آپ کے پسندیدہ اشعار!

[عبد الرحمٰن]

طالب دست ہوس اور کئی دامن تھے
ہم سے ملتا جو نہ یوسف کے گریباں سے ملا
مصطفی زیدی

 

[عبد الرحمٰن]

ہے دل کے لئے موت مشینوں کی حکومت
احساس مروت کو کچل دیتے ہیں آلات !!

 

[محمد وارث]

وفاداری بہ شرطِ استواری اصلِ ایماں ہے
مرے بُت خانے میں تو کعبے میں گاڑو برہمن کو
غالب

 

[عبد الرحمٰن]

خلاف وعدہ بہت ہوئے ہو کوئی تو وعدہ وفا کرو اب
ملا کے آنکھیں دروغ کہنا کہاں تلک کچھ حیا کرو اب
میر تقی میر

 

[عبد الرحمٰن]

وہ دیکھ لیتا ہماری جانب تو اس میں ہوتی کچھ اور خوبی
پر اس نے ہر گز ادھر نہ دیکھا نظیر ہم نے ہزار دیکھا
نظیر اکبر آبادی

 

[La Alma]

بندگی میں بھی وہ آزادہ و خود بیں ہیں کہ ہم
الٹے پھر آئے درِ کعبہ اگر وا نہ ہوا

 

[فہد اشرف]

آگے آگے کوئی مشعل سی لیے چلتا تھا
ہائے کیا نام تھا اس شخص کا پوچھا بھی نہیں
شاذ تمکنت

 

[نعمان صدیقی]

رحمت کا ابر بن کر جہاں بھر میں چھائیے
عالم یہ جل رہا ہے برس کہ بجھائیے

 

[توقیر عالم]

ہاتھوں پر پھیلتی زردیاں دیکھ کر
لوگ ڈرنے لگے تتلیاں دیکھ کر
اپنے اجداد پہ رشک آنے لگا
پانیوں میں جلی کشتیاں دیکھ کر

سجاول بلوچ

 

[عبد الرحمٰن]

ایک مدت سے مری ماں نہیں سوئی تابشؔ
میں نے اک بار کہا تھا مجھے ڈر لگتا ہے
عباس تابش

 

[عبد الرحمٰن]

ایک مدت سے مری ماں نہیں سوئی تابشؔ
میں نے اک بار کہا تھا مجھے ڈر لگتا ہے
عباس تابش

پورا کلام اردو محفل پر
عباس تابش - یہ عجب ساعت رخصت ہے کہ ڈر لگتا ہے

 

[محمد وارث]

چنگ و نے رنگ پہ تھے اپنے لہو کے دم سے
دل نے لے بدلی تو مدھم ہوا ہر ساز کا رنگ
فیض

 

[فہد اشرف]

چنگ و نے رنگ پہ تھے اپنے لہو کے دم سے
دل نے لے بدلی تو مدھم ہوا ہر ساز کا رنگ
فیض

حرفِ سادہ کو عنایت کرے اعجاز کا رنگ

 

[La Alma]

تجھے کرنا ہے جو کچھ آج کر لے
کہ پھر یہ روزگار آئے نہ آئے

 

[ایمن چودھری]

طالب دست ہوس اور کئی دامن تھے
ہم سے ملتا جو نہ یوسف کے گریباں سے ملا
مصطفی زیدی

واہ بہت خوب لاجواب

 

[ایمن چودھری]

مدت کے بعد ان سے باتیں ہوئی بھی تو کیا
ہم بے وفا تھے اچھا تم باوفا سے او ہو
راحیلؔ فاروق

 

[فرقان احمد]

پاسِ ناموسِ عشق تھا ورنہ
کتنے آنسو پلک تک آئے تھے

(میر تقی میر)

 

[ایمن چودھری]

یہ جو تم موت سے ڈراتے ہو،
زندگی سب کا مسئلہ نہیں ہے۔!!!!
۔۔۔۔۔۔۔۔۔۔۔۔۔۔۔۔۔۔۔۔۔
افتخار حیدر

 

[نعمان صدیقی]

اب رگِ جاں دے رہی ہے دعوت دار و رسن
آرہی ہے جان میں خوشبوئے جانانہ مجھے

 

[نعمان صدیقی]

تیری آنکھوں سے ملاتی نہیں نرگس آنکھیں
اس کی آنکھوں میں تری مستیِ خم خانہ نہیں​