آج کا شعر

[شعیب خالق]

ہزاروں بار آیا ہے جنوں امداد کو لیکن
ہزاروں بار کھایا ہے فریب آگہی میں نے
جگن ناتھ آزاد

 

[محمد وارث]

درد منت کشِ دوا نہ ہوا
میں نہ اچھّا ہوا برا نہ ہوا

(غالب)

 

[فرخ منظور]

مئے عشرت کی خواہش ساقیِ گردوں سے کیا کیجیے
لیے بیٹھا ہے اک دو چار جامِ واژگوں وہ بھی
(غالب)

 

[شمشاد]

تا عمر اپنی ذات سے باہر نہ جا سکے!
ا ہلِ خرد سے اُنکی خُودی چال چل گئی

سرور نے تیری یاد میں اک عمر کی تمام
اور لوگ کہہ رہے ہیں تمنا نکل گئی
(سرور)

 

[عیشل]

آنکھوں سے آنسوؤں کو بہنے نہیں دیا
مٹی میں موتیوں کو بِکھرنے نہیں دیا
جس راہ پہ پڑے تھے تیرے پاؤں کے نشاں
اس راہ سے کسی کو گذرنے نہیں دیا​

 

[فرخ منظور]

دیکھا جو تیر کھا کے کمیں‌گاہ کی طرف
اپنے ہی دوستوں سے ملاقات ہوگئی
(نامعلوم)

 

[شمشاد]

گلے لپٹے ہیں وہ بجلی کے ڈر سے
الٰہی ! یہ گھٹا دو دن تو برسے

قمر تم کو ہمیں کچھ جانتے ہیں
نظر آتے ہو کیسے معتبر سے
(قمر جلالوی)

 

[فرحت کیانی]

نہیں اب تو اہلِ جنوں میں وہ جو شوق عام تھا شہر میں
وہ جو رنگ عام تھا کُو بہ کُو، سرِ کوئے یار بھی اب نہیں

 

[فرحت کیانی]

ایک اور دریا کا سامنا تھا منیر مجھ کو
میں ایک دریا کے پار اترا تو میں نے دیکھا

۔۔۔منیر نیازی

 

[شعیب خالق]

بے نيازی حد سے گزری بندہ پرور کب تلک
ہم کہيں گے حال دل، اور آپ فرمائيں گے کيا

 

[محمد وارث]

نہ پوچھ عالمِ برگشتہ طالعی آتش
برستی آگ جو باراں کی آرزو کرتے

 

[مغزل]

اکیلے پن سے خوف آتا ہے مجھ کو
کہاں ہو اے مرے خوابو ! ، خیالو؟
(لیاقت علی عاصم)

 

[شمشاد]

شب کے جاگے ہوئے تاروں کو بھی نیند آنے لگی
آپ کے آنے کی اک آس تھی اب جانے لگی

 

[شعیب خالق]

اب کے بھی ہے، جمی ھوئی آنکھوں کے سامنے
خوابوں کی ایک دھند جو پچھلے برس میں تھی
امجد اسلام امجد​

 

[زینب]

پیار میں بے پرواہی اچھی لگتی ہے

جان و دل سب مائل کر کے کہتے ہو۔۔۔!

کچے گھڑے پے تیرا کرتے تھے کچھ لوگ

سات سمندر حائل کر کے کہتے ہو۔۔۔!

 

[فرخ منظور]

شوقِ شراب نے مجھے ڈالا عذاب میں
جلتا ہوں ہجروشاہدو یادِ شراب میں
(مرزا)

 

[وجی]

کھلتا کسی پہ کیونکر میرے دِل کا معاملہ
شعروں کے انتخاب نے رُسوا کیا مجھے

 

[زونی]

تو نے یہ کیا غضب کیا مجھ کو بھی فاش کر دیا
میں ہی تو ایک راز تھا سینئہ کائنات میں

 

[شمشاد]

یہ تو سو سے بھی زیادہ صفحے ہو گئے اس دھاگے کے۔
اس کو تو مقفل کرنا پڑے گا۔ اب نیا دھاگہ کھول لیں۔