پنجاب رنگ

[محمد وارث]

ماشاء اللہ
ہماری طرف تو تھلے اور ہیٹھ کا معانی اپنے آپ میں نیچے ہے ۔ لیکن پکانے کی ترکیب میں تھلے سے مراد ہنڈیا کے نیچے بھی لیا جاتا ہے اور ہنڈیا کے پیندے سے بھی لیا جاتا ہے چاہے وہ اندرونی طرف ہو جیسے سالن یا چاول تلے سے لگ کر جل جاتا ہے اسے (تھلے لگ گیا) اور ہنڈیا کے نیچے آگ بڑھانے کو (ہانڈی تھلے اگ ودھاؤ) یا ہنڈیا کے پیندے کی سیاہی کو (ہانڈیاں ساریاں دے تھلے کالے) جیسی مثالوں سے واضح کیا جا سکتا ہے۔
البتہ بھنجے کا مطلب زمین پر لیا جاتا ہے۔

باقی ہر دس کوس پر زبان کے اصول و مبادی میں تفاوت کی بناء پر اسے مختلف طرح سے بیان کیا جا سکتا ہے

جی "تھلے" کثیر المعانی لفظ ہے اور ان تمام مطالب میں مستعمل ہے جو آپ نے لکھے۔ "تھلا" پیندے کو بھی کہا جاتا ہے۔ اس کے علاوہ کسی شخص کی تابع داری کرنے کو بھی تھلے لگنا کہا جاتا ہے، کسی چیز کے نیچے آ جانے کو بھی تھلے آنا کہتے ہیں۔ کسی اونچی جگہ یا چھت سے نیچے اترنے کو بھی تھلے آناکہا جاتا ہے۔جب کہ ہیٹھ زیادہ تر صرف نیچے کے معنوں میں ہی استعمال ہوتا ہے۔ بھنجے کا بھی آپ نے درست فرمایا کہ اس کا صحیح معنی نیچےنہیں بلکہ زمین پر ہے۔

 

[ابو ہاشم]

ہمارے ہاں تھلے کے بجائے تلے بولا جاتا ہے

 

[سید عاطف علی]

ہمارے ہاں تھلے کے بجائے تلے بولا جاتا ہے

اور آپ کا ہاں کہاں واقع ہے ؟

 

[ابو ہاشم]

ضلع خوشاب ، سرگودھا ڈویژن

 

[جاسمن]

 

[جاسمن]

 

[عبدالقیوم چوہدری]

 

[جاسمن]

 

[جاسمن]

 

[الف نظامی]

گویا ٹھیٹھ سندھی اور ٹھیٹھ پنجابی کچھ زیادہ قریب ہو جاتی ہیں ۔ ویسے یہ فطری سی بات لگتی ہے۔البتہ ہم نے پنجابی میں تھلے کثرت سے سنا ۔ حتی کہ ہمیں تھلے لگنا کے لطیف معانی کا ادراک بھی ہو گیا۔

تیرہ چودہ سال گذرے میں سابق وائس چانسلر این ای ڈی انجنیئرنگ یونیورسٹی اور سابق سپیکر قومی اسمبلی الٰہی بخش سومرو صاحب کے ساتھ بیٹھا تھا کہ کسی کا ٹیلیفون آيا اور وہ بات کرنے لگ گئے ۔ ایک بات اُنہوں نے ایسی کہی کہ میں مسکرائے بغیر نہ رہ سکا ۔ ٹیلیفون بند کرنے کے بعد سومرو صاحب بولے “آپ تو کہتے تھے کہ سندھی نہیں آتی ۔ میں سندھی میں بات کر رہا تھا اور آپ بالکل درست ہنسے”۔ میں نے کہا “آپ 70 فیصد پُرانی پنجابی بول رہے تھے”۔ سومرو صاحب تو حیران ہوئے ہی مجھ پر بھُوت سوار ہو گیا کہ پنجابی اور سندھی کا رشتہ معلوم کروں جس کیلئے ان کا ماخذ معلوم کرنا ضروری تھا

 

[سید عاطف علی]

تیرہ چودہ سال گذرے میں سابق وائس چانسلر این ای ڈی انجنیئرنگ یونیورسٹی اور سابق سپیکر قومی اسمبلی الٰہی بخش سومرو صاحب کے ساتھ بیٹھا تھا کہ کسی کا ٹیلیفون آيا اور وہ بات کرنے لگ گئے ۔ ایک بات اُنہوں نے ایسی کہی کہ میں مسکرائے بغیر نہ رہ سکا ۔ ٹیلیفون بند کرنے کے بعد سومرو صاحب بولے “آپ تو کہتے تھے کہ سندھی نہیں آتی ۔ میں سندھی میں بات کر رہا تھا اور آپ بالکل درست ہنسے”۔ میں نے کہا “آپ 70 فیصد پُرانی پنجابی بول رہے تھے”۔ سومرو صاحب تو حیران ہوئے ہی مجھ پر بھُوت سوار ہو گیا کہ پنجابی اور سندھی کا رشتہ معلوم کروں جس کیلئے ان کا ماخذ معلوم کرنا ضروری تھا

آر ٹیکل تو دلچسپ ہے لیکن کچھ باتیں اتنی پر تکلف لگ رہی ہیں کہ طبیعت مانتی نہیں، بعید از قیاس لگتی ہیں ۔
مثلا ایک پنجابی شعر کو اردو شعر لکھا گیا ہے وہ بھی انیسویں صدی کی اردو کا۔1829کالکھا ہوا۔جب کہ اٹھارویں صدی کی اردو ہی بہت صاف اور جدید اردو اسلوب سے کافی قریب تھی۔
اورکوئی تو بالکل ہی غلط ہیں۔ مثلایہ کہ طالب کی جمع طلباء ہے، طلبہ نہیں۔
یہاں مصنف صاحب نے طالب کی جمع کو علماء ،فضلاء، صلحاء وغیرہ کی طرح سمجھ لیا۔ جب کہ حقیقت میں طالب کی عربی جموع طلاب اور طلبہ ہیں اور ان دونوں میں بھی طلبہ کے وزن کو فصیح تر سمجھا جاتا ہے ، اسی طرح میں اردو میں بھی طلبہ استعمال ہوتی ہے۔
طلباء توسرے سے جمع ہے ہی نہیں،نہ اردو نہ عربی۔