ان پیج سے یونی کوڈ میں تبدیلی

[پردیسی]

ان پیج سے یونی کوڈ میں تبدیل کرنا​

تحریر ؛ پردیسی

کچھ عرصہ پیشترمیں یہ سوچا کرتا تھا کہ کوئی ایسا سوفٹ وئیر ہونا چاہئے جو کہ ان پیج میں لکھے ہوئے مواد کو یونی کوڈ میں تبدیل کر دے تاکہ امیج وغیرہ بنانے کے جھنجٹ سے تو نجات حاصل ہو۔بہت دفعہ دوستوں سے اس کا ذکر بھی کیا مگر نتیجہ صفر ہی رہا۔ایک دفعہ ایک صاحب نے قرن والوں کی ویب سائٹ بارے بتایا مگر وہ ہمیشہ میری دسترس سے باہر رہی۔ آخر کار چند ماہ پہلے میرے ایک محترم دوست نے مجھے اس سوفٹ وئیر سے متعارف کروایا۔ایک آدھ دفعہ استمال کیا مگر اس کا نتیجہ مجھے کچھ اچھا نہیں لگا۔کچھ دن پہلے اردو کے پہلے مکمل یونی کوڈ فورم اردو ویب ڈاٹ کوم میں محترم نبیل نقوی نے ایک تحریر لگائی جس میں ایسے ہی کسی سوفٹ وئیر کے بارے پوچھا گیا۔وہاں بھی اسی سوفٹ وئیر کا ذکر چلا،تو پھر میں نے سنجیدگی سے اس سوفٹ وئیر کو جانچا اور اس کو استمال کیا۔آپ یقین جانئے کہ جتنا چھوٹا یہ سوفٹ وئیر ہے اس سے بڑھ کر اس کے کمالات ہیں۔آپ کو اپنا مواد ان پیج سے یونی کوڈ میں لانا ہو یا یونی کوڈ کا مواد ان پیج میں لانا ہو ،اس کا نتیجہ پچانوے فیصد ہے۔مسلئہ صرف اس کو سہی انداز سے استمال کرنے کا ہے۔
میں اس سوفٹ وئیر ایجاد کرنے والے اردو کمپیوٹنگ اور امانت علی گوہر صاحب کا بے حد شکر گذار ہوں جو کہ انہوں نے اردو کی خدمت کے لئے اتنی عظیم ایجاد کی۔
اس سے پہلے بھی فرید ملت ریسرچ انسٹی ٹیوٹ والوں نے یونی کوڈ سالوشن پر ایک اہم مضمون لکھا تھا جس میں اس کو استمال کرنے بارے،خوبیوں اور خامیوں کی بڑی جامع انداز میں راہنمائی کی گئی تھی۔اپنی تحریر کے آخر میں اس مضمون کا حوالہ بھی آپ کے سامنے رکھا جائے گا۔

یونی کوڈ سالوشن کیا ہے؟

یہ ایک ایسا چھوٹا اور مکمل سوفٹ ویئر ہے جو ان پیج کی تحریر کو یونی کوڈ میں اور یونی کوڈ کی تحریر کو ان پیج میں تبدیل کر دیتا ہے۔گو کہ ابھی تک اس میں کچھ خامیاں موجود ہیں مگر اس کا نتیجہ پھر بھی کمال کا ہے۔ابھی کچھ عرصہ پیشتر امانت علی گوہر صاحب نے اس کا نیا ورژن متعارف کروایا ہے جس کو اور بہتر کیا گیا ہے اور اسے آپ ونڈو ٨٩ میں بھی استمال کر سکتے ہیں۔اس ورژن میں آپ کو کوڈنگ لینے کی ضرورت پیش نہیں آتی آپ سیدھا سیدھا اپنی تحریر اسی میں ردوبدل کر سکتے ہیں۔

ونڈو ایکس پی کے لئے یونی کوڈ سالوشن یہاں سے ڈائون لوڈ کریں (پرانا ورژن)

یونی کوڈ سالوشن یہاں سے ڈائون لوڈ کریں

ونڈو ایکس پی اور ٨٩ کے لئے یونی کوڈ سالوشن یہاں سے ڈائون لوڈ کریں (نیا ورژن)

