مکی
معطل
چار ماہ بعد بندہ ریاض سے ایک بار پھر اردو کی خدمت میں حاضر ہے، یہ چار ماہ کافی مصروفیت میں گزرے بلکہ گزر رہے ہیں اور لگتا ہے کہ سال ٢٠٠٨ ایسے ہی ٹینشن میں گزرے گا یہی وجہ ہے کہ نیٹ گردی بھی کافی کم ہوگئی ہے بلکہ تقریباً نا ہونے کے برابر رہ گئی ہے.
خیر اصلِ موضوع کی طرف آتا ہوں اور پیش کرتا ہوں UrduMySmartBB جو کہ ایک فورم سوفٹ ویر ہے کا اردو ترجمہ، یہ فورم سوفٹ ویر خالصتاً عربوں کا بنایا ہوا ہے اور اوپن سورس ہے، مزے کی بات یہ ہے کہ اس کا کوئی انگریزی ورژن نہیں ہے یعنی یہ صرف عربی میں ہی دستیاب ہے چنانچہ اس کا ترجمہ کرنے کے لیے عربی جاننا لازمی ہے، چونکہ یہ ایک اوپن سورس فورم سوفٹ ویر تھا اور اپنی خوبیوں کی وجہ سے مجھے کافی پسند آیا تھا چنانچہ میں نے اسے اردوانے کی ٹھانی اور یہ حرکت کرنے سے پہلے ان کے سپورٹ فورم میں انہیں مطلع بھی کردیا کہ میں یہ ناہنجار حرکت کرنے جارہا ہوں تاکہ حسرت نہ رہے دلِ بے قرار میں..
اس کا ترجمہ میرے ریاض آنے سے کوئی دو ماہ پہلے ہی مکمل ہوچکا تھا مگر ان دنوں میں نسیم البحر کی مشقوں کی وجہ سے اس قدر مصروف ہوگیا تھا کہ یہ یاد ہی نہ رہا.. اب چونکہ مجھے ریاض آئے ہوئے چار ماہ ہوچکے ہیں جس کا مطلب ہے کہ اس کا اجراء کوئی چھ ماہ تاخیر سے ہورہا ہے.. خیر دیر آید درست آید..
اس فورم سوفٹ ویر میں اس قدر خوبیاں اور آپشنز ہیں کہ بندہ تعریف کیے بغیر نہیں رہ سکتا.. موضوع کے اختصار کی غرض سے میں ان اختیارات کی تفصیل میں نہیں جاؤں گا، مختصراً اتنا عرض کروں گا کہ اس میں طے شدہ طور پر ذیلی فورم، منسلک فائلیں، مستقل صفحات، فوری جواب اور انتظامی اعلانات جیسے اہم اختیارات موجود ہیں جبکہ ارکان کے لیے ایک بہترین کنٹرول پینل بھی موجود ہے، میں نے ایک فری ہوسٹ پر اس کی تجرباتی تنصیب کردی ہے تاکہ اہلیانِ اردو وہاں جاکر اس کی خوب جانچ کرسکیں اور خود ہی فیصلہ کریں..
تجرباتی فورم یہاں ہے
تنصیب:
اس کی تنصیب کسی بھی فورم سوفٹ ویر سے مختلف نہیں ہے، includes کے فولڈر میں موجود config.php فائل میں ڈیٹا بیس کی معلومات شامل کر کے اسے اپلوڈ کردیں اور ذیل کے فولڈروں کو ٧٧٧ کا پرمیشن دے دیں:
styles/main/templates اس میں موجود تمام فائلیں
includes/SmartyCompiler
download/
download/avatar
download/contact
admin/style/SmartyCompiler
admin/style/template اور اس میں موجود تمام فائلیں
اب اپنے براؤزر سے یہ پتہ طلب کریں:
http://[domain]/[folder]/install/install.php
آپ کے سامنے تنصیب کا صفحہ ظاہر ہوجائے گا، پہلے مرحلے میں ڈیٹا بیس میں ٹیبلز بنائی جائیں گی، دوسرے مرحلے میں منتظمِ اعلی کی معلومات طلب کی جائیں گی اور تنصیب مکمل، آگے بڑھنے سے پہلے سرور سے install کا فولڈر حذف کرنا نہ بھولیں.
ورژن: 1.6.0 بیٹا 1
آفیشل ویب سائٹ: http://www.MySmartBB.com
اردو ورژن ڈاؤنلوڈ: یہاں سے
امید ہے اردو مائی سمارٹ بی بی اردو فورمز میں ایک اچھا اضافہ ثابت ہوگا، میں کوشش کرتا رہوں گا کہ اسے وقتاً فوقتاً نئے ورژن سے اپڈیٹ کرتا رہوں اور اس کے لیے کچھ موڈز اور ٹیمپلیٹ بھی پیش کر سکوں مگر وعدہ نہیں کرتا.
