کے علاقے میں واقع ایک چھوٹا سا گاؤں ہرزٹال تھا۔

 
عرفان سعید

عرفان سعید

محفلین
بلیک فارسٹ کا علاقہ جرمنی کے جنوب مغرب میں گھنے جنگلوں اور پہاڑوں سے پُر تقریبا 6000 مربع کلو میٹر پر پھیلا ہوا ہے۔ اس علاقے کی خاص بات اس کا بے پناہ فطری حسن ہے۔ ٹرپ کی پلاننگ میں اسے آخری تین دنوں کی جگہ دی تھی۔ تاریخی مقامات، جدید عمارات اور بے شمار شہر دیکھ لینے کے بعد، اب کچھ دن فطرت کی جمال آفرینیوں سے لطف اندوز ہونے کا ارادہ تھا۔
اس لیے شہری زندگی کی گہما گہمی اور ہوٹلوں سے بچتے ہوئے ایک چھوٹے سے گاؤں میں رہائش کا انتظام کیا تھا۔ گاؤں کی آبادی دو ہزار نفوس پر مشتمل ہے۔ جرمن زبان میں گاؤں کا نام ہرزٹال ہے، جس کا لفظی مطلب "دل کی وادی" ہے۔ یہ نام اس گاؤں کو اس کے ارد گرد موجود جنگلات کی مخصوص شکل کے باعث دیا گیا ہے۔ فضا سے یہ وادی دل کی شکل ہی کی نظر آتی ہے۔

ذیل کی تصویر گوگل میپ سے لی گئی ہے۔

 
آخری تدوین:
عرفان سعید

عرفان سعید

محفلین
اس گھر کی تیسری منزل رہائش کے لیے کرائے پر لی تھی۔ گھر یہاں کے ایک کسان ڈیوڈ کی ملکیت ہے۔ ڈیوڈ کی اہلیہ کریسٹا سے ای۔میل پر تمام معاملات طے پائے تھے۔

 
جواب دینے کے لیے داخل ہوں یا شمولیت اختیار کریں۔
Top