عاطف بٹ
محفلین
پر مینوں دلوں نئیں بھلایا اوس کُڑی نیں
وسیا رہندا سی میرا ساہ جیہدی ساہواں تے
لکھیا رہندا سی میرا ناں جیہدی بانہواں تے
ہولی ہولی بانہواں توں مٹایا اوس کُڑی نیں
پر مینوں دلوں نئیں بُھلایا اوس کُڑی نیں
مینوں اوہدے ہتھاں دی کتاب اک ملی اے
اوہدے نال اجے تک سانجھ میری دلی اے
پہلا پہلا گیت سی لکھایا اوس کُڑی نیں
پر مینوں دلوں نئیں بُھلایا اوس کُڑی نیں
گیتاں میریاں دے نال دل پھولے ہوئے نیں
کاغذاں تے ٹوسے ٹوسے ہنجو ڈولے ہوئے نیں
آپ روئی مینوں وی روایا اوس کُڑی نیں
پر مینوں دلوں نئیں بُھلایا اوس کُڑی نیں
چل سُرگول اوہدا ناں دس دینے آں
جتھے اوہ ملی سی کھنے تھاں دس دینے آں
دویندر نوں شاعر بنایا اوس کُڑی نیں
پر مینوں دلوں نئیں بُھلایا اوس کُڑی نیں