اس کے بٹن اور ہیڈر اردو کرنا باقی ہیں تو ہے کوئی گریفک ڈیزائنر جو یہ کارِ خیر انجام دے سکے..؟؟
آپ کی آراء کا انتظار رہے گا.
واللہ الموفق
خیر اصلِ موضوع کی طرف آتا ہوں اور پیش کرتا ہوں UrduMySmartBB جو کہ ایک فورم سوفٹ ویر ہے کا اردو ترجمہ، یہ فورم سوفٹ ویر خالصتاً عربوں کا بنایا ہوا ہے اور اوپن سورس ہے، مزے کی بات یہ ہے کہ اس کا کوئی انگریزی ورژن نہیں ہے یعنی یہ صرف عربی میں ہی دستیاب ہے چنانچہ اس کا ترجمہ کرنے کے لیے عربی جاننا لازمی ہے، چونکہ یہ ایک اوپن سورس فورم سوفٹ ویر تھا اور اپنی خوبیوں کی وجہ سے مجھے کافی پسند آیا تھا چنانچہ میں نے اسے اردوانے کی ٹھانی اور یہ حرکت کرنے سے پہلے ان کے سپورٹ فورم میں انہیں مطلع بھی کردیا کہ میں یہ ناہنجار حرکت کرنے جارہا ہوں تاکہ حسرت نہ رہے دلِ بے قرار میں..
اس کا ترجمہ میرے ریاض آنے سے کوئی دو ماہ پہلے ہی مکمل ہوچکا تھا مگر ان دنوں میں نسیم البحر کی مشقوں کی وجہ سے اس قدر مصروف ہوگیا تھا کہ یہ یاد ہی نہ رہا.. اب چونکہ مجھے ریاض آئے ہوئے چار ماہ ہوچکے ہیں جس کا مطلب ہے کہ اس کا اجراء کوئی چھ ماہ تاخیر سے ہورہا ہے.. خیر دیر آید درست آید..
اس فورم سوفٹ ویر میں اس قدر خوبیاں اور آپشنز ہیں کہ بندہ تعریف کیے بغیر نہیں رہ سکتا.. موضوع کے اختصار کی غرض سے میں ان اختیارات کی تفصیل میں نہیں جاؤں گا، مختصراً اتنا عرض کروں گا کہ اس میں طے شدہ طور پر ذیلی فورم، منسلک فائلیں، مستقل صفحات، فوری جواب اور انتظامی اعلانات جیسے اہم اختیارات موجود ہیں جبکہ ارکان کے لیے ایک بہترین کنٹرول پینل بھی موجود ہے، میں نے ایک فری ہوسٹ پر اس کی تجرباتی تنصیب کردی ہے تاکہ اہلیانِ اردو وہاں جاکر اس کی خوب جانچ کرسکیں اور خود ہی فیصلہ کریں..
تجرباتی فورم یہاں ہے
تنصیب:
اس کی تنصیب کسی بھی فورم سوفٹ ویر سے مختلف نہیں ہے، includes کے فولڈر میں موجود config.php فائل میں ڈیٹا بیس کی معلومات شامل کر کے اسے اپلوڈ کردیں اور ذیل کے فولڈروں کو ٧٧٧ کا پرمیشن دے دیں:
styles/main/templates اس میں موجود تمام فائلیں
includes/SmartyCompiler
download/
download/avatar
download/contact
admin/style/SmartyCompiler
admin/style/template اور اس میں موجود تمام فائلیں
اب اپنے براؤزر سے یہ پتہ طلب کریں:
http://[domain]/[folder]/install/install.php
آپ کے سامنے تنصیب کا صفحہ ظاہر ہوجائے گا، پہلے مرحلے میں ڈیٹا بیس میں ٹیبلز بنائی جائیں گی، دوسرے مرحلے میں منتظمِ اعلی کی معلومات طلب کی جائیں گی اور تنصیب مکمل، آگے بڑھنے سے پہلے سرور سے install کا فولڈر حذف کرنا نہ بھولیں.
ورژن: 1.6.0 بیٹا 1
آفیشل ویب سائٹ: http://www.MySmartBB.com
اردو ورژن ڈاؤنلوڈ: یہاں سے
امید ہے اردو مائی سمارٹ بی بی اردو فورمز میں ایک اچھا اضافہ ثابت ہوگا، میں کوشش کرتا رہوں گا کہ اسے وقتاً فوقتاً نئے ورژن سے اپڈیٹ کرتا رہوں اور اس کے لیے کچھ موڈز اور ٹیمپلیٹ بھی پیش کر سکوں مگر وعدہ نہیں کرتا.
اس کے بٹن اور ہیڈر اردو کرنا باقی ہیں تو ہے کوئی گریفک ڈیزائنر جو یہ کارِ خیر انجام دے سکے..؟؟
آپ کی آراء کا انتظار رہے گا.
واللہ الموفق
