اشعار جو اپنے خالق کو پیچھے چھوڑ گئے

[فہد اشرف]

مجھے یہ نہیں معلوم کہ آپ کا شعر ٹھیک ہے یا میرا ☺

پڑھنے میں تو بابر بھائی والا زیادہ اچھا لگ رہا

 

[اے خان]

پڑھنے میں تو بابر بھائی والا زیادہ اچھا لگ رہا

ہوسکتا ہے وہی درست ہو

 

[محمد ریحان قریشی]

یا پھر دونوں درست نہ ہوں۔

 

[فہد اشرف]

یا پھر دونوں درست نہ ہوں۔

عروض کے رو سے یہ تو آپ ہی بتائیں گے

 

[اے خان]

یا پھر دونوں درست نہ ہوں۔

ہو سکتا ہے

 

[محمد ریحان قریشی]

عروض کے رو سے یہ تو آپ ہی بتائیں گے

موجودہ حالت میں تو درست نہیں لگ رہے۔
قطع نظر اس کے معنوی خوبی بھی کوئی دکھائی نہیں دی۔

 

[محمد تابش صدیقی]

ایسے اشعار فیس بک پر بہت پسند کیے جاتے ہیں.

 

[فاتح]

نہیں نہیں نہ کرو یہ وقت نہیں نہیں کا نہیں
کردیا تیرے نہیں نہیں نے ہمیں کہیں کا نہیں

اس شعر کے شاعر کا نام کیا ہے؟

میں نے یہ شعر یوں سنا تھا
نہ کر نہیں نہیں یہ وقت نہیں نہیں کا
تری نہیں نہیں نے مجھے چھوڑا نہیں کہیں کا

یہ جملہ بھی ان "اشعار" میں شامل ہے "جو اپنے خالق کو پیچھے چھوڑ گئے؟"

 

[فرحان محمد خان]

کتابیں بھی بالکل میری طرح ہیں
الفاظ سے بھرپور مگر خاموش
نامعلوم
ہم نے اپنے آشیانے کے لیے
جو چبھیں دل میں وہی کانٹے لیے
نامعلوم
جان لینی تھی صاف کہہ دیتے
کیا ضرورت تھی مسکرانے کی
نامعلوم
اذاں ہو رہی ہے پلا جلد ساقی
عبادت کریں آج مخمور ہو کر
نامعلوم

 

[فاتح]

کتابیں بھی بالکل میری طرح ہیں
الفاظ سے بھرپور مگر خاموش
نامعلوم
ہم نے اپنے آشیانے کے لیے
جو چبھیں دل میں وہی کانٹے لیے
نامعلوم
جان لینی تھی صاف کہہ دیتے
کیا ضرورت تھی مسکرانے کی
نامعلوم
اذاں ہو رہی ہے پلا جلد ساقی
عبادت کریں آج مخمور ہو کر
نامعلوم

اچھا ہی ہوا کہ ان ۔۔۔۔ کے خالقین پیچھے رہ گئے۔۔۔ آگے آتے توبہت ذلیل ہوتے۔

 

[محمد تابش صدیقی]

اچھا ہی ہوا کہ ان ۔۔۔۔ کے خالقین پیچھے رہ گئے۔۔۔ آگے آتے توبہت ذلیل ہوتے۔

تبھی چھوڑ کر بھاگ گئے ہیں.

 

[گلزیب انجم]

اگر وہ ہماری پیوند کاری دیکھ لیتے تو شاعری سے توبہ کر لیتے۔

 

[عبد الرحمٰن]

ہیں اور بھی دنیا میں سخن ور بہت اچھے
کہتے ہیں کہ غالبؔ کا ہے انداز بیاں اور

ریختے کے تمہیں استاد نہیں ہو غالبؔ
کہتے ہیں اگلے زمانے میں کوئی میرؔ بھی تھا

 

[محمد تابش صدیقی]

ہیں اور بھی دنیا میں سخن ور بہت اچھے
کہتے ہیں کہ غالبؔ کا ہے انداز بیاں اور

ریختے کے تمہیں استاد نہیں ہو غالبؔ
کہتے ہیں اگلے زمانے میں کوئی میرؔ بھی تھا

یہاں میرا ارادہ ایسے اشعار جمع کرنے کا ہے جن کے شعراء کا علم نہیں ہے یا کم از کم عام نہیں ہے.

 

[محمد خلیل الرحمٰن]

در و دیوار پہ حسرت سے نظر کرتے ہیں
خوش رہو اہلِ وطن ہم تو سفر کرتے ہیں​

(واجد علی شاہ)​

 

[سفیر آفریدی]

تجهے اٹکهیلیاں سوجهی ہے ہم بیزار بیٹھے ہیں

 

[فاتح]

تجهے اٹهکلیاں سوجهی ہے ہم بیزار بیٹھے ہیں

نہ چھیڑ اے نکہتِ بادِ بہاری راہ لگ اپنی
تجھے اٹکھیلیاں سوجھی ہیں، ہم بیزار بیٹھے ہیں
انشاء اللہ انشاء​

 

[سید عاطف علی]

سن تو سہی جہاں میں ہے تیرا فسانہ کیا
کہتی ہے تجھ کو خلق خدا ، غائبانہ کیا
خواجہ حیدر علی ۔ آتش لکھنوی

 

[سفیر آفریدی]

آپ لفظ سمجهے ہم معنی سے بیزار بیٹھے ہیں

 

[الف عین]

ایک اور شعر ہے جس کا دوسرا مصرع یہ ہے
اک ترے آنے سے پہلے، اک ترے جانے کے بعد
اسے مختلف ویب سائٹس میں مختلف شعراء کے نام سے دیا گیا ہے اور پہلا مصرع بھی مختلف ہے.
زندگی ميں دو ہی گھڑیاں مجھ پہ گزری ہیں کٹھِن
یہاں اسے محمد دین گجراتی کے نام سے ہے
اور یہاں ایک جگہ اس شکل اور مضطر خیر آبادی کے نام سے
وقت دو مجھ پر کٹھن گزرے ہیں ساری عمر میں
اک ترے آنے سے پہلے اک ترے جانے کے بعد
جب کہ دوسری جگہوں میں اسے داغ دہلوی کے نام سے دیا گیا ہے
فیس بک میں یہاں اسے امیر مینائی کے نام سے چار اشعار دئے گئے ہیں جن میں پہلا مصرع یوں ہے
زندگی میں دو ھی لمحے ، مجھ پہ گزرے ھیں کٹھن
اک تیرے آنے سے پہلے ، اک تیرے جانے کے...
احباب داغ، مضطر، گجراتی اور امیر مینائی کی کلیات/دواوین چیک کر کے دیکھیں کہ کیا درست ہے
فرخ منظور محمد وارث فاتح سید عاطف علی وغیرہ