آپ کے پسندیدہ اشعار!

[فرقان احمد]

چند اوراق ہیں جو کچھ بھی غنیمت ہیں صفی
اب میں کھوئے ہوئے دیوان کہاں سے لاؤں

 

[فرقان احمد]

اپنی صورت بھی اک وہم لگتی ہے اب
اتنے آئینے ۔۔۔۔ مجھ کو دکھائے گئے!

 

[فرقان احمد]

میرا غم نہ کر میرے چارہ گر، تیری چارہ جوئی بجا مگر
میرا درد ہے میری زندگی، مجھے دردِ دل کی دوا نہ دے
میں وہاں ہُوں اب میرے ناصحا! کہ جہاں خُوشی کا گُزر نہیں
میرا غم حدّوں سے گزر گیا، مجھے اب خُوشی کی دُعا نہ دے

 

[اسامہ فاروق]

مزاجِ یار کی کب تک حقارتیں سہتا
انا شناس تھا وہ شخص مر گیا ہوگا

 

[فرقان احمد]

لوگ کیا سادہ ہیں ہر بت کو خدا کہتے ہیں
یہ تقاضے ہی کبھی اپنی جبیں کے نہ رہے

 

[فرقان احمد]

يارب يہ طلسمِ شب ِمہتاب نہ ٹوٹے
ميں جاگ بھی جاؤں تو مرا خواب نہ ٹوٹے

 

[فرقان احمد]

آشنا درد سے ہونا تھا کسی طور ہمیں
تُو نہ ملتا تو کسی اور سے بچھڑے ہوتے

 

[فرقان احمد]

رہِ حیات میں کچھ مرحلے تو دیکھ لیے
یہ اور بات ۔۔۔۔۔۔۔۔۔۔ تری آرزو نہ راس آئی

 

[مژگان نم]

رگوں میں دوڑتے پھرنے کے ہم نہیں قائل
جو آنکھ سے ہی نہ ٹپکا تو پھر لہو کیا ہے

(مرزا غالب)

 

[فرقان احمد]

کسی کو کیا ہو دِلوں کی شکستگی کی خبر
کہ ٹوٹنے میں یہ شیشے ۔۔۔۔ صدا نہیں رکھتے

 

[فرقان احمد]

آیا ہی تھا ابھی مرے لب پر وفا کا نام
کچھ دوستوں نے ہاتھ میں پتھّر اٹھا لیے

 

[فرقان احمد]

وہ درد ہی نہ رہا ورنہ اے متاعِ حیات
مجھے گماں بھی نہ تھا میں تجھے بھلا دوں گا

 

[لاریب مرزا]

کتنا آساں تھا تیرے ہجر میں مرنا جاناں
پھر بھی اک عمر لگی جان سے جاتے جاتے

(احمد فراز)

 

[فرحان محمد خان]

مزاجِ یار کی کب تک حقارتیں سہتا
انا شناس تھا وہ شخص مر گیا ہوگا

انا ہی دوست انا ہی حریف ہے میری
اسی سے جنگ اسی کو سپر بھی کرنا ہے
ارشد عبد الحمید

 

[فرحان محمد خان]

تجھی پر کچھ اے بت نہیں منحصر
جسے ہم نے پوجا خدا کر دیا
میر تقی میر

 

[فرحان محمد خان]

غم مجھے حسرت مجھے وحشت مجھے سودا مجھے
ایک دل دے کر خدا نے دے دیا کیا کیا مجھے
سیماب اکبرآبادی

 

[فرقان احمد]

وہ اداس دُھوپ سمیٹ کر کہیں وادیوں میں اُتر چکا
اسے اب نہ دے میرے دل صدا جو گذر گیا سو گذر گیا

 

[فرقان احمد]

جانے کس آنکھ میں پہچان چھپی ہو میری
آنکھ سے آنکھ ملاتے ہوئے ڈر لگتا ہے!

 

[فرقان احمد]

اے نکیرین قیامت ہی پہ رکھو پرسش
میں ذرا عمر گذشتہ کی تلافی کر لوں

 

[عباد اللہ]

اک شخص کر رہا ہے ابھی تک وفا کا ذکر
کاش اس زباں دراز کا منہ نوچ لے کوئی
جون