کوئی مینوں دسے دا

[نور وجدان]

کوئی مینوں دسے دا
کیہو جئیا رولا اے
نعرے نیں جنون دے
دنگے نیں فساد نیں
خورے کئہے جہاد نیں
نکی جئی گل ہوئے
گل پے جاندے نیں
ماڑی جئی کہنی لگے
رولے پے جاندے نیں
نبی نال پیار دے
دعوے کرن آلے وی
سنتاں حدیثاں دے
جنازے کڈھی جاندے نیں
خورے کئیا پیار اے
سچ سنن دیندا نئیں
عاشق رسول نوں
اکھا ں کھولن دیندا نئیں
اینھے ایتھے بندے نئیں
جنھیاں مسیتاں نیں
وکھو وکھ ذاتاں نیں
وکھریاں ریتاں نیں
ہر کوئی راکھا اے
دوجیاں دے عملاں دا
مذہباں دی اگ وچ
بندے سڑی جاندے نیں
خورے کئی اگ اے
بجھن ول آؤندی نئیں
خورے کون لوک نیں
خورے کئے پیار نیں
کوئی مینوں دسے دا
کِناں دی ایہہ گل اے
کِناں دے وچار نیں ؟

فاطمہ وڑائچ