ہمیشہ پیٹ بھر کھاتا ہوں میں

[محمد خلیل الرحمٰن]

ہمیشہ پیٹ بھرکھاتا ہوں میں
(منیر نیازی سے معذرت کے ساتھ)
محمد خلیل الرحمٰن

ہمیشہ پیٹ بھر کھاتا ہوں میں ، ہر ایک دعوت میں
ہمیشہ ٹوٹ پڑتا ہوں

کسی شادی کی دعوت ہو، ولیمے کا وہ کھانا ہو
عشائیہ ہو ، ظہرانا ہو یا ویسے ہی جانا ہو
ہمیشہ پیٹ بھر کھاتا ہوں میں ، ہر ایک دعوت میں
ہمیشہ ٹوٹ پڑتا ہوں



کسی موٹے سے بھوکے کو کبھی نیچا دِکھانا ہو
کبھی اپنے کسی مہمان کو جی بھر ستانا ہو
ہمیشہ پیٹ بھر کھاتا ہوں میں ، ہر ایک دعوت میں
ہمیشہ ٹوٹ پڑتا ہوں

​

کبھی بیوی کے ساتھ، اپنے مجھے سسرال جانا ہو
وہاں مرغِ مسلم ہو، کوئی اچھا سا کھانا ہو
ہمیشہ پیٹ بھر کھاتا ہوں میں ، ہر ایک دعوت میں
ہمیشہ ٹوٹ پڑتا ہوں
​

 

[جیہ]

 

[الف عین]

بہت خوب،
عشائیہ ہو ، ظہرانا ہو یا ویسے ہی جانا ہو
یہ ذرا پٹری سے اتر گیا ہے، یوں کہا جائے تو کیسا رہے۔۔۔
کوئی ہو فاتحہ، ظہرانہ ہو، یا یوں ہی جانا ہو
اصلاح سخن میں نہ ہونے کے باوجود اپنی عادت سے مجبور!!

 

[محمداحمد]

بہت خوب

 

[عمر سیف]

بہت اچھے ۔۔