پنجابی "بال شاعری" کتاب "بات بتولی"شاعرہ:منزّہ شاہد

[یوسف سلطان]

بات پاواں بتولی پاواں
بات سُنو جناب
ٹائیٹل نے کِیہ دَسنا مِترو
پُوری پڑھو کتاب

بتولی:بجھارت (پہیلی)​

 

[یوسف سلطان]

بات پاواں بتولی پاواں
بات نہ کھاوے مات
سارے نِیویں اُس تِھیں بالو
اُچی رب دی ذات

نِیویں:ہیٹھ ،تھلے ،رب کی ذات کے ماتحت ​

 

[یوسف سلطان]

بات پاواں بتولی پاواں
بات بڑی مقبول
نصف ایمان صفائی ہے جی
آکھیا پاک رسول(صلی اللہ علیہ وسلم)
​

 

[یوسف سلطان]

بات پاواں بتولی پاواں
بات نے لِتی چادر
غُصّے نُوں جو پی جاندا اے
اوہ اے بڑا بہادر​

 

[یوسف سلطان]

بات پاواں بتولی پاواں
بات کھلارے چھاں
صبح سویرے اُٹھ کے جَپئیے
رب سوہنے دا ناں
​

 

[یوسف سلطان]

بات پاواں بتولی پاواں
بات نُوں لے گئے مور
اوہ چاہوے تے قُطب بنا دئے
پھڑ کے کوئی چور

قُطب :خاص علاقے کے روحانی انتظام کے لیے ،ولی ​

 

[یوسف سلطان]

بات پاواں بتولی پاواں
بات نے لِتے پھیرے
علم دا دیوا بال کے چانن
کر دیو چار چوفیرے

چانن: روشنی
چوفیرے:اردگرد ​

 

[یوسف سلطان]

بات پاواں بتولی پاواں
بات کراں میں سادہ
اوہو اول آوندے نیں
جو کر دے محنت زیادہ

​

 

[یوسف سلطان]

بات پاواں بتولی پاواں
بات کرائے میل
نیندر پیاری کر دے نیں جو
ہو جاندے نیں فیل​

 

[یوسف سلطان]

بات پاواں بتولی پاواں
بات نوں کِیتی ہاں
پڑھو لِکھو تے روشن کر دو
دیس اپنے دا ناں​

 

[یوسف سلطان]

بات پاواں بتولی پاواں
بات جا اپڑی شام
نبی ولی وی جُھک کے کر دے
ماں دے نال کلام

ماں باپ کا ادب کرو​

 

[یوسف سلطان]

بات پاواں بتولی پاواں
بات نہ دَسے ناں
اوہو بولی چنگی بالو
جیہڑی بولےماں​

 

[یوسف سلطان]

بات پاواں بتولی پاواں
بات گئی اے کُھل
ماں بولی اے گہنا ساڈا
ایہہ گہنا اَنمُل

گہنا:زیور
اَنمُل:جس دی قیمت نہ لگائی جا سکے​

 

[یوسف سلطان]

بات پاواں بتولی پاواں
بات اے بڑی نواب
سارے دیساں نالوں چنگا
ساڈا سوہنا دیس پنجاب​

 

[یوسف سلطان]

بات پاواں بتولی پاواں
بات نُوں لے گئی سپنی
رب وی مدد اوہنا دی کردا
مدد کَرن جو اپنی​

 

[یوسف سلطان]

بات پاواں بتولی پاواں
بات نُوں لے گئے غیر
کوشیش پار لنگھا دیندی اے
چھڈئیے نہ ہتھ پیر​

 

[یوسف سلطان]

بات پاواں بتولی پاواں
بات ہے بڑی عجب
کل کرو سو آج کرو
آج کرو سو اب​

 

[یوسف سلطان]

بات پاواں بتولی پاواں
بات سنو بھئی یارو
ڈِگ ڈِگ کے سوار ہوئی دا
ہِمت کدی نہ ہارو​

 

[یوسف سلطان]

بات پاواں بتولی پاواں
بات نے پائی چھاپ
خدمت کرکے ماپیاں دی
بخشا لئو اپنا آپ​

 

[یوسف سلطان]

بات پاواں بتولی پاواں
بات نُوں لےگئے بال
ادب کرو سب وَڈیاں دا
کرو شفقت نِکیاں نال

وَڈیاں دا: بڑوں کا
نِکیاں نال:چھوٹوں کے ساتھ​