تیرہویں سالگرہ آئیے آئیے - گرہ لگائیے

[اکمل زیدی]

مجھ کو تجھ سے جو کچھ محبت ہے(درد)
گرہ لگائیے۔

آپا جی یہ درد کیا ہے ۔۔خواجہ میر درد ؟

 

[یاسر شاہ]

"مجھ کو تجھ سے جو کچھ محبت ہے"
ملکی حالات میں غنیمت ہے

 

[محمد تابش صدیقی]

مجھ کو تجھ سے جو کچھ محبت ہے
محض اردو ہی کی بدولت ہے

 

[اکمل زیدی]

خیال خاطری نہیں یہ بے سبب
مجھ کو تجھ سے جو کچھ محبت ہے

 

[جان]

مجھ کو تجھ سے جو کچھ محبت ہے
صرف وہ ووٹ کی بدولت ہے

 

[زیک]

جس طرح ادبی حریت پسند منظم اور خوبصورت اظہارِ فن کو اس لیے نظرانداز کر سکتے ہیں کہ اسے سمجھنے کے لیے دماغ پر زور دینا پڑتا ہے، اسی طرح انھیں بھی یکسر مسترد کرنا کارِ محال نہیں. میں تو کم از کم نثری نظم کو شعر، rap music کو موسیقی اور ایبسٹریکٹ آرٹ کو معرکۂ فنِ مصوری تسلیم نہیں کرسکتا. ادب میں political correctness کی گنجائش نہیں. یہاں میں Nabokov کے الفاظ چند تغیرات کےساتھ پیش کرنا چاہوں گا:
These genres of art simply do not exist for me. Their adherents and proponents are complete nonentities insofar as my taste in art is concerned.

اچھے rap میں موسیقیت کوٹ کوٹ کر بھری ہوتی ہے

 

[محمد ریحان قریشی]

اچھے rap میں موسیقیت کوٹ کوٹ کر بھری ہوتی ہے

موردِ گفتگو دراصل مشرقی موسیقی تھی۔ انڈین ہپ ہاپ مجھے بالکل پسند نہیں۔ مغربی ہپ ہاپ بھی زیادہ تر سامانِ کرِنج(cringe) ہی مہیا کرتا ہے۔
موسیقی کی باریکیوں سے چونکہ میں ویسے ہی نابلد ہوں اس لیے میری رائے اس ضمن میں زیادہ اہمیت کی حامل بھی نہیں۔

 

[La Alma]

جس طرح ادبی حریت پسند منظم اور خوبصورت اظہارِ فن کو اس لیے نظرانداز کر سکتے ہیں کہ اسے سمجھنے کے لیے دماغ پر زور دینا پڑتا ہے، اسی طرح انھیں بھی یکسر مسترد کرنا کارِ محال نہیں. میں تو کم از کم نثری نظم کو شعر، rap music کو موسیقی اور ایبسٹریکٹ آرٹ کو معرکۂ فنِ مصوری تسلیم نہیں کرسکتا. ادب میں political correctness کی گنجائش نہیں. یہاں میں Nabokov کے الفاظ چند تغیرات کےساتھ پیش کرنا چاہوں گا:
These genres of art simply do not exist for me. Their adherents and proponents are complete nonentities insofar as my taste in art is concerned.

میری معروضات جدت پسندی اور تنوع پزیری کے تناظر میں تھیں۔ ذاتی ترجیحات اور پسند و ناپسند کا اس میں کوئی عمل دخل نہیں۔ اب کوئی فنونِ لطیفہ کی ان شاخوں کو چاہے ایک Independent Entity کے طور پر تسلیم کرے یا پھر آرٹ کے زینوں میں سے ایک زینہ، یہ اپنے اپنے زاویہِء نگاہ کی بات ہے۔ ادب میں تنظیم کی میں بھی قائل ہوں اور یہ میری اولین ترجیحات میں شامل ہے۔ تاہم تفریح طبع کے لیے دیگر اصناف سے استفادہ کرنا بھی جائز سمجھتی ہوں۔ فن کی جاگیر سے ان کی مطلق بے دخلی کو مناسب خیال نہیں کرتی۔

جس طرح ادبی حریت پسند منظم اور خوبصورت اظہارِ فن کو اس لیے نظرانداز کر سکتے ہیں کہ اسے سمجھنے کے لیے دماغ پر زور دینا پڑتا ہے

ایبسٹریکٹ آرٹ کیا کم ذہنی مشقت کرواتی ہے۔ یہ تو اپنے باصر کے تخیل کو جنجھوڑ کر رکھ دیتی ہے ۔ پورے Chaos میں سے کوئی تخلیق ڈھونڈنا کیا آسان امر ہے۔

 

[جان]

گرہ لگائیے
عاشق کی بھی ہستی ہے دنیا میں عجب ہستی
(حیات امروہوی)

 

[اکمل زیدی]

گرہ لگائیے
عاشق کی بھی ہستی ہے دنیا میں عجب ہستی
(حیات امروہوی)

عاشق کی بھی ہستی ہے دنیا میں عجب ہستی
شادی سے پہلے سیکھتا ہے گھرگرہستی

 

[محمد تابش صدیقی]

عاشق کی بھی ہستی ہے دنیا میں عجب ہستی
شادی سے پہلے سیکھتا ہے گھر گھرستی

گرہستی

 

[اکمل زیدی]

گرہستی

شکریہ - کرکٹڈ---قسمے مجھے بھی اس پر شک تھا۔۔۔

 

[یاسر شاہ]

گرہ لگائیے
عاشق کی بھی ہستی ہے دنیا میں عجب ہستی
(حیات امروہوی)

عاشق کی بھی ہستی ہے دنیا میں عجب ہستی
ویرانے کو جائے ہے بھائے نہ اسے بستی

 

[جان]

"عاشق کی بھی ہستی ہے دنیا میں عجب ہستی"
زندہ ہے تو چرسی ہے مر جائے تو برسی ہے

 

[یاسر شاہ]

بھائی جان یہ اصل شعر تھا یا آپ کی گرہ ؟

"عاشق کی بھی ہستی ہے دنیا میں عجب ہستی"
زندہ ہے تو چرسی ہے مر جائے تو برسی ہے

 

[جان]

بھائی جان یہ اصل شعر تھا یا آپ کی گرہ ؟

یہ گرہ لگائی ہے۔ اصل شعر یہ ہے۔
عاشق کی بھی ہستی ہے دنیا میں عجب ہستی
زندہ ہے تو رسوا ہے مر جائے تو افسانہ
(حیات امروہوی)