اشعار - حروف تہجی کے لحاظ سے

[سارہ خان]

خون ہو کے جگر آنکھ سے ٹپکا نہیں اے مرگ
رہنے دے مجھے یاں، کہ ابھی کام بہت ہے

غالب

 

[عمر سیف]

دیکھ فرعون کے لہجے میں ہم سے بات نہ کر
ہم تو پاگل ہیں خداؤں سے اُلجھ پڑتے ہیں

 

[الف عین]

ڈھونڈھتی رہتی ہے کیا کھوئے ہوے خواب اپنے
کیوں بھٹکتی ہے خلاؤں میں نظر آوارہ
مابدولت

 

[عمر سیف]

ذرا دیر آشنا چشمِ کرم ہے
ستم ہی عشق میں پیہم نہ ہوں گے

 

[الف عین]

راکھ ہی راکھ کوئی شعلہ نہیں
سانس ہے پھر بھی کوئی زندہ نہیں
بندہ ناچیز

 

[عمر سیف]

زندگی تیری عطا ہے تو یہ جانے والا
تیری بخشش تیری دہلیز پہ دھر جائے گا

 

[نوید ملک]

سوچا تو مرا عکس تھا آنکھوں میں تمہاری
دیکھا تو بہت خالی نظر آئیں وہ جھیلیں

 

[عمر سیف]

شعر لوگوں کے بہت یاد ہیں اوروں کے لیے
تو ملے تومیں تجھے شعر سناؤں اپنے

 

[نوید ملک]

صادق ہوں اپنے قول میں غالب خدا گواہ
کہتا ہوں سچ کہ جھوٹ کی عادت نہیں مجھے

 

[عمر سیف]

ضبط کرنا نہ کبھی ضبط میں وحشت کرنا
اتنا آساں بھی نہیں تجھ سے محبت کرنا

 

[سارہ خان]

طبع ہے مشتاقِ لذت ہائے حسرت کیا کروں!
آرزو سے ، ہے شکستِ آرزو مطلب مجھے

غالب

 

[shahzadafzal]

اچھا شئیر ہے!!!!

 

[سارہ خان]

اچھا شئیر ہے!!!!

شئیر نہیں شعر ہے ۔۔

پسندیدگی کا شکریہ ۔۔

 

[shahzadafzal]

شئیر نہیں شعر ہے ۔۔

پسندیدگی کا شکریہ ۔۔

اوکے جی آپ صحیح میں‌ غلط!!!!!!!

 

[عمر سیف]

ظلم کہ پاؤں سے جو پھول مسلے جاتے ہیں
قہر بن کر وہی پتھر پہ نکل آتے ہیں

 

[فرحت کیانی]

عقل وہ ناصح کہ ہر دم لغزشِ پا کا خیال
دل وہ دیوانہ یہی چاہے کہ نادانی کرے

 

[عمر سیف]

غم ہے یا خوشی ہے تُو
میری زندگی ہے تُو
میں تو وہ نہیں رہا
ہاں مگر وہی ہے تُو

 

[نوید ملک]

غم نہیں، گو اے فلک رتبہ ہے مجھ کو خار کا
آفتاب اک زرد پتا ہے مرے گلزار کا

 

[فرحت کیانی]

فرشتہ مجھ کو کہنے سے میری تحقیر ہوتی ہے
میں مسجودِ ملائک ہوں، مجھے انساں ہی رہنے دو۔

 

[نوید ملک]

غ سے ضبط کا شعر پہلے آ گیا تو ف سے

فاصلے ایسے بھی ہوں گے یہ کبھی سوچا نہ تھا
سامنے بیٹھا تھا میرے اور وہ میرا نہ تھا