1. اردو محفل سالگرہ شانزدہم

    اردو محفل کی سولہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

پاکستان کے تیار کردہ وینٹی لیٹرز کارآمد نہیں، شبلی فراز

جاسم محمد نے 'سائنس اور ٹیکنالوجی' کی ذیل میں اس موضوع کا آغاز کیا، ‏اپریل 26, 2021

  1. جاسم محمد

    جاسم محمد محفلین

    مراسلے:
    30,987
    پاکستان کے تیار کردہ وینٹی لیٹرز کارآمد نہیں، شبلی فراز
    اسٹاف رپورٹر
    پير 26 اپريل 2021[​IMG]
    ہمارے پاس کورونا ایمرجنسی کے لیے آکسیجن اور ضروری اسٹاک بھی موجود نہیں، وزیر سائنس اینڈ ٹیکنالوجی

    اسلام آباد: وزیر سائنس اینڈ ٹیکنالوجی شبلی فراز کا کہنا ہے پاکستان کے تیار کردہ وینٹی لیٹرز کارآمد نہیں جو 16 میں سے صرف 4 فنکنشز پر پورا اترتے ہیں، ہمارے پاس کورونا ایمرجنسی کے لیے آکسیجن اور ضروری اسٹاک موجود نہیں، اسٹیل ملز کے آکسیجن پلانٹ ہنگامی طور پر فعال کرنے میں بھی مسائل ہیں۔

    اسلام آباد میں نسٹ یونیورسٹی کے دورے کے بعد میڈیا سے گفتگو کرتے ہوئے شبلی فراز نے کہا ہمارے پاس کورونا ایمرجنسی کے لیے آکسیجن اور ضروری اسٹاک موجود نہیں ہے، این آر ٹی سی اور پرائیویٹ فرمز وینٹی لیٹرز بنا رہی ہیں لیکن ہمارے وینٹی لیٹرز 16 میں سے صرف 4 فنکشنز پر پورا اترتے ہیں۔

    ان کا کہنا تھا کہ وزیر صنعت و پیداوار سے اسٹیل ملز کے پلانٹ سے متعلق بات ہوئی ہے، اسٹیل ملز سے آکسیجن ہنگامی طور پر فعال کرنے میں وقت لگے گا، اگر ایسا ہوجائے تو اچھی بات ہے لیکن لگتا ہے کہ اس میں مسائل ہیں۔

    شبلی فراز نے کہا کہ کورونا سے نبرد آزما ہونے کے لیے ہم سے جو بھی بھارت کے لیے ہوسکا ضرور کریں گے، یہ انسانیت کا مسئلہ ہے، بھارت کے ساتھ پوری ہمدردیاں ہیں۔

    انہوں نے مزید کہا کہ حکومت کا کام نوکریاں دینا نہیں بلکہ بزنس کے لیے ماحول اور مواقع فراہم کرنا ہوتا ہے، ہمیں لوکل وسائل کا استعمال کرتے ہوئے ملک کو آگے لے کر جانا ہے۔
     
  2. الف نظامی

    الف نظامی لائبریرین

    مراسلے:
    17,551
    جھنڈا:
    Pakistan
    موڈ:
    Amused
    وزیر سائنس اینڈ ٹیکنالوجی کو معلوم ہوگا کہ:
    مسائل کو حل کرنا حکومت کی ذمہ داری ہوتی ہے۔

    ان کے بیان سے ظاہر ہوتا ہے کہ یہ حکومت بیوروکریسی کے ہاتھوں میں کھیل رہی ہے۔
    ایڈمنسٹریٹر اور لیڈر دونوں کا کام مسائل کو حل کرنا ہوتا ہے
    صرف یہ کہہ دینا کہ "مسائل ہیں" سے بات نہیں بنتی بلکہ آپ کی صلاحیتوں کا امتحان یہ ہے کہ مسائل کو حل کیسے کرنا ہے۔
    ایک آکسیجن پلانٹ فعال کرنے میں ہی آپ ناکام ہو گئے ہیں تو منسٹری کیسے چلائیں گے؟ سابقہ حکومت سے مدد مانگ لیں پھر۔
     
    • پر مزاح پر مزاح × 1
  3. جاسم محمد

    جاسم محمد محفلین

    مراسلے:
    30,987
    بیروکریسی ریاستی مشینری کا نام ہے۔ جب یہ ہی کئی دہایوں سے گل سڑ چکی ہے تو اس پر بیٹھی حکومت کتنا سفر طے کر لے گی؟
     
  4. جاسم محمد

    جاسم محمد محفلین

    مراسلے:
    30,987
    آکسیجن پلانٹ اسٹیل مل میں لگا ہوا ہے جو اس حکومت سے بھی پہلے کئی سالوں سے بند ہو چکی ہے۔ اور اس کے ملازمین گھر بیٹھے سرکاری خزانے سے تنخواہیں کھا رہے ہیں۔ کئی سالوں سے بند پلانٹ کو چلانا کتنا آسان ہے وہ آپ مجھ سے بہتر جانتے ہیں۔
     
  5. الف نظامی

    الف نظامی لائبریرین

    مراسلے:
    17,551
    جھنڈا:
    Pakistan
    موڈ:
    Amused
    کام نہ کرنا ہو تو ہزار بہانے اور جواز ہیں۔
     
    • دوستانہ دوستانہ × 1
  6. جاسم محمد

    جاسم محمد محفلین

    مراسلے:
    30,987
    سابقہ حکومت نے مایوسی کے سوا عوام کو کچھ بھی نہیں دینا۔ اس میں دم خم ہوتا تو آج اس کا لیڈر جعلی بیماری کے نام پر لندن نہ بیٹھا ہوتا۔
     

اس صفحے کی تشہیر