پیرانِ پیر کے معنی پیروں کا پیر یا ایک پیر کے کئی پیر؟
- صاحب لڑی فاتح
- تاریخ ابتداء
-
- ٹیگ
- پیر پیران پیران پیر پیرانِ پیر
خالد محمود چوہدری
محفلین
بہت شکریہ جناب مُررررررررررررررررررررررررررررررشَدّدددددددددددددددددددددددددددد
بہت دعائیں
یاسر شاہ
محفلین
محترم فاتح صاحب ! مگر اس کا کیا کریں کہ نور اللغات میں تو پیرانِ پیر درج ہےنون مکسورکے ساتھ اور بقول آپ کے اس میں غلط العوام کا اندراج نہیں کیا جاتا-
http://archive.org/stream/nrullught02nayy#page/n154/mode/1up
اور پھر فرہنگ آصفیہ جیسی مستند ترین لغت میں یہ اضافتِ مقلوب کیوں نہیں ؟
https://archive.org/stream/FarhangAsifiya/00511_Farhang_Asifiya_1#page/n591/mode/2up
اس اضافتِ مقلوبی کی رواجی حیثیت کیا ہے برعکس دیگر مرکباتِ اضافی مقلوبی کے کہ زبان زدِ عام ہیں'خواہ زبانِ قلم ہو یا زبانِ دہن مَثَلاً
خدائے ناؤ سے ناخدا
آبِ شر سے شراب
آبِ خر سے خراب
جبکہ اسے جہاں پڑھا اور سنا پیرانِ پیر ہی پایا-
یاسر
آخری تدوین:
فاتح
لائبریرین
نور اللغات کا حوالہ میں اوپر درج کر چکا ہوں اور ساتھ ہی فیروز اللغات کا بھی۔ اغلاط سے پاک تو کچھ بھی نہیں۔
فرہنگ و لغات میں غلط العوام درج نہ کیے جانے سے مراد یہ تھی کہ جیسے غلط العام کو فصیح قرار دے کر اسے باقاعدہ ایک درست لفظ یا اصطلاح کے طور پر لغات و فرہنگ میں شال کر لیا جاتاہے اس کے برعکس طرح غلط العوام کو
شامل نہیں کیا جاتا۔ ہاں! بطور کتابت کی یا مولف کی فہم کی غلطی کے باعث اگر شامل ہو جائے تو الگ بات ہے۔
ہر لغت میں ہر لفظ شامل نہیں ہوتا۔ کئی الفاظ شامل ہونے سے بچ جاتے ہیں۔ خواہ وہ نور اللغات ہو یا فرہنگ آصفیہ یا فیروز اللغات، سب میں ہی کچھ نہ کچھ رہ جاتا ہے۔ لہٰذا یہ سوال کہ فرہنگ آصفیہ میں یہ ترکیب کیوں شامل نہیں، اس بات پر ہر گز دلیل نہیں کہ اس کا استعمال غلط ہے۔
ہمارے محمد امین بھائی کی محبت سے آج کل مشتاق یوسفی کی شامِ شعرِ یاراں ہمارے سرہانے دھری ہے سو اسی کو کھول کر اس کے شروع کے پانچ سات صفحات پر نظر مارنے سے چند الفاظ سامنے آئے جو آپ کی خدمت میں اس غرض سے پیش کر رہا ہوں کہ آپ انھیں فرہنگ آصفیہ، نور اللغات، فیروز اللغات، وغیرہ میں تلاش کرنے کی کوشش کیجیے اور پھر یہی سوال خود سے (یا مشتاق یوسفی صاحب سے کہ وہ بھی آپ کے کراچی میں ہی سکونت پذیر ہیں) پوچھیے گا کہ "فلاں فلاں فرہنگ و لغت جیسی مستند ترین لغات میں یہ لفظ کیوں نہیں؟"
زیٹیا
نسینی
