یہودی طالبان

[arifkarim]

دنیا میں اسلامی طالبان تو بہت مشہور ہیں۔ آج آپکو یہودی طالبان سے ملواتے ہیں:

اگر فلسطینی اپنے بچوں کو یہ سب سکھائیں تو شدت پسند دہشت گرد۔ اگر اسرئیلی یہی کام کریں تو دفاع مملکت۔ دوسروں کو نصیحت، خود میاں فضیحت کے مصداق

 

[ساجد]

تاریخ انسانی میں یہ کام سب سے زیادہ مذہبی فریضہ سمجھ کر کیا گیا اور اسے ہر مذہب کے ماننے والوں نے کیا ۔ مسلح گروہ بنائے گئے ، ذاتی رنجشوں اور سیاسی مقاصد کے لئے ان گروہوں کا استعمال کیا گیا اور پھر لوگوں کو احساس ندامت سے بچانے کے لئے اسے خدا کی طرف سے عائد کردہ مذہبی فرض کے طور پر روشناس کروایا جاتا رہا تا کہ ضمیر کے جاگنے کا امکان ہی نہ رہے ۔

 

[arifkarim]

تاریخ انسانی میں یہ کام سب سے زیادہ مذہبی فریضہ سمجھ کر کیا گیا اور اسے ہر مذہب کے ماننے والوں نے کیا ۔ مسلح گروہ بنائے گئے ، ذاتی رنجشوں اور سیاسی مقاصد کے لئے ان گروہوں کا استعمال کیا گیا اور پھر لوگوں کو احساس ندامت سے بچانے کے لئے اسے خدا کی طرف سے عائد کردہ مذہبی فرض کے طور پر روشناس کروایا جاتا رہا تا کہ ضمیر کے جاگنے کا امکان ہی نہ رہے ۔

درست۔ ہر انسان خواہ وہ کسی بھی رنگ، نسل، قوم، دین ، مذہب، فرقے، مسلک سے تعلق رکھتا ہو، پیدا تو ہمیشہ یکساں انسانی فطرت پر ہی ہے۔ بعد میں اسکے والدین یا معاشرہ جیسی پرورش اسے مہیا کرتے ہیں ویسے ویسے وہ ایک معصوم بیج کی طرح باغ انسانیت کا حسین اورخوشبودارپھول بن جاتا ہے یا اسی باغ کا بدنما نوکیلا کانٹا جو ہر چھونے والے کو زخمی کر تاہے۔
یہ دھاگہ شروع کرنے کا مقصد بھی یہی ہے تاکہ ہم اپنے اندر کی بدگمانیوں کا جائزہ لیں جو ہم دیگر انسانوں کے بارہ میں رکھتے ہیں۔ یہودی طالبان اسلئے برا نہیں کہ اسکی پیدائشی فطرت ہی بری ہے بلکہ اسلئے کہ جس معاشرے، ماحول میں اسکی پرورش ہوئی وہ شدت پسند ہے۔ یہی منطق ہم اسلامی طالبان اور دیگر شدت پسندوں پر باآسانی لاگو کر سکتے ہیں۔