کیا یہ قطعہ ہے؟ برائے اصلاح

[محمد بلال اعظم]

حد سے بڑھ جائیں دنیا کے غم جب​

زیست تجھ سے رجوع کرتی ہے​

وصل کی خوشبو میں نہا کر، رقص​

دل کی دھڑکن شروع کرتی ہے​

استادِ محترم الف عین صاحب
مزمل شیخ بسمل جی

 

[احمد بلال]

جی قطعہ ہے

 

[محمد بلال اعظم]

جی قطعہ ہے

تو پھر کچھ اصلاح بھی کر دیں۔

 

[محمد بلال اعظم]

تو پھر کچھ اصلاح بھی کر دیں۔

آپ ہنس کیوں رہے ہیں؟
ایک تو پتہ نہیں میں کنفیوژ بہت ہوتا ہوں آج کل۔

 

[مزمل شیخ بسمل]

زیست تجھ سے رجوع کرتی ہے؟
یہاں تجھ کا مطلب زیست کے ساتھ واضح نہیں ہے. شاعر جو بات شعر میں کہنا چاہ رہا ہے وہ ان الفاظ میں ٹھیک طور پر ادا نہیں ہوتی.
دنیا کے غم کی جگہ بھی اگر“ برداشت کی حد" ہوتا تو زیادہ بہتر ہوتا.

 

[محمد بلال اعظم]

زیست تجھ سے رجوع کرتی ہے؟
یہاں تجھ کا مطلب زیست کے ساتھ واضح نہیں ہے. شاعر جو بات شعر میں کہنا چاہ رہا ہے وہ ان الفاظ میں ٹھیک طور پر ادا نہیں ہوتی.
دنیا کے غم کی جگہ بھی اگر“ برداشت کی حد" ہوتا تو زیادہ بہتر ہوتا.

"برداشت کی حد"
تھوڑا تفصیل سے بتا دیجئے پلیز۔
میں ابھی تک بات نہیں سمجھا صحیح طرح۔
ایک مثال دے کے بتائیں۔

 

[محمد بلال اعظم]

مزمل شیخ بسمل بھائی، اب دیکھئے

جب بھی برداشت حد سے بڑھ جائے​

زیست تجھ سے رجوع کرتی ہے​

وصل کی خوشبو میں نہا کر، رقص​

دل کی دھڑکن شروع کرتی ہے​

 

[مزمل شیخ بسمل]

مزمل شیخ بسمل بھائی، اب دیکھئے

جب بھی برداشت حد سے بڑھ جائے​

زیست تجھ سے رجوع کرتی ہے​

وصل کی خوشبو میں نہا کر، رقص​

دل کی دھڑکن شروع کرتی ہے​

اب کچھ بہتر ہے۔
مگر یہ رقص ؟
وصل کی خوشبو میں نہا کہ بلالؔ
رقص دھڑکن شروع کرتی ہے

باقی حتمی رائے تو استاد جی ہی دینگے

 

[محمد بلال اعظم]

اب کچھ بہتر ہے۔
مگر یہ رقص ؟
وصل کی خوشبو میں نہا کہ بلالؔ
رقص دھڑکن شروع کرتی ہے

باقی حتمی رائے تو استاد جی ہی دینگے

ہاں یہ تو اور بھی بہتر ہے۔

جب بھی برداشت حد سے بڑھ جائے​

زیست تجھ سے رجوع کرتی ہے​

وصل کی خوشبو میں نہا کہ بلالؔ​

رقص دھڑکن شروع کرتی ہے​

باقی استادِ محترم کا انتظار کرتے ہیں۔​

 

[الف عین]

بسمل کی اصلاح باقی تو درست ہے۔ لیکن برداشت کی حد بڑھنے والی کی بات سمجھ میں نہیں آئی۔ غم ہی رہنے دو نا۔ مثلاً
جب بھی غم حد سے اپنی بڑھ جائیں
تیسرے مصرع میں ’کہ‘ ہے یا ’کے‘؟

 

[محمد بلال اعظم]

بسمل کی اصلاح باقی تو درست ہے۔ لیکن برداشت کی حد بڑھنے والی کی بات سمجھ میں نہیں آئی۔ غم ہی رہنے دو نا۔ مثلاً
جب بھی غم حد سے اپنی بڑھ جائیں
تیسرے مصرع میں ’کہ‘ ہے یا ’کے‘؟

حد سے بڑھ جائیں دنیا کے غم جب​

زیست تجھ سے رجوع کرتی ہے​

وصل کی خوشبو میں نہا کے بلالؔ​

رقص دھڑکن شروع کرتی ہے​

​

میرے خیال میں ایسا ہو گا۔​