آپ کے پسندیدہ اشعار!

[فرقان احمد]

داورِ محشر! میرے نامہ اعمال نہ کھول!
اِس میں کچھ پردہ نشینوں کے بھی نام آتے ہیں

 

[عباد اللہ]

خلوتوں میں کھلتے ہیں خلوتوں کے شیدائی
ہم سے پوچھ کر دیکھو راز پردہ داروں کے
ساحر

 

[ارم شاہ]

جب تو ہی نہیں اس موسم میں
پھر آگ لگے اس موسم کو

 

[فرقان احمد]

اور کیا چاہتی ہے گردشِ ایّام، کہ ہم
اپنا گھر بُھول گئے، اُن کی گلی بُھول گئے

 

[فرقان احمد]

بربادئ دل جبر نہیں‌ فیض کسی کا !
وہ دُشمنِ جاں‌ ہے تو بُھلا کیوں‌ نہیں‌ دیتے

 

[فرقان احمد]

راضی بہ رضا ہم ہیں بہرحال ، مگر ہاں !
ڈر ہے کہ یہ خُو تم کو سِتم گار نہ کردے

 

[لاریب مرزا]

حلال ہوتی ہے "پہلی نظر" تو حشر تلک
حرام ہو جو ہٹائیں وہ اتنا دلکش ہے!!

(شہزاد قیس)

 

[لاریب مرزا]

تیرے کوچے کا ہے مائل دلِ مضطر میرا
کعبہ اک اور سہی قبلہ نما اور سہی

(مرزا غالب)

 

[ارم شاہ]

بربادئ دل جبر نہیں‌ فیض کسی کا !
وہ دُشمنِ جاں‌ ہے تو بُھلا کیوں‌ نہیں‌ دیتے

کیا بیت گئی اب کہ فراز اہل چمن پر
یاران قفس مجھ کو صدا کیوں نہیں دیتے

 

[فرقان احمد]

اپنی سمجھ کہ کچھ بھی نہ سمجھے ہم اے صفی
وہ تو الف سے بول گئے ۔۔۔۔۔۔۔۔۔۔۔۔۔۔۔۔۔۔۔۔۔۔۔ ولسلام تک

 

[فہد اشرف]

محسن وہ زہر پھیل گیا سطح پر بھی اب
کل تک جو صرف ذہن کی گہرائیوں تھا
محسن زیدی

 

[محمد عدنان اکبری نقیبی]

تم مٹا سکتے نہیں دل سے میرا نام کبھی
پھر کتابوں سے مٹانے کی ضرورت کیا ہے​

 

[محمد عدنان اکبری نقیبی]

آؤ مل جاؤ کہ یہ وقت کبھی نہ پاؤ گے
میں بھی ہمراہ زمانہ کے بدل جاوں گا۔
داغ دہلوی

 

[محمد عدنان اکبری نقیبی]

اب بھی برسات کی راتوں میں بدن ٹوٹتا ہے
جاگ اٹھتی ہیں عجب خواہشیں انگڑائی کی
پروین شاکر

 

[فرقان احمد]

وہ دوستی تو خیر اب نصیبِ دشمناں ہوئی
وہ چھوٹی چھوٹی رنجشوں کا لُطف بھی چلا گیا

 

[فرقان احمد]

کہتے ہیں لوگ مجھ سے کوئی اور بات کر
لاؤں کہاں سے بات، تری بات کے سوا

 

[فرقان احمد]

آگے آگے بھاگتے پھرتے ہیں ہم
اور تعاقب میں ، وہی یلغارِ شب

اُن کے ہاتھوں پر مُنوّر مہر و ماہ
اپنی قسمت میں ، وہی تکرارِ شب

 

[فرقان احمد]

واقعہ یہ ہے کہ بدنام ہوئے
بات اتنی تھی کہ آنسو نکلا !

 

[فرقان احمد]

جانے کیوں بجھنے لگے اول شب سارے چراغ
آندھیوں نے بھی اگرچہ کوئی سازش نہیں کی

 

[فرقان احمد]

اُس کے نزدیک غمِ ترکِ وفا کچھ بھی نہیں
مطمئن ایسا ہے جیسے کہ ہُوا کچھ بھی نہیں!