لقمان پنجابی
محفلین
ساڈی دلی تعزیت تے نيک دعاواں اناں دلیر فوجی افسراں تے ایس سپاہی دے سوگوار ٹبراں تے متراں نال نے جیڑے خیبر پختونخواہ صوبے دے اپر دیر علاقے وچ بم دھماکے وچ زندگی توں ہتھ دھو بیٹھے۔ اسی ایس حملے دی دل کھول کے مذمت کردے آں۔ بڑے دکھ دی گل وے کے ایس بم حملے وچ پاک فوج دے دلیرافسراں فرض دی راہ وچ جان دیتی۔ ایس قسم دیاں ظالم کاروائیاں دہشت گرداں دی اصلیت، بد ارادیاں تے نیچ سوچ نوں ظاہر کردیاں نے۔
پاکستان وچ جگہ جگہ قانون نافذ کرنڑ آلے تے بے گناہ لوکاں دے خلاف کیتاں جاونڑ آلیاں دہشتگردی دیاں وارداتاں دہشتگرداں دی فساد،قتل تے دھمکیاں دے آسرے پاکستان وچ سیاسی طاقت حاصل کرنڑ دی کوشش دا پتہ دیندیاں نے۔ امریکی حکومت اناں درندہ صفت شدت پسنداں دے خلاف پاکستانی فوج ولوں دیتیاں جاونڑ آلیاں بے مثال قربانیاں دا دل توں احترام کردی وے، جیڑے انسانيت دی ہر حد پار کرچکے نے ۔ اسی ایس گل دا اک وار فیر یقین دواندے آں کے اسی اناں وحشیاں دے خلاف جاری جنگ وچ پاکستان نال کھلوتے ہوئے آں۔
کوئی وی اناں انتہا پسنداں دے خلاف جاری بھیڑی نوں ویکھ کے پاکستانی دلیر لوکاں دے پیڈے عزم تے ڈاھڈیاں قربانیاں نوں نظرانداز نہی کرسکدا۔ پاکستانی عوام دے پیڈے آرادے تے فوج تے دوجے قانون دے محافظاں لئی اوناں دی مسلسل حمايت تے اکٹھ اے چانڑ پاونداں وے کے پاکستانیاں لئی ٹی ٹی پی دی دنگے، فساد، تے تباہی تے مبنی انتہا پسند سوچ قابل قبول نہی۔
آخیر تے، کجھ سوال اوناں کولوں جیڑے اناں دہشت گرداں نوں جہادی آکھدے نے: کیویں بے جا انساناں دی قتل و غارت نوں جہاد آکھیا جاسکدا وے؟ کيا اسی انتہا پسنداں تے تشدد، قتل تے برداشت دے گھاٹے آلے شرپسند ایجنڈے نو نظر انداز کر سکدے آں؟ دو ٹوک جواب وے "نہی" – پاکستان دے امن نوں پیش خطرے نوں جڑ توں پٹنڑ لئی اک سانجھی کوشش دی لوڑ وے تا پاکستان تے خطے وچ امن نوں یقینی بنايا جاسکے۔
https://vimeo.com/home/myvideos/page:2/sort:date/format:video
https://vimeo.com/home/myvideos/page:1/sort:date/format:video
لقمان – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
www.state.gov
http://www.facebook.com
