پین ڈرائیو - احمد علوی

[شمشاد خان]

غصے میں بیوی یہ بولی شوہر سے
تم نے تو بس ظلم مجھی پر ڈھائے ہیں

میں ہی تم کو پھوٹی آنکھ نہیں بھاتی
تم نے سب سے پیار کے پیچ لڑائے ہیں

شوہر بولا بات اگر یہ سچی ہے
پھر یہ بچے کس کے گھر سے آئے ہیں

بنٹی ببلی سونو مونو کیا تم نے
انٹرنیٹ سے ڈاؤن لوڈ کرائے ہیں

اتنا بھی معلوم نہیں ہے کیا تم کو
پھول یہ کس کی کوشش نے مہکائے ہیں

انٹرنیٹ کا سرور کب سے ڈاؤن ہے
سارے بچے پین‌ ڈرائیو سے آئے ہیں
(احمد علوی)