- کیفیت
محمداحمد
لائبریرین
بہت خوب!
لاؤ تو قتل نامہ مرا، میں بھی تو دیکھوں
کس کس کی مہر ہے سرِ محٍضر لگی ہوئی
(یادداشت کے سہارے لکھا ہے، اور ہماری یادداشت کا آپ کو پتہ ہے
)
مغزل
محفلین
قیمت ہے ہر کِسی کی دُکاں پر لگی ہوئی
بِکنے کو ایک بھِیڑ ہے باہر لگی ہوئی
غافل نہ جان اُسے کہ تغافل کے باوجود
اُس کی نظر ہے سب پہ برابر لگی ہوئی
خوش ہو نہ سر نوِشتۂ مقتل کو دیکھ کر
فہرست ایک اور ہے اندر لگی ہوئی
ق
کس کا گماشتہ ہے امیرِ سپاہِ شہر
کن معرکوں میں ہے صفِ لشکر لگی ہوئی
برباد کر کے بصرہ و بغداد کا جمال
اب چشمِ بد ہے جانبِ خیبر لگی ہوئی
غیروں سے کیا گِلا ہو کہ اپنوں کے ہاتھ سے
ہے دوسروں کی آگ مرے گھر لگی ہوئی
لازم ہے مرغِ بادنما بھی اذان دے
کلغی تو آپ کے بھی ہے سر پر لگی ہوئی
میرے ہی قتل نامے پہ میرے ہی دستخط
میری ہی مُہر ہے سرِ محضر لگی ہوئی
کس کے لبوں پہ نعرۂ منصور تھا فراز
ہے چار سُو صدائے مکرّر لگی ہوئی
احمد فراز کی کتاب "اے عشق جنوں پیشہ" سے انتخاب ص 157
بِکنے کو ایک بھِیڑ ہے باہر لگی ہوئی
غافل نہ جان اُسے کہ تغافل کے باوجود
اُس کی نظر ہے سب پہ برابر لگی ہوئی
خوش ہو نہ سر نوِشتۂ مقتل کو دیکھ کر
فہرست ایک اور ہے اندر لگی ہوئی
ق
کس کا گماشتہ ہے امیرِ سپاہِ شہر
کن معرکوں میں ہے صفِ لشکر لگی ہوئی
برباد کر کے بصرہ و بغداد کا جمال
اب چشمِ بد ہے جانبِ خیبر لگی ہوئی
غیروں سے کیا گِلا ہو کہ اپنوں کے ہاتھ سے
ہے دوسروں کی آگ مرے گھر لگی ہوئی
لازم ہے مرغِ بادنما بھی اذان دے
کلغی تو آپ کے بھی ہے سر پر لگی ہوئی
میرے ہی قتل نامے پہ میرے ہی دستخط
میری ہی مُہر ہے سرِ محضر لگی ہوئی
کس کے لبوں پہ نعرۂ منصور تھا فراز
ہے چار سُو صدائے مکرّر لگی ہوئی
احمد فراز کی کتاب "اے عشق جنوں پیشہ" سے انتخاب ص 157
محمداحمد
لائبریرین
اس پیشکش کا شکریہ!
میرا لکھا ہوا شعر غالباً احمد ندیم قاسمی کا ہے، لیکن پھر وہی یادداشت۔
محمداحمد
لائبریرین
لاؤ تو قتل نامہ مرا
سننے کو بھیڑ ہے سرِ محشر لگی ہوئی
تہمت تمہارے عشق کی ہم پر لگی ہوئی
رندوں کے دم میں آتش ِ مَے کے بغیر بھی
ہے میکدے میں آگ برابر لگی ہوئی
آباد کرکے شہر خموشاں ہر ایک سُو
کس کھوج میں ہے تیغ ستمگر لگی ہوئی
آخر کو آج اپنے لہو پر ہوئی تمام
بازی میان ِقاتل و خنجر لگی ہوئی
“لاؤ تو قتل نامہ مرا میں بھی دیکھ لوں
کس کس کی مُہر ہے سرِ مخصر لگی ہوئی”
فیض احمد فیضؔ
سننے کو بھیڑ ہے سرِ محشر لگی ہوئی
تہمت تمہارے عشق کی ہم پر لگی ہوئی
رندوں کے دم میں آتش ِ مَے کے بغیر بھی
ہے میکدے میں آگ برابر لگی ہوئی
آباد کرکے شہر خموشاں ہر ایک سُو
کس کھوج میں ہے تیغ ستمگر لگی ہوئی
آخر کو آج اپنے لہو پر ہوئی تمام
بازی میان ِقاتل و خنجر لگی ہوئی
“لاؤ تو قتل نامہ مرا میں بھی دیکھ لوں
کس کس کی مُہر ہے سرِ مخصر لگی ہوئی”
فیض احمد فیضؔ
مغزل
محفلین
صرف آواز کہاں تک مجھے جاری رکھتی
میں نے چپ سادھ لی سناٹے کو عادت لکھا
عزم بہزاد
(غزل یہاں پیش کی ہے )
میں نے چپ سادھ لی سناٹے کو عادت لکھا
عزم بہزاد
(غزل یہاں پیش کی ہے )
عمران قصوری
محفلین
آجا کے ابھی ضبط کا موسم نہیں گزرا
آجا کے پہاڑوں پے ابھی برف جمی ہے
خوشبو کے جزیروں سے ستاروں کی حدوں تک
اس شہر میں سب کچھ ہے بس اک تیری کمی ہے
آجا کے پہاڑوں پے ابھی برف جمی ہے
خوشبو کے جزیروں سے ستاروں کی حدوں تک
اس شہر میں سب کچھ ہے بس اک تیری کمی ہے
سلیمان جاذب
محفلین
جہاں تک مجھے یاد پڑتا ہے یہ شعر ڈاکٹر محمد اقبال کا ہے
سلیمان جاذب
محفلین
اسے پھیلنا تھا سو پھیلی ہوئی تھی
وہ خوشبو تھی اس کو پکڑتا میں کیسے
ذوالفقار احسن
وہ خوشبو تھی اس کو پکڑتا میں کیسے
ذوالفقار احسن
- کیفیت