کرامت علی شہیدی : عمربھر عشق کے آزار نے سونے نہ دیا

[ابو المیزاب اویس]

عمر بھر عشق کے آزار نے سونے نہ دیا​

ہائے ہائے دلِ بیمار نے سونے نہ دیا​

​

نالہ کش ایک رہا ایک کراہتا صبح​

جان ریش و دلِ افگار نے سونے نہ دیا​

​

خواب میں شکل دکھاتا وہ مقرر مجھ کو​

شوق کے طالع بیدار نے سونے نہ دیا​

​

عیش کی شب بھی مِرے بخت کو آجاتی نیند​

اُسکی پازیب کی جھنکار نے سونے نہ دیا​

​

میرے مرقد پہ کہا کِس نے قیامت ہے قریب​

یاد آکر تِری رفتار نے سونے نہ دیا​

​

رت جگے ہوتے رہے ہیں کہ بڑھے غم کی عمر​

ایک شب دردِ دلِ زار نے سونے نہ دیا​

​

میں نے سونے نہ دیا شام سے اُس کوشبِ وصل​

صبح تک ضد سے مجھے یار نے سونے نہ دیا​

​

نیشِ غم نے رگِ مژگاں سے نکالا یہ لہو​

مجھ کو راتوں مِرے غمخوار نے سونے نہ دیا​

​

میکشو سرخ ہیں آنکھیں جو تمھاری شاید​

شب تمھیں ساقیِ سرشارنے سونے نہ دیا​

​

خوف تھا اُس کو شہیؔدی تِری بد مستی کا​

شب جو ہم بِرہوں کو عیّار نے سونے نہ دیا​