سید شہزاد ناصر
محفلین
بربطِ کائنات پر
نغمہ سرا ھے زندگی
مست نَوا ھے زندگی
وادئ مہر و ماہ تک
بال کُشا ھے زندگی
جلوہ نُما ھے زندگی
جِس کی کچھ ابتدا نہیں
جِس کی کچھ انتہا نہیں
جِس کو کبھی فنا نہیں
خواب گہِ فنا میں وہ
موجِ صدا ھے زندگی
رقصِ صبا ھے زندگی
موسمِ شعلہ بار میں
دامنِ کِشتِ زار میں
سینۂ کاشتکار میں
بن کے لہو کا اضطراب
ھمہمہ زا ھے زندگی
نغمہ سرا ھے زندگی
جام ھیں مختلف ، تو ھوں
اُن میں شراب ایک ھے
بادۂ ناب ایک ھے
سازِ فنا میں مشترک
ایک صدا ھے زندگی
ایک نَوا ھے زندگی
رھروِ راہِ اِرتقاء
کے لیے اِک مقام ھے
راھزنِ خرام ھے
لے کے عدم سے تا عدم
ایک فضا ھے زندگی
راہ نما ھے زندگی
اُس کی ھوائے تُند پر
تیر رھی ھے کائنات
مستِ شرابِ حسّیات
طائرِ دھر کے لیے
ایک فضا ھے زندگی
کیا کہوں ، کیا ھے زندگی
نغمہ سرا ھے زندگی
مست نَوا ھے زندگی
وادئ مہر و ماہ تک
بال کُشا ھے زندگی
جلوہ نُما ھے زندگی
جِس کی کچھ ابتدا نہیں
جِس کی کچھ انتہا نہیں
جِس کو کبھی فنا نہیں
خواب گہِ فنا میں وہ
موجِ صدا ھے زندگی
رقصِ صبا ھے زندگی
موسمِ شعلہ بار میں
دامنِ کِشتِ زار میں
سینۂ کاشتکار میں
بن کے لہو کا اضطراب
ھمہمہ زا ھے زندگی
نغمہ سرا ھے زندگی
جام ھیں مختلف ، تو ھوں
اُن میں شراب ایک ھے
بادۂ ناب ایک ھے
سازِ فنا میں مشترک
ایک صدا ھے زندگی
ایک نَوا ھے زندگی
رھروِ راہِ اِرتقاء
کے لیے اِک مقام ھے
راھزنِ خرام ھے
لے کے عدم سے تا عدم
ایک فضا ھے زندگی
راہ نما ھے زندگی
اُس کی ھوائے تُند پر
تیر رھی ھے کائنات
مستِ شرابِ حسّیات
طائرِ دھر کے لیے
ایک فضا ھے زندگی
کیا کہوں ، کیا ھے زندگی