آج کا شعر - 5

[عرفان سرور]

فکر معاش، عشق بتاں، یاد رفتگاں
اس زندگی میں اب کوئ کیا کیا کرے
سودا

 

[عرفان سرور]

جو کہ ظالم ہو وہ ہرگز پھولتا پھلتا نہیں
سبز ہوتے کھیت دیکھا ہے کبھو شمشیر کا
سودا

 

[عرفان سرور]

دن کٹا، جس طرح کٹا لیکن
رات کٹتی نظر نہیں آتی
سید محمد اثر

 

[عرفان سرور]

یا تنگ نہ کر ناصح ناداں، مجھے اتنا
یا چل کے دکھا دے ، دہن ایسا، کمر ایسی
مہتاب رائے تاباں

 

[عرفان سرور]

ٹوٹا کعبہ کون سی جائے غم ہے شیخ
کچھ قصر دل نہیں کہ بنایا نہ جائے گا
قائم چاند پوری

 

[عرفان سرور]

کی فرشتوں کی راہ ابر نے بند
جو گنہ کیجئیے ثواب ہے آج
میر سوز

 

[عرفان سرور]

ہشیار یار جانی، یہ دشت ہے ٹھگوں کا
یہاں ٹک نگاہ چوکی اور مال دوستوں کا
نظیر اکبر آبادی

 

[عرفان سرور]

پڑے بھنکتے ہیں لاکھوں دانا، کروڑوں پنڈت، ہزاروں سیانے​

جو خوب دیکھا تو یار آخر، خدا کی باتیں خدا ہی جانے​

نظیر اکبر آبادی​

 

[عرفان سرور]

ٹک ساتھ ہو حسرت دل مرحوم سے نکلے
عاشق کا جنازہ ہے ذرا دھوم سے نکلے
فدوی عظیم آبادی

 

[عرفان سرور]

رکھ نہ آنسو سے وصل کی امید
کھاری پانی سے دال گلتی نہیں
قدرت اللہ قدرت

 

[عرفان سرور]

بلبل نے آشیانہ چمن سے اٹھالیا
پھر اس چمن میں بوم بسے یا ہما رہے
مصحفی

 

[عرفان سرور]

ہزار شیخ نے داڑھی بڑھائ سن کی سی
مگر وہ بات کہاں مولوی مدن کی سی
انشا

 

[عرفان سرور]

اے خال رخ یار تجھے ٹھیک بناتا
جا چھوڑ دیا حافظ قرآن سمجھ کر
شاہ نصیر

 

[عرفان سرور]

آئے بھی لوگ، بیٹھے بھی، اٹھ بھی کھڑے ہوئے​

میں جا ہی ڈھونڈھتا تیری محفل میں رہ گیا​

آتش​

 

[عرفان سرور]

لگے منہ بھی چڑانے دیتے دیتے گالیاں صاحب​

زباں بگڑی تو بگڑی تھی، خبر لیجئیے دہن بگڑا​

آتش​

 

[عرفان سرور]

مشاق درد عشق جگر بھی ہے، دل بھی ہے
کھاءوں کدھر کی چوٹ، بچاءوں کدھر کی چوٹ
آتش

 

[عرفان سرور]

ان دنوں گرچہ دکن میں ہے بڑی قدر سخن
کون جائے ذوق پر دلی کی گلیاں چھوڑ کر
ذوق

 

[عرفان سرور]

اسی لئے تو قتل عاشقاں سے منع کرتے ہیں
اکیلے پھر رہے ہو یوسف بے کاررواں ہو کر
خواجہ وزیر

 

[عرفان سرور]

بلبل کے کاروبار پہ ہیں خندہ ہائے گل
کہتے ہیں جس کو عشق خلل ہے دماغ کا
غالب

 

[عرفان سرور]

غالب برا نہ مان جو واعظ برا کہے
ایسا بھی کوئ ہے کہ سب اچھا کہیں جسے
غالب