’محاذِ جنگ کی خواب گاہیں‘

[محسن وقار علی]

فوٹوگرافر ایڈ گولڈ نے دو سال برطانوی رجمنٹ ’2 پیرا‘ کے فوجیوں کے ساتھ گزارے اور ان کے اڈوں اور ان کی تعیناتی کے مقامات پر تصاویر لیں۔ انہوں نے جنگ کی تصاویر کے علاوہ ایسی تصاویر بھی لیں جنہیں انہوں نے ’محاذ کی خواب گاہوں‘ کا نام دیا۔

بہ شکریہ بی بی سی اردو

 

[محسن وقار علی]

ایڈ گولڈ کے کہنا ہے کہ انہیں ایک صحرائی پسِ منظر میں شوخ رنگوں، بستروں کے تنوع اور ان کی مختصر جگہ پر ترتیب نے بہت متاثر کیا۔

 

[محسن وقار علی]

فوجیوں کے سونے کی جگہ ہی ان کی ذاتی جگہ ہے اور ہر فوجی کی جگہ دوسرے فوجی کی جگہ سے مختلف اور انوکھی ہے، چاہے وہ مرد ہے یا عورت۔

 

[محسن وقار علی]

گولڈ کا کہنا ہے کہ ’فوجیوں کو محاذ پر بہت مختصر سامان لیجانے کی اجازت ہے تو ان تصاویر میں جو دکھائی دے رہا ہے وہ ان فوجیوں کے لیے سب سے اہم اور ان کی زندگی سے مطابقت رکھتی ہوئی چیزیں ہیں۔

 

[محسن وقار علی]

’ان کے بستر اور ان کی کِٹ ایک ایسی جگہ ہے جہاں وہ ایک گشت کے بعد آکر دوسرے گشت سے پہلے اپنی توانائی بحال کر سکتے ہیں۔‘

 

[محسن وقار علی]

گولڈ نے محسوس کیا کہ فوجی اس کی تصاویر کے لیے پوز کرنے پر تیار تھے جس سے اُن کے خیال میں اُن کے گھر والوں کو ایک اندازہ ہو گا کہ وہ کِس قسم کے حالات میں رہ رہے ہیں اور اُن کے کام میں کیا کچھ کرنا ہے۔

 

[محسن وقار علی]

گولڈ نے کہا کہ ’میری پہلی ترجیح تھی کہ میں ان فوجیوں کی تصاویر کھینچ کر افغان ٹرسٹ کے لیے چندہ اکھٹا کروں جو کہ ان چھاتہ برداروں کی امداد کے لیے بنایا گیا ایک رفاہی ادارہ ہے‘۔

 

[محسن وقار علی]

چھاتہ بردار فوجیوں کی اس رجمنٹ ’2 پیرا‘ کے ساتھ ساتھ ایڈ گولڈ نے کچھ افغان فوجیوں کی تصاویر بھی بنائی ہیں جو مختلف اڈوں پر برطانبوی فوجیوں کے ساتھ تعینات تھے۔

 

[محسن وقار علی]

’2 پیرا‘ پر کام کرنے سے پہلے گولڈ نے بہت سے دوسرے طویل عرصے پر محیط فوٹوگرافی کے منصوبوں پر کام کیا ہوا ہے۔ انہوں نے ویلز کی آبادی ’پیٹاگونیا‘ پر ایک کتاب بھی لکھی ہے۔

 

[محسن وقار علی]

گولڈ امید کرتے ہیں کہ اُن کا یہ تازہ ترین کام شائع ہو گا ’یہ ہم برطانوی عوام پر اِن افغانستان میں خدمات پیش کرنے والے فوجیوں کا قرض ہے کہ ہم اس کام کو شائع کریں اور اس سے حاصل ہونے والی آمدنی ان کی مدد کے لیے واپس جمع کروائیں۔‘ سب تصاویر ایڈ گولڈ کی ہیں جو ان کی ویب سائٹ پر موجود ہیں۔

 

[محسن وقار علی]

ٹیگ نامہ

 

[شمشاد]

شکریہ محسن بھائی

محاذ پر فوجیوں کی زندگی کے رنگ ڈھنگ بالکل مختلف ہوتے ہیں۔

 

[شمشاد]

گولڈ نے کہا کہ ’میری پہلی ترجیح تھی کہ میں ان فوجیوں کی تصاویر کھینچ کر افغان ٹرسٹ کے لیے چندہ اکھٹا کروں جو کہ ان چھاتہ برداروں کی امداد کے لیے بنایا گیا ایک رفاہی ادارہ ہے‘۔

یہ بدنصیب گولی یا بم سے مرنے کے لیے یہاں بیٹھی ہوئی ہے۔ اسے تو چاہیے تھا کہ کسی گھر کی رانی ہوتی۔