ہم بادلوں کی اوٹ میں یخ بستہ تہ بہ تہ - اختر عثمان

نمرہ

محفلین
ہم بادلوں کی اوٹ میں یخ بستہ تہ بہ تہ
جیسے رگوں میں برف ہو پیوستہ تہ بہ تہ
چلنے پہ بھی تمام نہ ہو پایا تا حیات
قصدا بچھا دیا گیا یہ رستہ تہ بہ تہ
وہ ہاتھ میرے ہاتھوں میں ایسے پھنسے رہے
جیسے بندھا ہوا کوئی گلدستہ تہ بہ تہ
وہ یاد پیچ پیچ ہے خوں میں رچی ہوئی
دل ہے اس اک خیال سے وابستہ تہ بہ تہ
بے تہ کوئی کلام کیا ہے نہ ہو سکا
میرا اک ایک حرف ہے برجستہ تہ بہ تہ
 
Top