ونڈو ایکس پی اور ٨٩ کے لئے یونی کوڈ سالوشن یہاں سے ڈائون لوڈ کریں

اور اگر آپ کے کمپیوٹر میں اردو ایشیا ٹائپ فونٹ موجود نہیں ہے تو نیچے دئیے گیے ربط سے اسے بھی ڈائون لوڈ کر کے اپنے کمپیوٹر میں انسٹال کرلیں۔

اردو ایشیا ٹائپ فونٹ

 

[پردیسی]

ان پیج سے یونی کوڈ کی طرف منتقلی

سب سے پہلے آپ اپنا ان پیج کھول کر جو مواد آپ یونی کوڈ میں تبدیل کرنا چاہتے ہیں وہ کھولیں۔آپ اپنا تحریری مواد ایک وقت میں ایک صفحہ سے لے کر ڈیڑھ سو صفحہ کے قریب یا زیادہ تک تبدیل کر سکتے ہیں۔جو تحریری مواد یا جتنا مواد آپ تبدیل کرنا چاہتے ہیں اس کا انتخاب کر لیجیے۔
تصویر میں دیکھیے میں نے ٢٣ صفحوں کی ایک چھوٹی کتاب کا انتخاب کیا ہے۔تحریر کا انتخاب آپ رائٹ کلک کر کے یا ctrl+a کر کے کر سکتے ہیں۔انتخاب کرنے کے بعد اس کو وہاں سے ہی یا ctrl+c کر کے کاپی کر لیجیے۔

یونی کوڈ سالوشن کو کھولیے اور جہاں ؛ ان پیج ٹو یونی کوڈ ٹیکسٹ کنورٹر ؛ لکھا ہوا ہے کلک کر دیجیے۔

تحریر والی جگہ پر ایک دفعہ کلک کر کے،جو تحریر آپ نے ان پیج سے کاپی کی ہے ، ctrl+v کر کے پیسٹ کر دیجیے۔ پیسٹ کرنے کے بعد آپ نیچے دئیے ہوئے Convert پر کلک کر دیجیے۔

جب آپ اس کو“ کنورٹ “ کریں گے تو ایسا ایک پیغام آپ کو دیکھنے کو ملے گا آپ اس کو “ اوکے “ کر دیں۔

اگر آپ اب اس تصویر میں دیکھیں تو آپ کو اپنی تحریر کی بجائے بہت سے اعداد نظر آ رہے ہوں گے۔آپ ان سب کا انتخاب ctrl+a کر کے کر لیں۔اس کے بعد آپ ساتھ ہی ctrl+c کر کے ان کو کاپی کر لیجیے۔

 

[پردیسی]

اب آپ مائکرو سوفٹ فرنٹ پیج کھولیں۔مائکروسوفٹ فرنٹ پیج آپ کے سسٹم میں مائکروسوفٹ ورڈ کے ساتھ ہی انسٹال ہوا ہوتا ہے۔ویسے یہ علیحدہ سے بھی انسٹال کیا جا سکتا ہے۔اس کو کھولنے کے بعد اگر آپ نیچے دیکھیں تو آپ کو code لکھا ہوا نظر آئے گا۔یہاں آپ کلک کر دیجیے۔دیکھیے تصویر میں تیر کے نشان والا حصہ،

اب جو صفحہ آپ کے پاس آتا ہے اس پر آپ وہ “کوڈنگ “ جو آپ نے یونی کوڈ سالوشن سے کاپی کی ہے ctrl+v کر کے پیسٹ کر دیجیے۔اور اس کے بعد آپ نیچے جہاں Design لکھا ہوا ہے۔وہاں کلک کر دیجیے۔دیکھیے تصویر میں تیر والا نشان۔

اب آپ نیچے تصویر میں دیکھیں گے کہ آپ کا مکمل تحریری مواد جوں کا توں پیسٹ ہو گیا ہے۔مگر اس میں آپ کو کسی کسی جگہ ایسے حروف بھی نظر آ رہے ہوں گے جو علیحدہ سے آ گئے ہیں۔ دیکھیے تصویر میں نشان زدہ حصے۔اردو کی نسبت عربی میں ایسے حروف زیادہ آتے ہیں مگر اردو میں ان کی تعداد بہت کم ہے۔

