پٹھان

[Wasiq Khan]

مانتا ہوں یارو کہ میں کراچی کا نہیں ہوں
پٹھان ہوں سادہ سا مگر کسی پارٹی کا نہیں ہوں
مانا کہ میرے روپ میں بھی کوئی فساد کر رہا ہے
اس شہرِکراچی کا امن برباد کر رہا ہے
میں تو اس شہر میں اپنے رزق کا دانہ چننے نکلا تھا
نہ دہشت گردی کرنے نہ ہی نشانہ بننے نکلا تھا
تمہیں بتائوں میں اس شہر سے جائوں تو کہاں جائوں
دھماکوں سیلابوں کی نظر ہے میرا گائوں
تمہارا ہر لطیفہ میرے نام سے جڑرہا ہے
تمہارے قصوں میں میرا مذاق اڑ رھا ہے
جا کے دیکھو کس طرح سے اک گھر بکھرتا ہے
جب جہازوں سے گھروں پہ بم گرتا ہے
میرے چہرے پر داڑھی ہےمیری رنگت گوری ہے
کوئی پٹھان ہونا کوئی جرم ہے کیا
پٹھان ھونا چوری ہے؟
میں مسجد میں فجر کی نماز پڑھتا ہوں
اللہ کے نام سے دن کا آغاز کرتا ہوں
دن بھر مزدوری کر کے دھوپ میں جلتا ہوں
روٹی سے پیاز کھا کربھی ناز کرتا ھوں۔

"میں پٹھان ہوں لیکن میں دہشت گرد نہیں ہوں"

 

[انتہا]

یہ مزاحیہ تو نہیں،

 

[شمشاد]

خان صاحب یہ تو سنجیدہ کلام ہے۔ اس کو یہاں کیوں پوسٹ کیا؟

خان صاحب کے دل کی آواز سے متفق۔

 

[یوسف-2]

زبردست اور بہترین۔
میں اس بات کا سخت مخالف ہوں کہ پٹھان کے نام سے لطیفے گھڑے اور پھیلائے جائیں۔ میرے پاس جب بھی کوئی ایسا لطیفہ آتا ہے تو میں بھیجنے والے کے منہ پر واپس دے مارتا ہوں۔ پٹھانوں کو بدنام کرنے کے اس رویہ سے ہم سب کو باز آجانا چاہئے اور ایسے تمام لطیفوں کی حوصلہ شکنی کرنی چاہئے۔