فارسی شاعری خوبصورت فارسی اشعار مع اردو ترجمہ

[سید عاطف علی]

واہ واہ!! کیا کہنے!!
شاعر کا نام بھی لکھیے۔

امیرهوشنگ ابتهاج-ایران

 

[اریب آغا ناشناس]

گر مقیمِ روضه ی کویت شدم منعم مکن
ذره ی خاکم، تصور کن که آدم نیستم
(فضولی بغدادی)
اگر میں تیرے کوچے کے گلزار میں گیا ہوں تو مجھے منع مت کر۔میں ذرہء خاک ہوں، تصور کر کہ میں آدمی نہیں ہوں۔

 

[سید عاطف علی]

ہشت جنت بہ تو عاشق تو چہ زیبا روای
ہفت دوزخ زتولرزاں توچہ آتشکدہ ای
مولانا
تو وہ زیبا رخ ہے کہ آٹھوں جنتیں تجھ پر فدا ہیں ۔
اور ساتوں دوزخیں تجھ سےلرزتی ہیں تو ایسا آتشکدہ ہے۔

 

[حسان خان]

ناصر خسرو کے ایک قصیدے سے اقتباس:
گر خاکِ خراسانْت نپِذرُفت مخور غم
خشنودیِ ایزدْت بِه از خاکِ خراسان
بر حكمت و بر مِدحتِ اولادِ پيمبر
اشعار همی‌گوی به هر وقت چو حسّان
(ناصر خسرو)
[اے ناصر خسرو!] اگر خاکِ خُراسان نے تمہیں قبول نہیں کیا تو غم مت کھاؤ؛ خشنودیِ خدا تمہارے لیے خاکِ خراسان سے بہتر ہے؛ تم حسّان بن ثابت (رض) کی مانند ہر وقت حکمت آمیز، اور اولادِ رسول (ص) کی مِدحت پر مشتمل اشعار کہتے رہو۔

 

[اریب آغا ناشناس]

می روم زین ملک، اما بی متاعی نیستم،
بارِ صد غم، مایه ی صد ناتوانی می برم
اس ملک سے جارہا ہوں، امّا بے سر و سامان نہیں ہوں۔صدہا غم کا بار اور صدہا ناتوانی کا سرمایہ لے کر جارہا ہوں

بهرِ یاران کرده ام ترتیبِ رنگین تحفه ها
چهره ی کاهی و اشکِ ارغوانی می برم
(فضولی بغدادی)
میں نے یاروں کے لئے رنگین تحفے ترتیب دیے ہیں۔زرد چہرہ اور اشکِ ارغوانی لے کر جارہا ہوں۔

 

[اریب آغا ناشناس]

تیرِ عاشق کُش ندانم بر دلِ حافظؔ که زد
این قدر دانم که از شعرِ ترش خون میچکید​

(حافظ شیرازی)
عاشق کو مار ڈالنے والا تیر، نمعلوم حافظؔ کے دل پر کس نے مارا؟میں اس قدر جانتا ہوں کہ اس کے تازہ شعروں سے خون ٹپک رہا ہے۔

مترجم: قاضی سجاد حسین

 

[حسان خان]

از جان و روان سوختهٔ آلِ رسولم
و اصحابِ نبی را به دل و دیده خریدار
(قوامی رازی)
میں جان و روح سے آلِ رسول (ص) کا عاشق ہوں؛ اور دل و چشم سے اصحابِ نبی (ص) کا مشتاق ہوں۔

 

[حسان خان]

هر ذرّه از ذرایِرِ عالم مُسبِّحی‌ست
لیک اِستِماعِ آن نکند فهم و درکِ ناس
(ابنِ حُسام خوسْفی)
دنیا کے ذرّوں میں سے ہر ذرّہ [خدا کا] تسبیح گو ہے؛ لیکن انسانوں کا فہم و ادراک اُسے نہیں سنتا۔

 

[حسان خان]

هُوَ الغَفُور ز جوشِ شراب می‌شُنَوَم
صریرِ بابِ بهشت از رباب می‌شُنَوَم
(صائب تبریزی)
مجھے جوشِ شراب سے ہُوَ الغَفُور (وہ غفور ہے) سنائی دیتا ہے؛ مجھے سازِ رباب سے بابِ بہشت کی آواز سنائی دیتی ہے۔
× 'صریر' دروازے کے کھلتے اور بند ہوتے وقت آنے والی آواز کو بھی کہتے ہیں۔

 

[حسان خان]

تفاوُت است میانِ شنیدنِ من و تو
تو بستنِ در و من فتحِ باب می‌شُنَوَم
(صائب تبریزی)
میرے اور تمہارے سننے کے درمیان فرق ہے؛ تم دروازے کا بند ہونا، اور میں دروازے کا کھلنا سن رہا ہوں۔