اب ہم نیچے والی تصویر میں دیکھتے ہیں کہ عربی کی تحریر میں غیر متعلقہ حروف نے عربی کو بلکل ہی غلط ملط کر دیا ہے۔جس سے عربی پڑھی نہیں جا سکتی۔اور آپ غور کریں تو یہ حروف ایک جیسے ہیں سوائے ایک دو حرف کے۔اور اس کے ساتھ ہی اگر آپ اردو کی تحریر پر نگاہ دوڑائیں تو آپ کو صرف ایک دو حرف ہی ایسے نظر آ رہے ہوں گے جن کو یونی کوڈ سالوشن نے سہی منتقل نہیں کیا۔جیسے “ آ “ ے “ “ ۃ “ وغیرہ۔
اب ہم پہلے عربی کی تحریر کو ترتیب دیتے ہیں۔ کسی ایک غیر متعلقہ حرف کو جو سب تحریر میں ایک جیسا ہو منتخب کیجیے۔اوپر Edit مینو میں جائیے اور Replace کو کلک کیجیے۔دیکھیے تصویر۔

 

[پردیسی]

اب آپ دیکھ رہے ہوں گے کہ جو حرف آپ نے منتخب کیا تھا وہ اس کھڑکی میں موجود ہے آپ ساتھ والا خانہ خالی چھوڑ کر Replace all کر دیجیے۔دیکھیے تصویر۔

آپ اگر اب نیچے والی تصویر میں دیکھیں تو آپ کی عربی تحریر صرف ایک حرف کے علاوہ ۔

اس ایک حرف کو آپ انتخاب کر کے ٹھیک کر دیں۔اور ایسے حروف زیادہ ہوں تو وہی تبدیلی کا طریقہ دوبارہ دہرایئں۔

دیکھیے نیچے تصویر میں۔

 

[پردیسی]

اب ہم اردو کی تحریر کو دیکھتے ہیں تو اس میں صرف ایک دو حرف ہی آپ کو غیر متعلقہ نظر آ رہے ہوں گے۔مگر عربی میں زیادہ تھے۔عربی میں اگر آپ دیکھیں تو جہاں ایک حرف دوسرے سے ملتا ہے وہاں غیر متعلقہ حرف یا خالی ڈبا سا جس کا کوئی معنیٰ نہیں تھا ان کے درمیان آ جاتا تھا۔اس کو ختم کرنے سے الفاظ آپس میں مل جاتے تھے۔جبکہ اردو میں جہاں کوئی ڈبہ یا غیر متعلقہ حرف آتا ہے اس کے نیچے دوسرا اصلی حرف موجود ہوتا ہے جس کو تبدیل کرنے سے ہی الفاظ مکمل ہوتے ہیں۔

ان میں سے بھی کسی ایک جیسے حرف کا انتخاب کر کے پہلے والا طریقہ دہرائیں۔مگر اس دفعہ سامنے والے خالی خانے میں وہ حرف لکھیں جس سے اسے تبدیل کرنا مقصود ہو ۔دیکھیے تصویر میں۔

نیچے دی گئی آخری تصویر میں آپ دیکھیں گے کہ الحمد للہ آپ کا مکمل مضمون تیار ہو گیا ہے اب آپ اس کو کسی جگہ تحریر یا کاپی پیسٹ کرنے سے پہلے مکمل طور پر ایک دفعہ ضرور پڑھ لیں اور جہاں کسی لفظ کی غلطی ہو اسے درست کر لیجیے۔
نوٹ۔اس سارے عمل کو کرنے میں صرف چار یا پانچ منٹ لگتے ہیں۔شروع میں ہو سکتا ہے آپ کو مشکل پیش آئے مگر جوں جوں آپ اس کو کرتے گئے آپ کو حروف کی پہچان ہو تی جائے گی۔

 

[پردیسی]

فرید ملت والوں کا وہ مضمون جو انہوں نے یونی کوڈ سالوشن پر چند ماہ پہلے لکھا تھا۔

 

[زیک]

