درد کاش تاشمع نہ ہوتا گزرِ پروانہ - خواجہ میر درد

[کاشفی]

غزل​

(خواجہ میر درد)​

​

کاش تاشمع نہ ہوتا گزرِ پروانہ​

تم نے کیا قہر کیا، بال و پر پروانہ​

​

شمع کے صدقے تو ہوتے ابھی دیکھا تھا اُسے​

پھر جو دیکھا تو نہ پایا اثرِ پروانہ​

​

کیوں اُسے آتشِ سوزاں میں لیے جاتی ہے​

سوجھتا بھی ہے تجھے کچھ نظرِ پروانہ​

​

ایک ہی جست میں لی منزلِ مقصود اُس نے​

راہرو، رشک کی جا ہے سفر پروانہ​

​

شمع تو جل بجھی اور صبح نمودار ہوئی​

پوچھوں اے درد میں کس سے خبرِ پروانہ​

 

[محمد وارث]

بہت شکریہ کاشفی صاحب خوبصورت غزل پوسٹ کرنے کیلیے۔