× مصرعِ ثانی میں فارسی ترکیب 'بستنِ در' اور عربی ترکیب 'فتحِ باب' کے درمیان تضاد مجھے خوب لگا۔

 

[حسان خان]

تفاوُت است میانِ شنیدنِ من و تو
تو بستنِ در و من فتحِ باب می‌شُنَوَم
(صائب تبریزی)

مجھے اِس کا خیال بعد میں آیا ہے کہ اگر اِس بیت کو بیتِ ماقبل کے مصرعِ ثانی 'صریرِ بابِ بهشت از رباب می‌شنوم' کے ساتھ مرتبط سمجھ کر خوانا جائے تو اِس کی معنائیت میں اضافہ ہو جاتا ہے۔

 

[حسان خان]

بر آستانِ خرابات چون نباشم فرش؟
که بُویِ زنده‌دلی زان تُراب می‌شُنَوَم
(صائب تبریزی)
میں آستانِ خرابات پر کیسے نہ فرش ہو جاؤں (یعنی بِچھ جاؤں)؟ کہ اُس خاک سے مجھے بُوئے زندہ دلی محسوس ہوتی ہے۔

 

[حسان خان]

آن را که بُوَد دوستیِ آلِ پیمبر
یارانِ نبی را به دل و دیده بُوَد یار
(قوامی رازی)
جس شخص میں آلِ رسول (ص) کی محبت ہوتی ہے، وہ دل و چشم سے اصحابِ نبی (ص) کا یار ہوتا ہے۔

 

[حسان خان]

ترانه‌ای که سرِ دار ازان شود رنگین
به هر چه می‌نِگَرم بی‌حجاب می‌شُنَوَم
(صائب تبریزی)
وہ ترانہ کہ جس سے دار کا سر رنگین ہو جاتا ہے، میں جس چیز پر بھی نگاہ کروں، وہ مجھے بے حجاب سنائی دیتا ہے۔
× دار = سُولی

 

[حسان خان]

صدایِ شهپرِ جبریلِ عشق هر ساعت
ز رخنهٔ دلِ پُراضطراب می‌شُنَوَم
(صائب تبریزی)
میں دلِ پُراضطراب کے رخنے سے ہر وقت جبریلِ عشق کے شہپر کی صدا سنتا ہوں۔

 

[حسان خان]

برآر کارِ فرومانده‌ای چو می‌بتوانی
که تا به روزِ فروماندگیت کار برآید
(ابنِ حُسام خوسْفی)
اگر تمہارے لیے ممکن ہو تو کسی عاجز و ناتواں شخص کا کام پورا کرو، تاکہ تمہاری عاجزی و ناتوانی کے روز تمہارا کام پورا ہو جائے۔

 

[حسان خان]

هر ذرهٔ اشیاء که برو نقشِ وجود است
تسبیحِ تو گویند به انواعِ لسان‌ها
(ابنِ حُسام خوسْفی)
[اے خدا!] اشیاء کا ہر [وہ] ذرّہ کہ جس پر نقشِ وجود [موجود] ہے، طرز طرز کی زبانوں سے تیری تسبیح کہتا ہے۔

 

[حسان خان]

از دفترِ گُل نکتهٔ توحیدِ تو خوانَد
بلبل که شب آرام ندارد ز فغان‌ها
(ابنِ حُسام خوسْفی)
[اے خدا!] بلبل، کہ جسے شب میں فغانوں سے آرام نہیں ملتا، وہ گُل کے دفتر سے تیری توحید کے نکتے خوانتا ہے۔
× دفتر = ڈائری
× خواننا = پڑھنا

 

[محمد وارث]

گر اُلفتِ توحید نباشد بدلِ تو
حق را نشناسی ز قیامے و قعودے

شیخ شرف الدین پانی پتی (معروف بہ بُو علی قلندر)

اگر تیرے دل میں توحید کی اُلفت نہ ہو تو صرف قیام و قعود (عبادات) سے تُو حق کو نہیں پہچان سکتا۔

 

[حسان خان]

مگر ز سیرِ بناگوشِ یار می‌آید؟
که بُویِ یاسَمَن از ماه‌تاب می‌شُنَوَم
(صائب تبریزی)
کیا وہ یار کے بُناگوش کی سیر کر کے آ رہا ہے؟ کہ مجھے نورِ ماہ سے گُلِ یاسَمَن کی خوشبو محسوس ہو رہی ہے۔
× بُناگوش = کان کا نِچلا نرم حصّہ