جو کام آپ نے فرنٹ پیج میں کرنے کا ذکر کیا ہے وہ ضروری نہیں کہ اسی میں کیا جائے۔ کسی بھی اچھے یونیکوڈ ایڈیٹر میں ہو سکتا ہے مثلاً Unipad اور Babelpad وغیرہ۔

 

[پردیسی]

جی ہاں محترم آپ کی بات درست ہے۔اس کو ہم “ یونی پیڈ “ یا “ بیبل پیڈ “ یا محترم نبیل نقوی کے اردو ایڈیٹر میں بھی کر سکتے ہیں۔آپ ذرا کر کے دیکھئے گا کہ کتنا وقت لگتا ہےاور تبدیلی کے بعد کتنے حرف اپنی صیح حالت میں آتے ہیں۔محترم ! اگر اس کا سہی نتیجہ لینا ہو تو صرف Dreamweaver MX اور فرنٹ پیج ہی ایسے سوفٹ وئیر ہیں جو اس کا پچانوے پرسنٹ نتیجہ نکالتے ہیں۔(میری نگاہ میں) اب آپ کی نگاہ یا آپ کا تجربہ اس سلسلے میں کیا کہتا ہے وہ اگر آپ محنت سے ٹیوٹوریل لکھیں گے تو سامنے آ جائے گا۔
اور ویسے بھی محترم دوسرے سوفٹ وئیر عام لوگوں کے پاس نہیں ہوتے ایک فرنٹ پیج ہی ایسا مکمل سافٹ وئیر ہے جو ہر کسی کی مشین میں موجود ہوتا ہے۔اس لئے میں نے بھی اسی پر ہی مضمون لکھنا مناسب سمجھا۔
تنقید برائے تنقید کوئی اچھا فعل نہیں ہوتا۔تنقید اگر تعمیری قسم کی ہو تو اس سے سیکھنے کا عمل بڑھتا ہے اور اگر تخریبی ہو تو ذہنوں میں فاصلے بڑھتے ہیں۔

ہمیشہ خوش رہیں

 

[نبیل]

پردیسی بھائی، پہلے تو جزاک اللہ، آپ نے بہت ہی محنت سے نہایت مفید ٹیوٹوریل لکھا ہے اور اپنے وعدے کا پاس رکھا ہے۔ اس سے ہم سب کو یقیناً یونیکوڈ سالیوشن کے استعمال میں خاطر خواہ مدد ملے گی۔

پردیسی بھائی، میں یہ عرض کرنے کی جسارت کرنا چاہتا ہوں کہ آپ ہمارے قابل قدر دوست ہیں اور آپ کو خفا کرنا کبھی ہمارا مطمع نظر نہیں رہا۔ میرے تجربے میں یہ بات رہی ہے کہ کسی معلوماتی مضمون لکھنے یا کسی پروگرام کو ریلیز کرنے کے بعد لوگوں کے ہر طرح کے تبصرے ملتے ہیں۔ میں ہر تعریف کا شکریہ ادا کرتا ہوں اور ہر اٹھنے والے سوال کا جواب دینے کی کوشش کرتا ہوں۔ میرا مقصد زکریا کی جانب سے صفائی پیش کرنا نہیں ہے، مجھے دراصل ان کی پوسٹ میں ایسی بات نظر نہیں آئی جو آپ کی خفگی کا باعث بنتی ہو۔

 

[دوست]

آداب
آپ نے بہت اچھا کام کیا ہے پردیسی بھائی۔ باقی فرنٹ پیچ ہر جگہ ایسے کام نہیں کرتا خصوصًا ونڈوز ٩٨ میں اڑی کرتا ہے یونی کوڈ کو پتا نہیں کیا دکھاتا ہے اسی لیے زکریا بھائی نے یونی کوڈ ایڈیٹر کا کہا ہے شاید۔ کیوں کہ ہم استعمال کرتے ہیں نہ اور دیسی طریقہ ہی استعمال ہوتا ہے یعنی پہلے تبدیلی پھر ہاتھ سے تمام ڈبے ختم ویسے یہ کام ہی ورڈ میں بھی ہو سکتا ہے مگر ورڈ بھی لفظ ٹوٹے دکھاتا ہے کم از کم میرے سسٹم پر باقی کا تو پتا نہیں ۔

 

[زیک]

