پریشاں خاطری میں لب پہ کیوں آئے دعا میری - نذیر - ڈیرہ اسمٰعیل خاں ، 1910ء

[کاشفی]

غزل​

(نذیر - ڈیرہ اسمٰعیل خاں ، 1910ء)​

​

پریشاں خاطری میں لب پہ کیوں آئے دعا میری​

نہ رسوائے جہانِ آرزو ہوگی وفا میری​

​

مجھے عہدِ گذشتہ کی وفائیں یاد آتی ہیں​

میری اس انتہا سے خوب تھی وہ ابتدا میری​

​

میری فطرت کا مقصد ہے تغیّر آشنا رہنا​

نہ غم ہی مستقل میرا، نہ راحت دیرپا میری​

​

مقدر میں نہیں ہے کامرانِ آرزو ہونا​

سزاوارِ اجابت ہو نہیں سکتی دُعا میری​

​

نذیر عہدِ جنوں کی شوخیاں سب یاد ہیں اب تک​

طبیعت تھی قیامت کی سکوں ناآشنا میری​

 

[محمد وارث]

شکریہ کاشفی صاحب شیئر کرنے کیلیے۔

 

[محمداحمد]

بہت خوب!

شکریہ کاشفی بھائی۔