لقمان پنجابی
محفلین
اک وار فیر پاکستان دی آن آلی نسل دی صحت تے تندرستی دے راکھیاں تے اوناں دی حفاظت دے ذمہ وار پولیس آلیاں تے جان لیوا حملہ۔ پولیس آلے، جیڑے پولیو بچا تحریک دے کارکناں دی حفاظت لئی جارہے سن، دی گڈی دے کول ہوون آلے دھماکے چ ست لوکی مارے گئے تے نو دے پھٹر ہوون دی خبر لبی اے۔ اے واقعہ خیبر پختونخواہ دے ضلع چارسدہ چ پیش آیا۔
اک ہور واقعہ جیڑا کراچی چ پیش آیا اودے چ اک بندوقچی حملہ آور نے تین صحت تندرستی دے راکھے جیڑے پولیو دوائی دے قطرے پلاون دی تحریک چ شامل سن مارے سٹے۔
افسوس دی گل اے وے کے دہشت گرداں دے پولیو بچا کارکناں تے بے باک حملیاں کارن کئی بالاں تائیں دوائی نہی پہنچ رہی۔ اسی بڑی سختی نال پولیو کارکناں دے خلاف جاری قاتلانہ کاروائیاں، شدت پسندی، تے سیاسی مفاد دے حصول لئی دہشت گردی دی مذمت کردے آں۔