پردیسی میں نے بہت غور کیا مگر مجھے اپنی پچھلی تحریر میں آپ کی کوئی تنقید نظر نہیں آئی۔ میں نے دوسرے ایڈیٹرز کا ذکر اس لئے کیا تھا کہ میرے جیسے بہت ہوں گے جن کے پاس فرنٹ‌پیج نہیں ہو گا کیونکہ وہ میرے مائکروسافٹ آفس کے ساتھ نہیں آیا تھا۔

نبیل کا اردو ایڈیٹر شائد اس کام کے لئے مناسب نہیں ہے مگر جو نام میں نے تجویز کئے تھے وہ میری دانست میں صحیح رہیں گے۔

جہاں تک میں سمجھ سکا ہوں فرنٹ‌پیج میں آپ دو کام کر رہے ہیں:

۱۔ یونیکوڈ سالوشن جو numeric character references ‎(NCRs‎‎)‎ دیتا ہے انہیں یونیکوڈ حروف میں بدلنا۔
۲۔ جو غلطیاں حروف میں رہ گئی ہوں انہیں Edit->Replace سے درست کرنا۔

اگر میں غلط ہوں تو براہ کرم مجھے درست کر دیں۔

کسی بھی اچھی یونیکوڈ ایڈیٹر میں پہلا کام ایک سیکنڈ سے زیادہ نہیں لیتا۔ Babelpad میں آپ صرف یہ کرتے ہیں Convert NCR to Unicode اور کام ہو گیا۔

دوسرا مرحلہ تو فقط Replace کا ہے تو ہر ایڈیٹر میں دستیاب ہے۔

 

[نبیل]

زکریا، میں اسی لیے دوستوں کی منت سماجت کرتا آیا ہوں کہ خدارا اگر کسی کو انپیج ڈاکومنٹ فارمیٹ کے بارے میں کچھ پتا ہے تو مجھے بتا کر شکریے کا موقعہ دیں۔ میں یہ چاہتا ہوں کہ انپیج کو یونیکوڈ میں کنورٹ کرنے کا Workflow جس میں اس وقت ایک سے زیادہ سوفٹ ویر استعمال ہوتے ہیں، ایک جگہ یعنی اپنے اردو ایڈیٹر میں مہیا کردوں لیکن میرے پاس اس کے لیے ضروری تکنیکی معلومات نہیں ہیں۔ ایک مرتبہ یاہو اردو کمپیوٹنگ گروپ پر قرن والے اکبر چوہدری صاحب سے مختصر گفتگو ہوئی تھی لیکن میں اس سے زیادہ فائدہ نہیں اٹھا سکا تھا۔

 

[زیک]

نبیل انپیج اور اس سے یونیکوڈ میں تبدیلی سے متعلق میرا علم پردیسی کے اس مضمون کی بدولت ہی ہے جس کے لئے میں ان کا شکرگزار ہوں۔ میں نے خود کبھی انپیج استعمال نہیں کیا اور نہ کبھی کسی انپیج فائل کو دیکھا کجا کہ اسے یونیکوڈ بنانے کی کوشش کی ہو۔

یونیکوڈ اور NCRs وغیرہ کے بارے میں میرا علم ہے اور اسی لئے میں نے صرف اس بارے میں تبصرہ کیا تھا۔

 

[پردیسی]

السلام علیکم
جی نبیل بھائی اس میں ناراضگی کی کوئی بات نہیں ہے۔میں نے اپنے کم علمی والے تجربے سے جو لکھا تھا سو اس کے بارے میں مجھے یقین تھا کہ بیبل یا کوئی اور کنورٹر اس سے زیادہ بہتر نتیجہ برامد نہیں کرتا۔اور پھر فرنٹ پیج ایسا سوفٹ وئیر ہے جو تقریبا ہر ایک کی مشین میں ہوتا ہے۔اس مضمون سے میں یہی مقاصد حاصل کرنا چاہتا ہوں کہ ایسے لوگ جو ان پیج سے یونی کوڈ میں تبدیلی کے عمل کو پیچیدہ سمجھتے ہیں،وہ اسے آسان تر سمجھیں۔کیونکہ سب ہی کا مواد ان پیج میں موجود ہے۔اور یہ تب ہی ممکن تھا کہ ان کو ایسی چیز میں سمجھایا جائے جس سے وہ بخوبی آگاہ ہوں۔
باقی جہاں تک بات رہی تنقید کی تو اس کی تو ہر لکھنے والے کو خواہش ہونی چاہئیے کیونکہ اسے سے ہی ذہن کا زنگ ختم ہوتا ہے۔