نپوتا
انگول
بوک بکرا
کنمناہٹ
رسمساہٹ
تفلسف
ارے قبلہ، ناخدا کی حد تک تو سوچا جا سکتا ہے کہ یہ اضافتِ مقلوبی ہو لیکن شراب اور خراب کے متعلق تو سوچنا بھی حرام ہے
آب فارسی کا لفظ ہے جبکہ شراب اور خراب براہ راست عربی مادوں شَرَبَ اور خَرَبَ سے خالصتاً عربی نحو کے قاعدے سے بنے ہیں۔ یہ شر اور آب اور خر اور آب کے مرکبات نہیں ہیں۔
میرا بھی یہی حال تھا اب سے پہلے۔۔۔ آیندہ آپ جب کہیں سنیں تو پڑھنے یا بولنے والے کی اصلاح کر دیجیے گا۔
آخری تدوین:
یاسر شاہ
محفلین
ارے قبلہ، ناخدا کی حد تک تو سوچا جا سکتا ہے کہ یہ اضافتِ مقلوبی ہو لیکن شراب اور خراب کے متعلق تو سوچنا بھی حرام ہے
آب فارسی کا لفظ ہے جبکہ شراب اور خراب براہ راست عربی مادوں شَرَبَ اور خَرَبَ سے خالصتاً عربی نحو کے قاعدے سے بنے ہیں۔ یہ شر اور آب اور خر اور آب کے مرکبات نہیں ہیں۔
ہنسنے کا ایک اور محل پیش خدمت :
آبِ برف سے برفاب
آبِ پیش سے پیشاب
آبِ تیز سے تیزاب
اب اجازت دیجیے تو میں بھی ہنس لوں :
شرب یشرب سے شراب
خرب یخرب سے خراب
ضرب یضرب سے ضراب
فعل یفعل سے فعلاب
معذرت خواہ ہوں 'جانتا ہوں زبانوں میں قیاس ہر جگہ نہیں چلتا-مگر تعلیمات کا نتیجہ محض مفروضوں پر قایم نہیں کیا جا سکتا -میں بھی تحقیق کرتا ہوں آپ بھی تحقیق کریں :پیران پیر 'شراب 'خراب کے ضمن میں-اگر آپ نے کوئی سند فراہم کر دی تو میرا اپنا شعرہے :
تاویل پہ تاویل کیے جاتے ہو بیکار
احساس ندامت بھی کوئی چیز ہے پیارے !
یاسر
خالد محمود چوہدری
محفلین
اردو کے علماء کے درمیان بیٹھ کر مفت میں ہم بھی کچھ علم کی خوشبو سے استفادہ کر رہے ہیں
علماءِ کرام شکریہ قبول فرمائیں۔
علماءِ کرام شکریہ قبول فرمائیں۔
فاتح
لائبریرین
میں اردو کا عالم ہر گز نہیں ہوں۔۔۔ میں نے تو اردو کی کوئی کتاب بطور نصاب آخری مرتبہ بارھویں جماعت میں پڑھی تھی اور وہ تھی۔
فاتح
لائبریرین
مندرجہ بالا تراکیب فارسی ہیں لہٰذا ان میں اضافتِ مقلوب دیکھنا ممکن ہے
مندرجہ بالا عربی مادے ہیں۔۔۔ ان میں شرب، خرب، ضرب اور فعل ثلاثی مجرد ہیں۔۔۔شرب یشرب سے شراب
خرب یخرب سے خراب
ضرب یضرب سے ضراب
فعل یفعل سے فعلاب
اور ان سے شراب، خراب، ضراب اور فعال بن سکتے ہیں۔
فعلاب غلط ہے
محب علوی
مدیر
"فعلثلاثی مجرد" اس ظالم پر دو تین لیکچر میں نے بھی جھیلے تھے 13،14 سال قبل۔
فاتح
لائبریرین
عظیم اللہ قریشی
محفلین
فاتح
لائبریرین
کاش وہ "نصاب" کی کتابوں میں شامل ہوتیکونسی تھی ؟؟؟
یادوں کی بارات