ٹیگنگ کی خصوصیت کا استعمال ذمہ داری کے ساتھ کیا جانا چاہیے اور بلا وجہ فقط لوگوں کو اپنے مراسلے تک کھینچ کر لانے کے لیے استعمال نہیں کیا جانا چاہیے کہ یہ اسپیمنگ شمار ہوگی۔ البتہ کوئی مراسلہ کسی محفلین سے متعلق ہو یا کسی کی توجہ اس مراسلے پر مبذول کرانا از حد ضروری ہو تو اس خصوصیت کا استعمال کرنے میں کوئی مضائقہ نہیں۔
ضروری طور پر توجہ مبذول کروانا اور کسی پر اپنی تحریر تھوپنا دونوں میں فرق ہے ماہی بٹیا۔ لوگ اپنی دلچسپی کا سامان خود دیکھ سکتے ہیں۔ آپ کو جو اسپیم ای میلز آتی ہیں وہ بے چارے بھی تو آپ کی توجہ ہی چاہتے ہیں۔
کیا مصیبت ہے بھئی، ہم نے کوئی شکایت تھوڑی نہ کی ہے جو وضاحتوں کی ضرورت پیش آئے۔ ہم تو محفل میں دستیاب ایک سہولت کے جا و بے جا استعمال پر عمومی گفتگو کر رہے تھے۔ ماہی بٹیا آپ بھی نا۔۔۔ آپ سے تو بس آپ کی صاحبزادی صاحبہ ہی نمٹیں!