محترم دوست بھائی جی!
ونڈو ٨٩ کبھی استمال کی تھی اس کا مجھے زیادہ تجربی نہیں ہے۔پھر بھی آپ کوشش کر کے آفس ٠٠٠٢ اپنی مشین میں انسٹال کر کے دیکھیں۔اس کے ساتھ ہی جڑا ہوا فرنٹ پیج ٠٠٠٢ بھی ہوتا ہے۔انشااللہ امید ہے آپ کا مسئلہ حل ہو جائے گا۔اور ویسے بھی بھائی اب چھوڑ دیں ٨٩ کا پیچھا۔

جہاں تک میں سمجھ سکا ہوں فرنٹ‌پیج میں آپ دو کام کر رہے ہیں:

۱۔ یونیکوڈ سالوشن جو numeric character references ‎(NCRs‎‎)‎ دیتا ہے انہیں یونیکوڈ حروف میں بدلنا۔
۲۔ جو غلطیاں حروف میں رہ گئی ہوں انہیں Edit->Replace سے درست کرنا۔

اگر میں غلط ہوں تو براہ کرم مجھے درست کر دیں۔

کسی بھی اچھی یونیکوڈ ایڈیٹر میں پہلا کام ایک سیکنڈ سے زیادہ نہیں لیتا۔ Babelpad میں آپ صرف یہ کرتے ہیں Convert NCR to Unicode اور کام ہو گیا۔

دوسرا مرحلہ تو فقط Replace کا ہے تو ہر ایڈیٹر میں دستیاب ہے۔

جی ذکریا بھائی جی!آپ درست کہہ رہے ہیں۔اصل میں جب ہم ان پیج سے تحریر کو کاپی کرتے ہیں تو ہمیں اپنی تحریر کو یونی کوڈ میں ڈھالنے کے لئے یونی کوڈ سالوشن کا سہارا لینا پڑتا ہے۔کیونکہ اس میں بیبل یا کوئی اور دوسرا پیڈ کام نہیں کرتا۔
اب ہم بیبل پیڈ کو ہی لے لیں کیونکہ اس سے اچھا یونی کوڈ ایڈیٹر میری نگاہ میں اور کوئی نہیں ہے۔شائد اس لئے کہ اس پر میں اکثر کام کرتا ہوں۔ اگر اس کے علاوعہ بھی کوئی اور ہوتو بتائیے گا میں آپکا مشکور ہونگا۔
جی تومیں بات یہ کر رہا تھا کہ جب ہم ان پیج سے اپنی تحریر کو کاپی کرتے ہیں تو لا محالہ اسے تبدیل کرنے کے لئے ہمیں یونی کوڈ سالوشن کا سہارا لینا پڑتا ہے۔اس کے بعد اسے کوڈنگ میں تبدیل کر کے ہمیں “ نوٹ پیڈ “ کا سہارا لینا پڑتا ہے اورنوٹ پیڈ میں ہم اسے ایک htm کی فائل میں تبدیل کرتے ہیں۔کیونکہ اگر ہم ایسا نہیں کرتے تو بیبل پیڈ ہماری اس کوڈنگ کو اردو کریکٹر میں تبدیل نہیں کرتا۔چلیں ہم نوٹ پیڈ میں ایچ ٹی ایم ایل کی فائل بنا لیتے ہیں اور اسے وہاں سے کاپی کر کے بیبل میں لے جاتے ہیں۔اب بیبل میں صورتحال کیا ہوتی ہے۔ملاحظہ فرمائیے۔

