آپ کے پسندیدہ اشعار!

[طارق شاہ]

تمام رات تصوّر ، تمام دن تصوِیر !
ہماری عمرِ محبّت کے کاروبار نہ پُوچھ

نہیں نِشان مُسرّت کا رُوح تک سیماب !
دراز دستئ غمہائے روزگار نہ پُوچھ

سیماب اکبرآبادی

 

[طارق شاہ]

لحاظِ حُرمتِ پیماں، نہ پاسِ ہم خوابی !
عجب طرح کے تصادم تھے آشائی میں بھی

تصادمِ دل و دُنیا میں دل کی ہار کے بعد
حِجاب آنے لگا ہے غزل سرائی میں بھی

افتخار عارف

 

[طارق شاہ]

جانتے ہیں سفرِ شوق کی حد کیا ہوگی
زور باندھیں بھی تو ہم آبلہ پا کیا باندھیں

کوئی بولے گا تو آواز سنائی دے گی !
ہُو کا عالم ہو تو مضمونِ صدا کیا باندھیں

افتخار عارف

 

[طارق شاہ]

نہ، میری آگ کی یہ شعلگی باقی رہے گی
نہ میری خاک کی تاثیر رہنے کے لئے ہے

نہ یہ آب و ہوائے شہرِ جسم و جاں دوامی !
نہ میرے درد کی جاگیر رہنے کے لئے ہے

کہیں محفوظ ہے لوحِ فنا پر ایک تحریر
بالآخر اک وہی تحریر رہنے کے لئے ہے

افتخار عارف

 

[طارق شاہ]

بنا گلاب، تو کانٹے چُبھا گیا اِک شخص
ہُوا چراغ تو گھر ہی جلا گیا اک شخص

محبتیں بھی عجب اُس کی نفرتیں بھی کمال
مِری طرح کا ہی مجھ میں سما گیا اک شخص

عبیداللہ علیم

 

[طارق شاہ]

ہم عبث دیکھتے ہیں غرفۂ خالی کی طرف
یہ بھی کیا کوئی تماشا ہے کہ، حیرت کی جائے

گھر بھی رہیے تو چلے آتے ہیں مِلنے کو غزال
کاہے کو بادیہ پیمائی کی زحمت کی جائے

عرفان صدیقی

 

[طارق شاہ]

سنگِ آزار کی بارشیں تیز تھیں، اور بچنے کا کوئی طریقہ نہ تھا
رفتہ رفتہ سبھی نےسَروں پرکوئی بے حسی تان لی، سائباں کی طرح

عرفان صدیقی

 

[طارق شاہ]

جبر ہے یا اختیار ، اب تو پرائے بس میں ہے
ناز تھا جس پر ہمیں ، اب وہ ہمارا دل نہیں

مرزا کوکب آفندی

 

[طارق شاہ]

گلشن صلائےعام اسیری ہے سر بَسر
پھیلا دِیا بہار نے، پُھولوں پہ دامِ عیش

فانی بدایونی

 

[صائمہ شاہ]

ہم جو بھٹکے تو کس شانِ وفا سے بھٹکے
ہم نے ہر لغزشِ پا میں ترا ایما دیکھا

احمد ندیم قاسمی

 

[صائمہ شاہ]

خود سے بڑھ کر قریب ہوں تم سے
کیا گماں بار بار گذرے ہے

قیوم نظر

 

[صائمہ شاہ]

تسخیرِ مہر و ماہ مبارک تجھے مگر
دل میں نہیں اگر تو کہیں روشنی نہیں

جوش

 

[طارق شاہ]

منزلِ عشق ہے نمودِ وُجود
ہم بھی ہیں تیری بد گمانی تک

ذکر جب چھڑ گیا قیامت کا
بات پُہنچی تِری جوانی تک

فانی بدایونی

 

[طارق شاہ]

وہ، آئے وعدے پہ یا نہ آئے بَلا سے، قسمت جو کچھ دِکھا دے
مگر ، ہمیں دیکھنا تو یہ ہے، کہ آج ہوتی ہے شام کب تک

فانی بدایونی

 

[طارق شاہ]

اب مِری بربادیوں کو، حشر کا ہے انتظار!
جس قدر فِتنے میسّر تھے اُٹھا کر رہ گئیں

فانی بدایونی

 

[طارق شاہ]

ناداں ہو جو کہتے ہو کہ کیوں جیتے ہیں غالب
قسمت میں ہے، مرنے کی تمنّا کوئی دن اور

مرزا غالب

 

[طارق شاہ]

جاتے ہوئے کہتے ہو، قیامت کو ملیں گے
کیا خُوب، قیامت کا ہے گویا کوئی دن اور

مرزا غالب

 

[طارق شاہ]

اب مُجھے جادۂ نو کی ہے مُسافت درپیش !
بارِ ماضی سے کرے مجھ کو رہا یاد تِری

عابدہ تقی

 

[طارق شاہ]

یہ بدلتی قدریں ہی حاصلِ زمانہ ہیں
بار بار ماضی کے یوں ورَق نہ اُلٹا کر

حرف و لب سے ہوتا ہے کب اَدا ہر اِک مفہوُم
بےزبان آنکھوں کی گفتگُو بھی سمجھا کر

محسن بھوپالی

 

[طارق شاہ]

نہیں کہ یہ صرف شاعری ہے، غزل میں تاریخِ بے حسی ہے
جو آج شعروں میں کہہ دیا ہے، وہ کل شریکِ نصاب ہو گا

مرتضٰی برلاس