اردو محفل کا سکول

[سارا]

آج تو میں نے بھی ہوم ورک نہیں کیا۔۔۔گھر میں ہی نہیں تھی۔۔۔صبح سے گئے ہوئے تھے ابھی ہی آئے ہیں۔۔۔

ماسٹر جی ابھی یہ نئی شاگرد ہیں تھوڑی رعایت کر دیں ایسا نہ ہو یہ پھر بھاگ جائیں۔۔۔

 

[شمشاد]

لگتا ہے سب کے حصوں کا ہوم ورک مجھے ہی کرنا پڑے گا۔

 

[سارا]

جی جی ضرور۔۔۔میں بہت تھکی ہوئی ہوں آج۔۔ اس لیے آج ہوم ورک کی چھٹی ہے۔۔۔

ماسٹر جی تو رات کو بھی سکول میں ہی ہوتے ہیں۔۔لگتا ہے انہیں نیند نہیں آتی۔۔

 

[شمشاد]

کیا کروں اسکول کی ذمہ داریاں ہی اتنی ہیں لیکن طالبعلم اتنے نالائق ہیں کہ کیا کہوں، نت نئے بہانے، کھانے میں دسیوں ڈشیں کھائیں گے، دو گھنٹے لگا دیں گے کھانے میں لیکن دو منٹ کا ہوم ورک نہیں کریں گے۔

 

[سارا]

نہیں سر جی۔۔۔دو گھنٹے تو ہم تیار شیار ہونے میں لگاتے ہیں۔۔۔کھانا کھانے میں تو بمشکل 10 سے 15 منٹ لگتے ہوں گے۔۔گھنٹا بھر تو راستے میں لگ جاتا ہے۔۔۔اور پھر وہاں 3 سے 4 گھنٹے تو باتیں بھی کرنی ہوتی ہیں نا۔۔آپ خود سوچیں ہم کتنا تھک جاتے ہوں گے۔۔۔

 

[شمشاد]

بالکل بالکل، یہ تو میں بھول ہی گیا تھا بقول ایک خاتون کی پوسٹ کے کہ خواتین بہت محنتی ہوتی ہیں۔

 

[سارا]

اس میں کوئی شک نہیں۔۔۔ ویسے تو میں مہمان تھی لیکن ان کو نان اور سلاد میں نے بنا کر دیا تھا اور چپلی کباب امی نے۔۔۔ہمارے محنتی ہونے پر کوئی شک ؟؟

 

[شمشاد]

جی نہیں، بالکل کوئی شک نہیں۔ میں بھلا کیوں شک کرنے لگا۔

 

[سارا]

گُڈ۔۔۔
چلیں ابھی میں آئی ہوئی ہوں تو ہوم ورک بھی کر ہی دیتی ہوں۔۔۔

''کسی کو اچھی بات بتانا خاموش رہنے سے بہتر ہے اور بری بات بتانے سے خاموش رہنا بہتر ہے۔۔''

''ستاروں سے روشن رہنے کا سبق ضرور سیکھو مگر ستارہ بننے کی خواہش مت کرو کیونکہ یہ صرف راستہ دکھا سکتے ہیں منزل نہیں ہو سکتے۔۔''

''اپنی زندگی کو ایسے نایاب پھولوں سے آراستہ کرو جنہیں ہر کوئی چننے کا خواہش مند ہو۔۔''

 

[شمشاد]

گُڈ۔۔۔
''کسی کو اچھی بات بتانا خاموش رہنے سے بہتر ہے اور خاموش رہنا اچھی بات بتانے سے بہتر ہے۔۔''

یہ کیا بات ہوئی بھلا؟ پھر سے سوچیں۔

 

[سارہ خان]

منزل کے تعین کے بغیر سفر شروع کر دیا جاےٴ تو ھر اٹھتا قدم تھکن بڑھانے اور حوصلے پست کرنے لگتا ہے

 

[شمشاد]

بس سارہ ہی ایک ہونہار طالبہ ہے اس اسکول کی۔

 

[سارہ خان]

حوصلہ افزائی کا شکریہ شمشاد بھائی ۔۔ میں نے تو سوچا تھا ڈانٹ پڑے گی چھٹیاں کرنے پر ۔۔ ۔۔

 

[محمدعبیداللہ]

راستوں کی ویرانی اور جلتی دھوپ سے ڈرنے والے کبھی منزل تک نہیں پہنچ پاتے​

 

[شمشاد]

ڈانٹ کھانے کے لیے ایک ہے ناں، سب کے حصے کا اسی کو ڈانٹ لیا کرتا ہوں۔

 

[سارا]

یہ کیا بات ہوئی بھلا؟ پھر سے سوچیں۔

سوری ماسٹر جی غلطی ہو گئی ہے ابھی ٹھیک کرتی ہوں۔۔۔شکر ہے آپ غلطیاں بھی نکالتے ہیں۔۔

 

[شمشاد]

تو کیا خیال ہے غلطیاں نہ نکالا کروں؟

 

[سارا]

بالکل نکال سکتے ہیں غلطیاں۔۔۔۔لیکن نمبر نہ کاٹا کریں۔۔۔نمبر مجھے پورے چاہیے۔۔۔100/100

 

[ماوراء]

السلام علیکم ورحمتہ اللہ برکاتہ۔
سلام کے بعد عرض ہے کہ۔۔۔۔اہم اہم۔۔۔۔کہ۔۔۔۔ آج میرا ہوم ورک کرنے کا موڈ نہیں ہے۔۔۔!!!

 

[سارا]

وعلیکم السلام

ماوراء لگتا ہے تمہیں کوئی نہ کوئی انعام ضرور ملے گا۔۔۔ حاضری روزانہ لگانے ضرور آتی ہو ہوم ورک کے بغیر۔۔۔