پاکستان کو 29 سال بعد آئی سی سی کے میگا ایونٹ کی میزبانی مل گئی

[جاسم محمد]

پاکستان کو 29 سال بعد آئی سی سی کے میگا ایونٹ کی میزبانی مل گئی​

اسپورٹس رپورٹر ایک گھنٹہ پہلے

1996 کا ورلڈ کپ پاکستان ، بھارت اور سری لنکا کی مشترکہ میزبانی میں ہوا تھا، فوٹو: فائل

​

دبئی: انٹر نیشنل کرکٹ کونسل نے 2024 سے ہونے والے 8 میگا ایونٹس کی میزبانی کرنے والے ملکوں کا اعلان کردیا۔
آئی سی سی کے اعلان کے مطابق 2024 ٹی 20 ورلڈ کپ کی میزبانی ویسٹ انڈیز اور امریکا کو تفویض کی گئی ہے۔ 2025 میں ہونے والی آئی سی سی چیمپیئنز ٹرافی کی میزبانی پاکستان کرے گا، اس طرح پاکستان 1996 کے بعد آئی سی سی کے کسی میگا ایونٹ کی میزبانی کے فرائض سرانجام دے گا۔
اعلان کے مطابق 2026 ٹی 20 ورلڈ کپ کی میزبانی بھارت اور سری لنکا کے سپرد کی گئی ہے۔ 2027 میں ہونے والے ون ڈے فارمیٹ کے ورلڈ کپ کی میزبانی جنوبی افریقا ، زمبابوے اور نمیبیا کریں گے۔ 2028 کے ٹی 20 ورلڈ کپ کی میزبانی آسٹریلیا اور نیوزی لینڈ کریں گے، بھارت 2029 میں ہونے والی آئی سی سی چیمپئنز ترافی کی میزبانی کرے گا۔ 2030 میں ہونے والا ٹی 20 ورلڈ کپ انگلینڈ، اسکاٹ لینڈ اور آئرلینڈ کی میزبانی میں ہوگا۔ 2031 کے ون ڈے ورلڈ کپ کی میزبانی بھارت اور بنگلا دیش کے نام ہوئی ہے۔
واضح رہے کہ 1996 کا ورلڈ کپ پاکستان ، بھارت اور سری لنکا کی مشترکہ میزبانی میں ہوا تھا، ایونٹ کا فائنل قذافی اسٹیڈیم لاہور میں ہوا تھا۔

 

[جاسم محمد]

 

[محمد عبدالرؤوف]

2025 میں ہونے والی آئی سی سی چیمپیئنز ٹرافی کی میزبانی پاکستان کرے گا

پہلے تو گزشتہ چیمپیئنز ٹرافی کو اس ٹورنامنٹ کا آخری مقابلہ کہا جا رہا تھا کہ اس کے بعد کبھی یہ ٹورنامنٹ نہیں ہو گا

 

[عبداللہ محمد]

پہلے تو گزشتہ چیمپیئنز ٹرافی کو اس ٹورنامنٹ کا آخری مقابلہ کہا جا رہا تھا کہ اس کے بعد کبھی یہ ٹورنامنٹ نہیں ہو گا

جی درست کہا لیکن 2019 ورلڈ کپ کے بعد ہی آئی سی سی نے عندیہ دے دیا تھا کہ چمپئینز ٹرافی کی واپسی ہو گی۔ لیکن شیڈول میں 2025 سے پہلے فٹ نہیں ہو رہی تھی۔ آج بس آفیشل اعلان ہوا ہے۔