اب آپ اگر تمام نشان زدہ حصوں کو غور سے دیکھیں تو آپ کو ڈبے والے کریکٹر تمام تحریر میں یکساں نظر آ رہے ہوں گے۔عربی اور اردو میں یکساں۔ عربی حرفوں کے ملانے کے درمیان بھی وہی ہیں اور اردو کے وہ حرف جو اس کے ڈیٹا میں موجود نہیں ہیں وہاں بھی وہی ہیں۔
اب سب سے اہم چیز جو ہے وہ یہ کہ یونی کوڈ سالوشن کے ڈیٹا میں وہ کوڈنگ ہی نہیں دی گئی ہے جس سے ہمیں اپنی تحریر کو ایڈٹ نہ کرنا پڑے۔اب جب ہم حرفوں کو آپس میں جوڑیں یا نیا حرف لگائیں تو ہمیں ایک ایک کر کے سب کو تبدیل کرنا پڑے گا۔جس کے لئے خاصہ وقت درکار ہو گا۔کیونکہ اگر ہم سب کو ایک دفعہ میں تبدیل کرتے ہیں،چونکہ غیر متعلقہ ایک سے ہیں،تو بھائی جی ساری تحریر کا خانہ خراب ہو جائے گا۔

باقی بھائی جی آپ سے ناراضگی کوئی نہیں ہے۔اگر آپ یا کوئی اور بھائی اس سلسلے میں میری معلومات میں اضافہ کرنا چاہے گا تو مجھے بے حد خوشی ہو گی۔

ہمیشہ خوش رہیں

 

[دوست]

آداب!
حضرات آپ بے بلیڈ (شائد یہ ہی نام ہے اس یونی کوڈ ایڈیٹرکا ) کی بات کر رہے ہیں میں نے اسے زکریا بھائی کے دیے گئے ربط سے حاصل کیا ہے اچھی چیز ہے پر مجھے سمجھ نہیں آرہی اس میں اردو کس طرح لکھوں یہاں صرف عربی کی سپورٹ نظر آرہی ہے ۔ بات سے بات نکل رہی تھی تو میں نے پوچھ لیا۔
٩٨ اب جب تک پی سی نہ بدلا چلے گی کیونکہ میرے پاس پی ١ ہے۔

 

[پردیسی]

جی بھائی جی بڑی آسانی سے۔مینو بار یا اوپر آپشن سے رائٹ تو لیفٹ کا انتخاب کریں۔اردو نسخ ایشیا ٹائپ فونٹ کا انتخاب کریں۔اگر نہ ہو تو تاہوما فونٹ کا انتخاب کریں۔پھر کی بورڈ جس طرح سے آپ چاہتے ہیں اس کا انتخاب کریں۔(کی بورڈ کا انتخاب آپ فونٹ کے نیچے والے خانے سے کر سکتے ہیں)اس کے بعد بسم اللہ کر کے شروع ہو جایئں۔

 

[الف عین]

میرے لیپ ٹاپ میں تو اب بھی یہ نیا ورژن بھی ایرر دیتا ہے
RUN TIME ERROR 7
میرے پاس فارم20 فائل بھی ہے اور کوم ڈی جی 32 فائل بھی۔ جب کہ میرے آفس کے پی سی میں پرانا ورژن بھی ٹھی کام کرتا ہے۔ واﷲ اعلم کیوں!

 

[شعیب سعید شوبی]

ماشاءاللہ بہت جامع اور مکمل ٹیوٹوریل آپ نے تحریر کیا ہے۔ میں نے سافٹ وئیرز کو استعمال کر کے دیکھا ہے اور واقعی یہ زبردست ایجاد ہیں۔ اگر یہ مزید درست کام کرنے لگیں تو میرے خیال سے ساری ٹیکسٹ بیسڈ ویب سائٹس یونی کوڈ بیسڈ ہو جائیں گی ۔۔۔۔۔انشاءاللہ!

 

[قیصرانی]

بہت خوب جناب پردیسی صاحب۔ اللہ پاک آپ کو جزائے خیر دیں۔ بہت باکمال انداز میں‌آپ نے وضاحت فرمائی ہے۔
بے بی ہاتھی

 

[پاکستانی لور]

کیا dream weaver میں فرنٹ پیج کی جگہ ہم کاپی کر سکتے ہیں؟

کیا dream weaver میں فرنٹ پیج کی جگہ ہم کاپی کر سکتے ہیں؟
برائے مہربانی رہنمائی کریں
شکریہ!