کیسا لگا؟

رشید حسرت

محفلین
دل کیسا لگا اور جگر کیسا لگا ھے
اے خاک بسر عشق سفر کیسا لگا ھے

دیکھا وہ ھُجوم اب کے تِرے شہر میں توبہ
ھے کیسا اِدھر اور اُدھر کیسا لگا ھے؟؟

اس شخص کا دامن بھی کہیں چُھوٹ نہ جائے
دن رات مجھے دوستو ڈر کیسا لگا ھے؟

اک عمر کے بعد اُس کے نگر سے جو گزر ھے
اس شہر کا اک ایک شجر کیسا لگا ھے؟

تُو نے تو ھوا رُخ کی طرح پھیر لیں نظریں
مانا کہ نہیں رنج، مگر کیسا لگا ھے؟

کیا نذر بجُز اشک کروں راہ میں تیری
بس پیش کیا دامنِ تر کیسا لگا ھے

مانا کہ رشیدؔ عشق نے برباد کیا ھے
افشا نہ کِیا راز ھُنر کیسا لگا ھے۔

رشید حسرتؔ۔
 
Top