آج کا شعر - 5

[راجہ صاحب]

آشفتہ سر ہیں ، محتسبو، منہ نہ آئیو
سر بیچ دیں تو فکرِ دل و جاں عدو کریں

 

[کاشفی]

بڑی دولت ہے دنیا کا کسی پر مہرباں ہونا​

مگر دنیا ہے یہ دنیا، رہے گی مہرباں کب تک​

(جوش ملیح آبادی)​

 

[کاشفی]

ہم جس پہ مر رہے ہیں وہ ہے بات ہی کچھ اور​

عالم میں تجھ سے لاکھ سہی تو مگر کہاں​

(مولانا الطاف حسین حالی)​

 

[عرفان سرور]

میں وہاں ہوں جہاں جہاں تم ہو
تم کرو گے کہاں کہاں سے گریز
احمد فراز

 

[غ۔ن۔غ]

میرا تو جو بھی قدم ہے وہ تیری راہ میں ہے
کہ تو کہیں بھی رہے تو میری نگاہ میں ہے

 

[عرفان سرور]

مستقل بولتا ہی رہتا ہوں
کتنا خاموش ہوں میں اندر سے.

جون ایلیا

 

[عرفان سرور]

صحن غربت میں قضا دیر سے مت آیا کر
خرچ تدفین کا لگ جاتا ہے بیماری پر

جون ایلیا

 

[عرفان سرور]

چا ہ ذقن میں لاکھوں یوسف گرے پڑے ہیں
اچھا ثواب لوٹا جس نے کنواں بنایا

 

[فرخ منظور]

کیوں آپ کے علاوہ بھی ہنستے ہیں مجھ پہ لوگ
میں آپ کا دیوانہ ہوں، دیوانہ تو نہیں

بڑھنے لگی ہیں آپ کی کوتاہ چشمیاں
دیدہ وروں سے آپ کا یارانہ تو نہیں

(حکیم محمد نبی خان جمال سویدا)

 

[فرخ منظور]

جتنے غم ہوں مجھے عطا کیجیے
دامنِ دل بہت کشادہ ہے

جب گھٹا چھائی پینے بیٹھ گئے
مےکشی اپنی بے ارادہ ہے

ہم سویدا سے مل کے آئے ہیں
فکر رنگیں، مزاج سادہ ہے

(حکیم محمد نبی خان جمال سویدا)​

 

[غ۔ن۔غ]

میری آنکھوں میں تیرے رنگ رہیں یا نہ رہیں
اپنی خوشبو میری سانسوں میں بسائے رکھنا

 

[غ۔ن۔غ]

اس سے بڑھ کر اور کیا کرتے تمھارے واسطے
ہم نے اپنی زندگی میں کر لیا شامل تمھیں

 

[مغزل]

جان تم پر نثار کرتا ہوں
میں نہیں جانتا وفا کیا ہے

 

[غ۔ن۔غ]

کچھ بھی کہتے نہیں ہم ان سے بہت کچھ کہہ کر
بات ہوتی ہے مگر بات کہاں ہوتی ہے

 

[غ۔ن۔غ]

آنسو بھی ہیں آنکھوں میں،دعائیں بھی ہیں لب پر
بگڑے ہوئے حالات سنور کیوں نہیں جاتے

 

[عرفان سرور]

آنسوؤں نے غموں سے گھبرا کر
گر کے پلکوں سے خودکشی کر لی

 

[عرفان سرور]

جو آتا ہے خوشی کی انتہا پر
بہت روئے ہیں اس آنسوکی خاطر

 

[مغزل]

ہم نے اک عمر گزاری ہے غم یار کے ساتھ
میر ؔ دو دن نہ جئے ہجر کے آزار کے ساتھ!!
احمد فراز ؔ

 

[نسرین فاطمہ]

ہجوم غم میری فطرت بدل نہیں سکتا
کروں میں کیا میری عادت ہے مسکرانے کی

 

[غ۔ن۔غ]

دل میں ہوتا تو کسی طور نکل بھی جاتا
اب تو وہ شخص بہت دور تلک ہے مجھ میں